O Alii ma Tamaitai Talavou Ofoofogia i Tusitusiga Paia
O le tusitala, o se faiaoga seminare, sa alala i Siamani ma na maliu i le 2012.
E mafai ona outou aoao mai ma mulimuli i faataitaiga o le autalavou amiotonu e toatele ua faasaoina a latou tala i tusitusiga paia.
Ata na tusia e Andrew Bosley
E alofa le Alii i le autalavou a le Ekalesia. E tele Lona talitonuina o oe. I soo se tausaga, ua musuia e le Alii ni alii ma ni tamaitai talavou totoa e taitai ma faamanuiaina Lona nuu. E manaomia e Ia lo latou sogasoga, lototele, ma lo latou amata mea. E i ai lava i taimi uma ma o le a faaauau pea ona faapea.
O faataitaiga e tele o toa talavou e pei o se filo auro umi i tusitusiga paia. E ui lava sa latou ola i aso la ua leva, e mafai ona outou mulimuli i a latou faataitaiga ma fesootai i o latou olaga. Sa i ai o latou faafitauli faaleaiga; sa latou ola faatasi ma tagata amioletonu; na latou feagai ma ni “Koliata,” ae o lo latou lototele, usiusitai, ma le faatuatua ia Iesu Keriso e ala i o latou luitau—e pei lava ona faia e nei uiga mo oe foi.
Aperaamo
Sa ofoofogia le naunautaiga o Aperaamo, lototele, ma le naunautai e sii ae lona leo e faasagatau i le amioleaga—e sili atu ona maoae i le mafaufau atu o lona tama e tapuai i tupua. A o talavou, sa ia tu malosi ai mo le amiotonu, lea na toetoe lava a fasiotia ai o se taulaga. Tagai Aperaamo 1:2–7.)
Iosefa i Aikupito
Sa 17 ona tausaga ina ua faatau atu o ia e ona uso matutua i le nofo pologa, ae faatasi ai ma faamanuiaga a le Alii, sa mafai ona faia e Iosefa se mea lelei mai lenei tulaga faigata. Sa le‘i faatoilaloina o ia, aua na te lei fiu lava. Sa faifai pea lona faalagolago i le Alii. Na faaalia le lototele naua o Iosefa lava ia i le ala mamalu sa ia faamagaloina ai i amioletonu sa faia ia te ia. (Tagai Kenese 37; 45.)
Tavita
A o talavou Tavita sa avea ma se leoleo mamoe, ma sa ia tau faasaga i se urosa ma se leona e puipui ai mamoe a lona tama. O lona lototele faaletagata lava ia e lei maua mai i ona tomai faaleoleo mamoe; sa maua mai i lona faatuatua i le Tama Faalelagi, e pei ona faaalia i lana taua ma Koliata. (Tagai 1 Samuelu 17:32–54.)
Eseta
Sa i ai lona naunautaiga e tuu lona ola i se tulaga lamatia ina ia mafai ona laveai lona nuu. E le ona o le lalelei o Eseta ae o ona uiga faaleagaga na avea ai o ia o se tagata maoae. (Tagai Eseta 4–5.)
Tanielu
Ata na tusia e Andrew Bosley
Na ia usiusitai i le tulafono a le Alii o le soifua maloloina e ui lava e lei faia e isi na latou faatasi. Sa ia tatalo, e ui lava o le tatalo i le Tama Faalelagi na faasagatau i poloaiga a le tupu. Ona o lona amiotonu ma le faamaoni i musumusuga a le Agaga, sa faamanuiaina Tanielu e le Alii i le meaalofa o le faamatalaina o miti ma faaaliga. Sa ia maua le mana ma le poto mai le Tama Faalelagi, ma i taimi faigata, o mana o le lagi sa ia mauaina. (Tagai Tanielu 1; 6.)
Nifae
O Nifae o se faataitaiga ofoofogia ina ua ia saunoa mai, “O le a ou alu ma fai mea ua poloaiina e le Alii” (1 Nifae 3:7). Sa i ai ia te ia le lototele e fai le mea na faatonuina o ia e fai. Faamata na ia ola i se fale lelei? Leai sa nofo o ia i le vao mo le tele o tausaga. Pe sa lelei mea uma mo ia? E leai, sa masani lava ona feitai ia te ia ona uso ma o nisi taimi sa taumafai e fasioti ia te ia. I nei mea uma, na ia usiusitai i poloaiga a le Alii.
O Alii Talavou e Lua Afe a Amona
O nei alii talavou na tausia e ni matua faamaoni, ma o lo latou faatuatua i upu a o latou tina na faamanuiaina ai i latou. Sa latou aoao e faalogo ma usiusitai ma le atoatoa, ma i la latou taua latou te lei masalosalo o le a puipuia i latou e lo latou Tama oi le Lagi. (Tagai Alema 56:45–48.)
Mamona
Ina ua 15 ona tausaga, na asiasi atu ia te ia le Alii ona o lona lotomaualalo, mama, ma le mama aiai, e ui lava i le eleelea o tagata na siomia o ia. I le 15 foi o ona tausaga, na avea ai Mamona ma se taitai o le autau. Mulimuli ane, sa tuuina atu ia te ia le tausiga o tusitusiga paia. (Tagai Mamona 1–2.)
Iosefa Samita
I le 14 o ona tausaga, sa ia suesue i tusitusiga paia ma tatalo ina ia iloa po o le fea ekalesia e auai. Na valaauina e le Alii o ia e toefuatai le talalelei ma le Ekalesia a Iesu Keriso. Na faapaiaina e Iosefa lona olaga atoa i le faataunuuina o lena tofiga, e ui i le tele o faafitauli ma faigata. I le 17 o tausaga na faaali mai ai le agelu o Moronae, lea na faaalia ia te ia papatusi auro. E oo lava i se tausaga talavou, o Iosefa Samita o se faiaoga mamana ma se faataitaiga maoae ia i latou o siomia ai o ia. (Tagai Iosefa Samita—Talafaasolopito 1.)
O Lou Aso
Pe ua uma aso o alii ma tamaitai talavou ofoofogia? Leai! Sa ta‘u atu e le agelu o Moronae ia Iosefa Samita o le valoaga a Ioelu o le a faataunuuina lava:
“Ou te le [Alii] o le a sasaa atu loʼu agaga i luga o tagata uma; ma te vavalo atu lou atalii ma ou afafine, outou tagata tuai miti foi, o lo outou alii talavou e iloa o faaaliga:
“Ou te liligi ifo foi lou agaga i auauna ma auauna fafine” (Ioelu 2:28–29; tagai Iosefa Samita—Talafaasolopito 1:41).