Tā tātou ’api

’Ua taiā vau i tō’u bāpetizora’a, i tō’u ra tomora’a i roto i te pape, ’ua ’ī au i te ’oa’oa ’e te poupou.

Thomas B., 8 matahiti, Uruguay

’Ua tere atu mātou mai Cambodia e tae atu i te hiero nō Hong Kong Taina ’ia nehenehe i tō’u tuahine iti, ’o Laura, ’ia ta’atihia i tō mātou nei ’utuāfare. ’Ua ’ite au i te Vārua i roto i taua vāhi ta’a ’ē ra.

Rosa P., 9 matahiti, Cambodge

I te hō’ē mahana i roto i te piha ha’api’ira’a, tē tai’o ra vau ma te hau ’a ha’uti noa ai te mau pīahi ato’a i te mau ha’uti perē. I te taime ’a ta’i ai te oe, ’ua tu’u haere noa atu rātou i te mau ha’uti i ni’a i te vaira’a buka ’e ’ua hue haere. ’Ua ha’amata vau i te tāmā i te reira, ’e ’aita i maoro roa ’ua ha’amata te mau pīahi ato’a i te tauturu mai. ’Ua vaiiho vau i tō’u māramarama ’ia ’ana’ana nā roto i te rirora’a ’ei hi’ora’a maita’i.

Winnie W.,10 matahiti, Canada

I te vaura’a o tō’u matahiti, ’ua haere mai tō’u mau metua tupuna ’e tō’u mau hoa e rave rahi i tō’u bāpetizora’a. ’Ua bāpetizo ’e ’ua ha’amau tō’u metua tāne iā’u. I muri iho ’ua hōro’a vau ’e 30 tenetimetera o tō’u rouru nō te hō’ē tamari’i tei ro’ohia i te ma’i māriri ’ai ta’ata. ’Ua fa’a’oa’oa rahi tō’u mahana fānaura’a iā’u !

Lavona R., 8 matahiti, Indonesia