Toloaki Hoʻo Amá: Polokalama ʻAhiʻahi ʻAho ʻe 30

Ki he toʻu tupu ʻo e Siasí ʻoku femoʻuekiná, ʻoku faingofua pē ke ke femoʻuekina ʻi ha tōʻonga moʻui, tautautefito ki he ngaahi meʻa fakalaumālié. ʻOku tau lau ʻetau folofolá, lotu, pea moihū ʻi he founga tatau ʻi he meimei ʻaho kotoa pē pea tau fifili leva ki hono ʻuhinga ʻoku hangē ai ʻoku tau kiʻi tatūsia fakalaumālié.

Ko e taha e ngaahi founga fisifisimuʻa taha ke kei tauhi ai e ulo lahi hoʻo amá ko hono fakapapauʻi ʻokú ke maʻu ha ngaahi aʻusia fakalaumālie ʻoku mahuʻingamālié. Ka ʻoku faingofua ange hono lea ʻakí ʻi hono fakahokó, ko ia ko ha fokotuʻu ʻeni ke tokoniʻi koe ke hokohoko atu hoʻo fakalakalaka fakalaumālié: Fakakaukau ki ha ngāue fekauʻaki mo e ongoongoleleí ʻoku teʻeki ke ke fakahoko kimuʻa (pe tātaaitaha hono fakahokó) pea tukupā ke fai ia he ʻaho kotoa pē ʻi ha māhina ʻe taha. Te ke lava pē ʻo kamata siʻisiʻi koeʻuhí te ke toki ʻilo ʻoku faingofua ange ke liliu e fanga kiʻi liliu siʻisiʻí ke tuʻuloa. ʻI hono fai ʻo e ngaahi meʻa ʻoku ʻikai ke tau fuʻu alāanga ki aí ʻoku ala fie maʻu ha tui mo ha vilitaki lahi ange meiate kitautolu, ka ʻi he taimi ʻoku tau fai ai iá, ʻoku tau fakaafeʻi ʻa e Laumālie Māʻoniʻoní ke ʻiate kitautolu, pea ʻoku tau fakahaaʻi ai ha tui maʻongoʻonga ange ʻi he Tamai Hēvaní mo ha holi ke ofi ange kiate Ia. Ko ha ngaahi fakakaukau ʻeni ʻe niʻihi ke ke kamata ʻaki: