ʻOku Tali Fakapuleʻanga ʻa e Siasí ʻi Kueiti

Kuo maʻu ʻe he Siasí ha tali fakaʻofisiale mei he Puleʻanga ʻo Kueití ki hono kau taki fakalotofonuá mo e ngaahi kautahá. ʻOku meimei toko 300 ha kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻoku nau nofo mo ngāue ʻi Kueiti; ʻoku nau omi mei ha ngaahi fonua kehekehe ʻi he funga ʻo e māmaní. ʻOku lava ke tokoniʻi lelei ʻe he kau taki fakalotofonuá e ngaahi fie maʻu ʻa e kau mēmipa ʻi Kueití, koeʻuhí ko hono tali lelei kinautolu ʻe he puleʻangá.

Naʻe fakahaaʻi ʻe Pīsope Teuli Halatine ʻo e Uooti Kueití, Siteiki Manamā Pāleiní, ʻa ʻene fakamālō ki he puleʻanga ʻo Kueití ʻi hono fakaʻatā ʻa e tauʻatāina ke lotú ʻi Kueití, kae tautautefito ki he kakai mei muli ʻoku omi ke ngāué, pea mo hono tanumaki ʻo e tui fakalotú ʻi he fonuá.