Kiʻi Tohi Fakamatala ʻo e Konifelenisi ʻo ʻEpeleli 2016

2016

August 2016

Kiʻi Tohi Fakamatala ʻo e Konifelenisi ʻo ʻEpeleli 2016

“ʻIlonga ha meʻa kuó u lea ʻaki ʻe au ko e ʻEikí, kuó u lea ʻaki ia; … neongo pe ko e fai ia ʻi hoku leʻo pē ʻoʻokú pe ʻi he leʻo ʻo ʻeku kau tamaioʻeikí, ʻoku tatau ai pē” (T&F 1:38).

ʻI hoʻo toe vakaiʻi ʻa e konifelenisi lahi ʻo ʻEpeleli 2016, ʻe lava ke ke fakaʻaongaʻi ʻa e ngaahi pēsí ni (mo e Ngaahi Tohi Fakamatala Konifelenisi ʻi he ngaahi makasini he kahaʻú) ke tokoni atu ki hoʻo akó mo hono fakaʻaongaʻi ʻa e ngaahi akonaki fakamuimuitaha ʻa e kau palōfitá mo e kau ʻaposetolo moʻuí mo e kau taki kehe ʻo e Siasí.

Ngaahi Talanoa Mālie mei he Konifelenisí

Ko e hā ha meʻa te ne toe puke ʻetau tokangá, ka ko ha talanoa? ʻOku kau e fanga kiʻi talanoa ko ʻení he ngaahi talanoa ne vahevahe ʻi he konifelenisí:

Ko e hā e fehokotaki e matala ʻo e mekinōliá mo e founga ʻoku tau ʻoange ai ha faingamālie ki he niʻihi kehé ʻi heʻetau moʻuí? —Vakai, Neill F. Marriott, “Ko e Hā Te Tau Faí?” 10.
Ko e hā naʻe nofo ai ʻa ʻEletā Heili he tuku e konifelenisí ke ne lulululu mo e taha kotoá? —Vakai, Robert D. Hales, “Ko e Laumālie Māʻoniʻoní,” 105.
ʻI he taʻu 11 ʻa Yvette Bugingo, naʻá ne hoko ko ha taha kumihūfanga ka naʻe tāmateʻi ʻene tamaí pea pulia hono ngaahi tuongaʻane ʻe toko tolú. Ko e hā e ikuʻanga e talanoa ki aí? —Vakai, Linda K. Burton, “Ko e Muli Au,” 13.
Ko e hā ʻe lava ʻe he fanga kiʻi talanoa ko ʻeni ki he fānau Siasi mei he ngaahi ʻapi teʻeki siasí, ʻo ueʻi kitautolu ke tau faí? —Vakai, Neil L. Andersen, “Ko ia Ia ʻOkú Ne Maʻu ʻa Kinautolú, ʻOkú Ne Maʻu Au,” 49.