Haʻu, ʻo Muimui ʻIate Au: Tohi ʻa Molomoná

Te u hoko fēfē nai ko e māsima ʻo e māmaní?

3 Nīfai 12–16

21–27 Sepitema

ʻI he fono ʻa Mōsesé, naʻe fie maʻu ke fakamāsima ʻa e kakanoʻi manú kimuʻa pea fakaʻaongaʻi ia ko ha feilaulaú (vakai, Levitiko 2:13). Hangē pē ko hono teuteuʻi ʻe he māsimá ʻa e kakanoʻi manú ki he feilaulaú, te tau lava ʻo tokoni ke teuteuʻi e māmaní maʻá e ʻEikí ʻaki ʻetau hoko “ko e māsima ʻo e māmaní” (3 Nīfai 12:13).

“ʻOku ou fekau kiate kimoutolu ke mou hoko ko e māsima ʻo e māmaní; ka ʻo kapau ʻe mole ʻi he māsimá ʻa hono koná, ʻe fakakonaʻi fēfeeʻi ʻa e māmaní? Ngata ai ʻe ʻikai toe ʻaonga ʻa e māsimá, ka ke lī ki tuʻa pea molomoloki ia ʻi he lalo vaʻe ʻo e kakaí” (3 Nīfai 12:13; tānaki atu hono fakamamafaʻí).

Māsima ʻo e māmaní: ʻI heʻetau fakahoko e ngaahi fuakava mo Sīsū Kalaisí, ʻoku tau palōmesi ke teuteuʻi ʻa e māmaní ki Heʻene Hāʻele ʻAnga Ua Maí (vakai, Tokāteline mo e Ngaahi Fuakava 34:5–7).

Mole hono koná: ʻOku fie maʻu ke tau hoko ko ha “maama ki he māmaní” pea tokoniʻi e niʻihi kehé ke nau haʻu kia Kalaisi. Kapau te tau taʻetokanga ke fai ia, ʻe malava ke tau hoko ʻo “hangē ko e māsima ʻa ia kuo mole hono koná” (Tokāteline mo e Ngaahi Fuakava 103:9–10).

ʻIkai toe ʻaonga: ʻOku ʻikai toe ʻaonga ʻa e māsima kuo mole hono koná. ʻOku tau hoko ko e māsima ʻo e māmaní ʻi heʻetau “tuʻu ko e kau fakamoʻoni ʻo e ʻOtuá ʻi he taimi kotoa pē pea ʻi he meʻa kotoa pē, pea ʻi he feituʻu kotoa pē te [tau] ʻi ai’ (Mōsaia 18:9).

“ʻI heʻetau hoko ko e ‘māsima ʻo māmaní,’ ʻoku tau hoko foki ko e ‘maama ʻo e māmaní,’ pea kuo pau ke ʻoua naʻa fufuuʻi ʻetau māmá (vakai, Mātiu 5:13–16).”

Palesiteni Dallin H. Oaks, Tokoni ʻUluaki ʻi he Kau Palesitenisī ʻUluakí, “Repentance and Change,” Liahona, Nov. 2003, 40.

Fealēleaʻakí

Te u tauhi lelei ange fēfē ʻeku ngaahi fuakava mo e ʻOtuá? Te u hoko fēfē nai “ko e māsima ʻo e māmaní” mo faitāpuekina ʻa kinautolu ʻoku mau feohí?

Tā fakatātā mei he Getty Images