Ko Hono Fakamamafaʻi ʻo e Hingoa Totonú

Koeʻuhí ke lava ʻo ui e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻaki hono hingoa totonú, ʻoku lolotonga fakahoko ai ha ngaahi liliu ki he ngaahi halanga fetuʻutakí.

Ngaahi Liliu ki he Uepisaití

ʻOku fetongi ʻe he ChurchofJesusChrist.org ʻa e LDS.org ko e hingoa ia ʻo e uepisaiti fakaʻofisiale ʻa e Siasí.
ʻI ha ngaahi māhina siʻi mei heni, ʻe fetongi ʻe he Newsroom.ChurchofJesusChrist.org ʻa e MormonNewsroom.org.
ʻE iku ʻo fetongi ʻe he ComeUntoChrist.org ʻa e Mormon.org, ʻa ia ʻoku lolotonga fakaleleiʻi ke maʻu ʻe he kau mamatá (niʻihi ʻoku ʻikai kau ki he Siasí) ha aʻusia ʻoku fakafoʻituitui angé.

Ngaahi Liliu ki he Halanga Fakamafola ʻi he Mītia Fakasōsialé

Kuo liliu e ngaahi ʻakauni mītia fakasōsiale kotoa pē ʻa e Siasí ke fakamamafaʻi ʻa e hingoa ʻo e Siasi ʻa e Fakamoʻuí.
ʻE lava e kāingalotú ʻo fili ke nau kau ki ha Facebook group foʻou ʻoku ui ko e “The Church of Jesus Christ of Latter-day Saints—Inspiration and News” ke nau ʻilo ai e ngaahi ongoongó mo e ngaahi liliú pea mo fakatupulaki ha feohiʻanga mo e fehokotaki ʻi he Siasí.

Ngaahi Liliu ki he Ngaahi Polokalama faka-Telefoni Toʻotoʻó

ʻOku fetongi ʻe he Sacred Music ʻa e LDS Music.
ʻE kei tuʻu maʻu pē ʻa e polokalama Gospel Library.

ʻE lava ke tau ʻamanaki atu ki ha ngaahi liliu lahi ange ʻi heʻetau fengāueʻaki fakataha ke fakamamafaʻi ʻa e hingoa ʻo e Siasi ʻa e Fakamoʻuí, ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.