2020
ʻOku ʻi Fē Hoʻomou Tokangá?
ʻAokosi 2020

Haʻu, ʻo Muimui ʻIate Au: Tohi ʻa Molomoná

ʻOku ʻi fē hoʻomou tokangá?

ʻAlamā 43–52

3–9 ʻAokosi

Where is your focus

Naʻe fakatefito ʻe he ʻEikitau ko Molonaí mo ʻAmalekaia ʻa ʻena moʻuí ʻi ha ngaahi meʻa kehekehe. Lolotonga e “[feinga] … [ʻa] ʻAmalekaia ke ne maʻu [ha] mālohi ʻi he kākaá mo e tauhelé, … naʻe teuteuʻi foki ʻe Molonai … ʻa e fakakaukau ʻa e kakaí ke tui faivelenga ki he ʻEiki ko honau ʻOtuá” (ʻAlamā 48:7).

Ko e hā te tau lava ʻo ako mei he ngaahi faikehekehe ʻa Molonai mo ʻAmalekaiá?

Molonai:

  1. Naʻe “fili ʻe he kau fakamaau lahí mo e leʻo ʻo e kakaí” (ʻAlamā 46:34).

  2. Fakahaaʻi ʻene ngaahi tuí ʻaki ʻene “kaila leʻo-lahi” mo fakaafeʻi e niʻihi kehé ke nau failelei (vakai, ʻAlamā 46:19–20). Naʻe fonu hono lotó ʻi he “fakafetaʻi ki hono ʻOtuá” (ʻAlamā 48:12).

  3. Fakapapau ʻi ha fuakava ke maluʻi hono kakaí, ngaahi totonú, fonuá, mo e tui fakalotú ka naʻe ʻikai ke ne vīkiviki ʻi he lilingi totó (vakai, ʻAlamā 48:13, 16).

  4. Fiefia ʻi he tauʻatāiná (vakai, ʻAlamā 48:11), pea naʻe vīkiviki ʻa hono lotó ʻi he “maluʻi hono kakaí” (ʻAlamā 48:16).

ʻAmalekaia:

  1. Feinga ke fakahifo ʻa e tuʻi ʻo e kau Leimaná mei he taloní pea fokotuʻu ia ke hoko ko e tuʻi (vakai, ʻAlamā 47:8).

  2. Ko ha “tangata olopoto ʻaupito ia ʻi he fai koví” pea naʻá ne “fokotuʻu [fakapulipuli] ai ʻa e fakakaukau ʻi hono lotó” (ʻAlamā 47:4).

    Naʻá ne lea kovi foki ki he ʻOtuá (vakai, ʻAlamā 49:27).

  3. Naʻá ne ueʻi e kau Leimaná ke nau ʻita ke fakatupunga ai ha tau peá ne fakapapau ʻi ha fuakava te ne inu e toto ʻo Molonaí (vakai, ʻAlamā 47:1; 49:27).

  4. Naʻá ne tau ke fakapōpulaʻi e niʻihi kehé (vakai, ʻAlamā 49:26) pea “naʻe ʻikai te ne mahuʻingaʻia ʻi he toto ʻo hono kakaí” (ʻAlamā 49:10).