Fiefiá mo e Talangofuá

Fai ʻe Palesiteni Russell M. Nelson

Toʻo mei he “Fehangahangai mo e Kahaʻú ʻi he Tui,” Liahona, Mē 2011, 34–36.

Ko e fānau koe ʻa e ʻOtuá. ʻOku foaki mai ʻe he ʻOtuá ʻa e ngaahi fekaú ke tāpuekina kitautolu mo ʻomi ʻa e fiefiá. Ko e taimi ʻe niʻihi ʻoku filifili pē ʻe he kakaí ʻa e ngaahi fekau te nau tauhí mo e ngaahi fekau he ʻikai ke nau tauhí. Ko e feinga ke talangofua ki he ngaahi fekau kotoa ʻa e ʻOtuá ʻe:

Tāpuekina koe ʻaki e maama mo e fiefia.

Tokoniʻi koe ke ke ʻataʻatā mei he ngaahi tōʻonga fakatuʻutāmakí.

Maluʻi ho sinó.

Maluʻi ho laumālié.

Manatuʻi, ʻoku ʻi ai maʻu pē ʻa e ʻOtuá mo ʻEne kau ʻāngeló ke tokoniʻi koe. ●

Ko ʻEtau Ngaahi Pā ʻi he Ongoongoleleí

Naʻe ʻoange ʻe he ʻEikitau ko Molonaí ki he kakai Nīfaí ha ngaahi pā ke tokoni ke maluʻi kinautolu. Tohiʻi ʻi he pā takitaha ha tuʻunga ʻulungaanga ʻo e ongoongoleleí mei he lisi ʻi laló ʻe lava ke tokoniʻi koe ke ke malu mo mālohi.

Fanongo ki he Laumālie Māʻoniʻoní.
Fakatomala he taimi ʻokú ke fai ai ha fehalākí.
ʻOua ʻe kapekape pe lea taʻefeʻunga.
Tauhi ‘a e ʻaho Sāpaté ke māʻoniʻoni.
Fanongo ki he mūsika leleí.
Sio he ngaahi meʻa ʻoku leleí.
Tui ha vala ʻoku tāú.
Angaʻofa ki he kakaí.
Faitotonu.
Fakaʻaongaʻi ʻi he loto-ʻapasia ʻa e huafa ʻo e Tamai Hēvaní mo Sīsuú.