Faatumu Lou Sulu: O Aso-e 30 o le Suega

Mo le autalavou i le Ekalesia e pisi olaga, e mafai ona faigofie ona tau lava ina fai ni mea ona o se masani, ae maise lava i mea faaleagaga. Tatou te faitau a tatou tusitusiga paia, tatalo, ma tapuai i le ala lava lea e tasi e toeitiiti lava o aso uma ona tuufesili lea pe aisea e foliga mai ai e le‘o alualu i luma faaleagaga.

O se tasi o auala sili e tausia ai lou sulu faaleagaga ia mumu saesae pea o le mautinoa lea o loo i ai ni aafiaga faaleagaga anoa. Ae e faafaigofie na fai mai nai lo le faatinoina, o se fautuaga la lenei e fesoasoani ia te oe e faaauau ai pea ona alualu i luma faaleagaga: Mafaufau i se gaoioiga e fesootai faaletalalelei e te lei faia muamua (pe e te le faia lava) ma tautino ia faia i aso uma mo se masina. E mafai ona e amata laitiiti aua o le a e iloaina ai e sili atu ona faigofie ona liliu suiga laiti i ni suiga e tumau. O le faia o mea faaleagaga tatou te le masani ai e ono manaomia ai se faatuatua ma se taumafaiga sili atu i la tatou vaega, ae pe a tatou faia na mea, ua tatou valaaulia le Agaga Paia e faatasi ma i tatou, ma ua tatou faaali atu ai se faatuatua sili atu i le Tama Faalelagi ma se naunautaiga ina ia latalata atili atu ia te Ia. O ni nai faataitaiga nei e te amata ai: