Ko e ʻAʻahi ʻa Sīsū ki he Ongo ʻAmeliká

Lau fekauʻaki mo e meʻá ni ʻi he Hilamani 14; 3 Nīfai 1; 8–11.

ʻI he Tohi ʻa Molomoná, naʻe akoʻi ʻe ha palōfita ko Samuela ki he kakaí fekauʻaki mo Sīsū. Naʻá ne pehē ʻe hopo ha fetuʻu foʻou ʻi he taimi ʻe ʻaloʻi ai ʻa Sīsuú.

Naʻe tui ha kakai ʻe niʻihi ki he palōfitá pea nau fakasio ʻa e fetuʻú. Naʻe hā ʻa e fetuʻu foʻoú ʻi ha pō ʻe taha! Ko ha fakaʻilonga ia kuo ʻaloʻi ʻa Sīsū ʻi ha fonua mamaʻo.

Ne ʻosi atu ha ngaahi taʻu. ʻI he ʻaho ʻe taha hangē naʻe mamahi e māmaní kotoa. Naʻe ʻi ai ha ngaahi mofuike mo e afā lahi. Ko ha faka‘ilonga ia naʻe pekia ʻa Sīsū.

Naʻe fakapoʻuli ʻa e fonuá ʻi he ʻaho ʻe tolu. Pea hoko leva ha meʻa fakaofo. Naʻe haʻu ʻa Sīsū ʻo ʻaʻahi ki he kau Nīfaí! Naʻá Ne toetuʻu, ʻa ia ʻoku ʻuhinga ia naʻá Ne toe moʻui. Naʻá Ne tuku ha taimi ke feohi tahataha mo e tokotaha takitaha.

ʻOku ʻafioʻi au ʻe Sīsū. Te Ne lava ʻo tokoniʻi au lolotonga e ngaahi taimi fakapoʻuli mo fakailifiá. Ko Ia ʻa e Maama ʻo e Māmaní! ●