O lea Mataupu ma lea Mataupu
Kenese 1:26–27
O le a le uiga o le faia i le faatusa o le Atua?
O le faatusa o le Atua
“O le ava i se mana e sili atu le maualuga atu nai lo le tagata lava ia e le faatauvaaina ai o ia: ae, e faaeaina ai. Afai tatou te malamalama ua foafoaina i tatou i le faatusa o le Atua, o le a le faigata ia i tatou ona faalatalata atu ia te Ia. … O lenei malamalama, e maua i le faatuatua, o le a aumaia le mapusaga i le loto ma le filemu loloto.”
Peresitene Thomas S. Monson, “O le Moli o le Ava a le Alii,” Liahona, Ian. 1991, 104–108.
Ina tatou
O lenei numera tele e foliga mai o le Atua o loo talanoa atu i se isi tagata—aua o loo Ia faia. Na aoao mai Iosefa Samita, “I le amataga, na valaauina e le taitai o Atua se aufono a Atua; ma na latou o mai faatasi ma faia [saunia] se fuafuaga e foafoaina le lalolagi ma faatagataina” (History of the Church, 6:308). O lenei aufono na aofia ai le Alii o Iesu Keriso ma isi tagata (tagai i le Mose 2:26–27; Aperaamo 4:26–27).
I lo tatou faatusa
“O le Atua lava Ia na avea o ia e pei o i tatou nei, ma o se tagata faaeaina, ma o loo nofotupu o ia i le lagi! O le mealilo sili lea. Afai e tatalaina le veli i le aso … afai e mafai ona e vaai ia te Ia i le aso, o le a e vaai ia te Ia e foliga i se tagata—e pei o oe lava i le tino, foliga, ma le fausaga o se tagata lava.”
Aoaoga a Peresitene o le Ekalesia: Iosefa Samita (2007), 44.
“O le tagata o le atalii o le Atua, na faia i le faatusa paia ma faaeeina i ai uiga paia, e oo lava i se atalii pepe o se tama ma se tina faalelalolagi e mafai lava ona oo atu i le taimi e avea ai ma se tama, e faapena le atalii e lei matua o matua faaselesitila ona mafai, e ala i aafiaga i tausaga ma olaga, o le faagasologa i le avea ma se Atua.”
O Le Au peresitene Sili, “The Origin of Man,” Improvement Era, Nov. 1909, 81; Ensign, Fep. 2002, 30.
Pule
“O le lalolagi ma mea uma o i ai e tatau ona faaaogaina talafeagai e lagolago ai le aiga o tagata. Ae peitai, o tagata uma o tausimea—e le ona mea—i luga o lenei lalolagi ma lona matagofie ma o le a tali atu i luma o le Atua mo mea na latou faia i Ana foafoaga.”
“Environmental Stewardship and Conservation,” mormonnewsroom.org; tagai foi i le Mataupu Faavae ma Feagaiga 104:13–15.
Tane ma le fafine
“O alii ma tamaitai uma ua faia i le faatusa o le Tama ma le Tina o le lalolagi ma o atalii ma afafine moni lava o le Atua.”
O Le Au peresitene Sili, “The Origin of Man,” Improvement Era, Nov. 1909, 78; Ensign, Fep. 2002, 29.
“O le tulaga tane po o le fafine o le tagata o se vaega taua lea o le muai olaga, olaga faitino, ma le faasinomaga e faavavau ma le faamoemoega.”
“O le Aiga: O se Folafolaga i le Lalolagi,” Liahona, Nov. 2010, 129.