Ko e hā ʻokú ke saiʻia taha ai ʻi hoʻo hoko ko e mēmipa ʻo e Siasí?

ʻOku ou saiʻia ʻi heʻetau maʻu ʻa e maá mo e vaí ʻi he lolotonga ʻa e sākalamēnití ko e fakamanatu ʻo Sīsū Kalaisí. ʻOku fakamanatu mai ʻe he maá Hono sinó, pea fakamanatu mai ʻe he vaí kiate kitautolu Hono taʻataʻá. ʻI heʻetau maʻu e sākalamēnití, ʻoku tau lava ʻo kuikui mo fakakaukau ai ki he ngaahi meʻa ne fai ʻe Sīsū maʻatautolú.

ʻEva J., taʻu 9, Kalolaina Tokelau, USA

ʻOku ou saiʻia he ʻilo ʻoku lava ke taʻengata ʻa e fāmilí. (Lini)

ʻOku ou lava ʻo maʻu ha ngaahi kaungāmeʻa, ʻoku ou lava ʻo lau e folofolá he ʻaho kotoa pē, pea ako e ongoongoleleí. (Lafi)

Lini mo Lafi E., taʻu 9 mo e 10, Loto kolo Manila, Filipaini

ʻOku ou saiʻia ʻaupito ʻi he taimi ʻoku ou ongoʻi ai ʻa e Laumālie Māʻoniʻoní. ʻOku lava ke u ongoʻi tuʻo lahi e Laumālie Māʻoniʻoní lolotonga ʻeku fanongo ki he ngaahi leá mo e ngaahi lēsoní. ʻOku lava foki ke u ongoʻi ia ʻi he taimi ʻoku ou tokoni ai ki he niʻihi kehé.

Keili C., taʻu 7, Veisinia, USA

Ko e meʻa ʻoku ou saiʻia taha aí ko e lava ko ia ke tau ako mo vaʻinga he taimi tatau, pea lava ke tau ako lahi ange fekauʻaki mo Sīsu Kalaisi. ʻOku ou saiʻia ke ako fekauʻaki mo Ia koeʻuhí ko Ia hoku Fakamoʻuí. (Lisa)

ʻOku ou saiʻia ke ako fekauʻaki mo Sīsū, pea ʻoku ou ʻilo ʻoku ʻofaʻi kitautolu ʻe Sīsū. (Lela)

Lisa mo Lela S., taʻu 8 mo e 6, Kalefōnia, USA

ʻOku ou saiʻia he ʻalu ki he Palaimelí mo hiva e ʻū hivá.

Heiteni H., taʻu 5, ʻIutā, USA

ʻOku ou saiʻia ke ako fekauʻaki mo Sīsū Kalaisi, pea ʻoku ou saiʻia he ʻalu ki he Palaimelí mo maʻu ha ngaahi kaungāmeʻa.

Kefilini W., taʻu 7, Kalolaina Tokelau, USA

ʻOku ou saiʻia ʻi heʻeku maʻu ha ngaahi kaungāmeʻa foʻou tokolahi mo lava ke akoʻi hoku ngaahi kaungāmeʻa taʻesiasí fekauʻaki mo e ongoongoleleí. ʻOku ou lava ʻo fanongo ki he konifelenisi lahí mo fanongo ki he lea ʻa e kau palōfitá mo e kau ʻAposetoló. ʻOku fuʻu fakalata foki ʻa e efiafi fakafāmili ʻi ʻapí koeʻuhí ʻoku mau ʻalu ʻo kai ʻaisikilimi. Ifo atu!

Savana H., taʻu 12, Uasingatoni, USA