Taimi ʻo e Folofolá
Ko Pita, Koniliusi, mo e ʻĀngeló
ʻOku nofo ʻa e tokotaha naʻá ne faʻú ʻi ʻIutā, USA.
Ako fakataha ki he Fuakava Foʻoú ʻi he taʻú ni!
ʻI he hili e toetuʻu ʻa Sīsuú naʻá Ne foki ki he langí, ne malanga ʻa Pita mo e niʻihi ʻo e Kau ʻAposetoló ʻi ha ngaahi feituʻu kehekehe, ka ki he kau Siú pē.
Ko ha ʻeikitau ʻa Koniliusi ʻi he kau tau Lomá. Naʻá ne tui ki he ʻOtuá, ka naʻe ʻikai ko ha Siu ia. Ne hā ha ʻāngelo kiate ia peá ne talaange ke ʻalu kia Pita. Ne fekau ʻe Koniliusi ʻene kau tangatá ke kumi ʻa Pita, peá ne fekau ʻe he Laumālie Māʻoniʻoní ʻa Pita ke ʻalu mo kinautolu.
ʻI he fale ʻo Koniliusí, ne akoʻi ʻe Pita ʻa e fuʻu kakai tokolahi ne nau talolo aí. Naʻá ne vahevahe ange ʻa e ongoongolelei ʻo Sīsū Kalaisí, pea ne nau ongoʻi ʻa e Laumālie Māʻoniʻoní mo ʻiloʻi ʻoku moʻoni ia. ʻI hono ʻilo ʻe he ngaahi kaungāmeʻa ʻo Pitá kuó ne malanga ki he niʻihi ne ʻikai ko ha Siu, ne nau ʻohovale. Ka naʻe talaange ʻe Pita kiate kinautolu kuó ne ʻilo ʻeni ko e ongoongolelei ʻo Sīsū Kalaisí ʻoku maʻá e tokotaha kotoa pē. (Vakai ki he Ngāue 10:1–48; 11:1–18.)
Toʻohema, ʻi ʻolungá: tā fakatātaaʻi ʻe Robert Casey; toʻomataʻu: ʻĪmisi ʻo Kalaisí, fai ʻe Heinrich Hofmann, ʻi he angalelei ʻa e C. Harrison Conroy Co.