Ko ʻEtau Pēsí

ʻOku tatau ʻa Sīsū mo ha tauhisipi lelei, pea ko ʻEne fanga sipí kitautolu. ʻOkú Ne fie tauhi kitautolu.

Vikatōlia P., taʻu 10, Vahefonua Fetaloló, Palāsila

Naʻá ku aʻusia ha meʻa lelei ʻi he taimi naʻá ku taʻu fitu aí. Naʻá ku fie ʻilo pe naʻe moʻoni ʻa e Siasí. Ko ia, naʻá ku lotu leva ʻo fehuʻi ki heʻetau Tamai Hēvaní. Naʻe ʻosi ʻeku lotú, peá u tokoto leva ke mohe. Naʻá ku misi naʻe fakahā mai ʻe Sīsū Kalaisi kiate au, “Ko e Siasi moʻoní ʻeni.” Naʻá ku manatuʻi ʻeku misí, ʻi he taimi naʻá ku ʻā hake aí, pea naʻá ku ʻilo naʻá ku ʻi he Siasi moʻoní.

Milenitā R., taʻu 9, Kueletalo, Mekisikou

ʻOku ou fiefia ke hoko ko ha mēmipa ʻo e Siasí. Ko hoku kaumeʻa ʻa Sīsū Kalaisi pea ʻokú Ne maluʻi au mo hoku fāmilí. ʻOku ou saiʻia ke ʻaʻahi ki he temipalé. ʻOku ou saiʻia ʻi he efiafi fakafāmili ʻi ʻapí mo e Palaimelí.

ʻEnisela M., taʻu 11, Kōloni, Panamā

Naʻa mau fakakaukau ke faʻu ha mōtolo ʻo e Temipale Monitivitiō ʻUlukuaí, ke hoko ho ha taumuʻa ʻi heʻemau kiʻi tohi Tui ki he ʻOtuá. Naʻe feʻunga mo ha taʻu ʻe taha, ka naʻe mahuʻinga ia. ʻI he taimi ne hoko ai homau taʻu 12, ko ʻemau taumuʻá leva ke ō ki he temipalé.

Samuela O., taʻu 10, mo ʻEnisou S., taʻu 11, Potungāue Livelá, ʻUlukuai

Ko Ho Taimí ʻEni!

Te ke lava ʻo vahevahe e meʻa naʻá ke aʻusiá, hoʻo fakamoʻoní, mo e taá mo ʻEtau Pēsí. ʻĪmeili ki he [e-mail] pea fakakau mai ai e tohi fakangofua ʻa e mātuʻá, pe ʻalu ki he liahona.lds.org ʻo lomiʻi ʻi he “Submit an Article.”