Haʻu, ʻo Muimui ʻIate Au: Tohi ʻa Molomoná
ʻE lava fēfē ʻa e toʻu tupú ʻo langa hake e puleʻanga ʻo e ʻOtuá?
10–16 ʻAokosi
Naʻe ueʻi fakalaumālie ʻa Hilamani ʻe he tui mālohi ʻa hono ngaahi foha kei talavoú. Fakakaukau ki he founga ne hoko ai ʻenau ngaahi angafaí ke maʻu ai ha malu fakalaumālié (vakai, ʻAlamā 57:25–27) mo e founga ʻe lava ke tokoni ai ʻa e muimui ki heʻenau sīpingá ke ke langa hake ʻa e puleʻanga ʻo e ʻOtuá.
Fili Pe Ko Hai Te Ke Muimui Aí
Ne fili ʻe he toʻu tupu ko ʻení ʻa honau takí—ko e palōfita ko Hilamaní (vakai, ʻAlamā 53:19). Te ke fili fēfē ʻa e palōfitá ke hoko ko ho takí?
Faivelenga he Taimi Kotoa Pē
Ko e toʻu tupu ko ʻení “naʻa nau faivelenga ʻi he meʻa kotoa pē ʻa ia naʻe tuku ke nau faí” (ʻAlamā 53:20). Te ke faivelenga fēfē ange ʻi hoʻo ngaahi fatongiá?
Fakaʻaongaʻi e Tuí
Naʻe tokosiʻi e toʻu tupu ko ʻení pea naʻe siʻi haʻanau taukei ʻi he taú. Ka neongo ia, ne nau maʻu ʻa e tuí: “ʻOku ʻiate kitautolu ʻa hotau ʻOtuá, pea ʻe ʻikai te ne tuku ke mau tō; … tau ō atu” (ʻAlamā 56:46). Te ke lava fēfē ʻo “ʻalu atu” ʻi he tuí?
Falala ki he Ngaahi Akonaki ʻa e Mātuʻa Angatonú
Ko e toʻu tupu ko ʻení “kuo akonekina ʻa kinautolu ʻe heʻenau ngaahi faʻeé, kapau ʻe ʻikai te nau taʻetui, ʻe fakahaofi ʻa kinautolu ʻe he ʻOtuá” (ʻAlamā 56:47). Te ke akoʻi fēfē hoʻo fānaú ʻi he founga tatau ke nau maʻu ʻa e tuí?