Taimi o Tusitusiga Paia

Peteru, Konelio, ma le Agelu

Saunia e Erin Sanderson

E alala le tusitala i Iuta, ISA.

Aoao faatasi e uiga i le Feagaiga Fou i le tausaga nei!

Ina ua mavae le toetu mai o Iesu ma toe foi atu i le lagi, na talai atu Peteru ma isi Aposetolo i le tele o nofoaga, ae e na o tagata Iutaia.

O Konelio o se fitafita i le vaegaau a Roma. Sa talitonu o ia i le Atua, ae o ia e le o se tagata Iutaia. Na faaali mai ia te ia se agelu ma ta‘u atu ia te ia e auina atu mo Peteru. Na auina atu e Konelio ona tagata e saili ia Peteru, ma sa fai atu e le Agaga Paia ia Peteru e o faatasi ma i latou.

I le fale o Konelio, na aoaoina e Peteru le tele o tagata o e sa faapotopoto ai iina. Sa ia ta‘u atu ia te i latou e uiga i le talalelei a Iesu Keriso, ma sa latou lagonaina le Agaga Paia ma iloaina e moni. Ina ua iloa e uo a Peteru ua ia talai atu i tagata e le o ni tagata Iutaia, sa faateia i latou. Ae na ta‘u atu e Peteru ia i latou sa ia aoaoina o le talalelei a Iesu Keriso e mo tagata uma. (Tagai i le Galuega 10:1–48; 11:1–18.)

Talanoaga i le Aiga

Faitau Mataio 28:19–20. Talanoa e uiga i le auala e mafai ona tatou faasoa atu ai le talalelei i tagata uma. Mafaufau i fesili e mafai e au uo po o tuaoi ona fai e uiga i le talalelei. E mafai ona e faataitaia i le fesili atu ma taliina fesili e ala i le faatinoina e lou aiga.

Pese: Filifili se pese e uiga i le galuega faafaifeautalai, e pei o le “Matou Te Aumaia Le Upu Moni I Le Lalolagi” (Tusipese a Tamaiti, 92).

Mau: Mataio 28:19–20

Vitio: Alu i le Biblevideos.org ma matamata “Peter’s Revelation to Take the Gospel to the Gentiles.”

Motugaafa o Tusitusiga Paia

E mafai ona tatou malamalama atili i tusitusiga paia pe a tatou faasoa atu mea o loo tatou aoaoina. Faitau se fuaitau o mau faatasi ma lou aiga ma talanoa po o a uiga o upu ma fasifuaitau faigata, po o a uiga o mau ia te oe, ma auala e faaaoga ai i lou olaga.

Aoao Atili

A o lei valaauina Peteru e avea ma se soo, o ia o se faifaiva na iloa ia Simona. Ua tuuina atu e Iesu ia te ia le igoa o Peteru, o lona uiga o le “maa” po o le “papa.” Ina ua tuua e Iesu le lalolagi, o Peteru o le Aposetolo sinia ma na taitaia le Ekalesia. Sa ia umia ki, po o le pule, o le perisitua.

Ia Saunia e Faasoa Atu

O se tasi o auala e avea ai ma se faifeautalai lelei o le taumafai ia avea atili e faapei o Iesu. Oti ese pine ma faatumu ai se uiga e te manao e faataitai. Atonu e mafai ona e galue i le “Elder Agalelei” po o le “Sister Loto Faafetai.” Tuu lau pine i se mea e mafai ona faamanatu atu ai lau sini.

Elder

Elder

Sister

Sister

Agavale: ata na tusia e Craig Stapley; taumatau: faamatalaga mai Christ’s Image, saunia e Heinrich Hofmann, faaaloaloga o le C. Harrison Conroy Co.