Faiga e Faasino Atu Ai Tagata i Faifeautalai: Faigaofie, Vave

E faatauvaa lava ma faigofie atu nai lo se isi taimi mo tagata o le au paia e fesoasoani ia latou uo e feiloai ma faifeautalai, faafetai i faafouga talu ai nei mo tagata o le au paia, i le faiga sa faasino atu ai tagata i faifeautalai. O le faagasologa fou o le faasino atu o igoa ina ia vave ona fesootai ma faifeautalai ma le faasino atu o tagata o le au paia ina ia mafai ai ona latou fuafuaina se aafiaga o le a fesoasoani i le uo a tagata o le au paia, ia sili ona punouai i lesona o le talalelei e tuuina atu e faifeautalai.

O le auala lenei e fai ai:

Pe a ioe mai lau uo po o se paaga e feiloai ma faifeautalai, e na o lou faatumuina lava o se fomu e faasino atu ai, e ala i le polokalama o Meafaigaluega a le Tagata o le Ekalesia po o le ChurchofJesusChrist.org/referrals. E mafai foi ona e tuua ou faamatalaga e faafesootai atu ai ma se faamanatu mo faifeautalai.
A uma ona auina atu le fomu, o se tamaitai faifeautalai ua tofia e fesoasoani i le tagata o loo faasino mai o le a faafesootaia oe. O le a ia atofa atu le igoa i le nofoaga sa’o ma fesoasoani e faafesootai oe i faifeautalai o le lotoifale.
O le a maua foi e faifeautalai i le lotoifale ou faamatalaga e faafesootai ma le igoa o loo faasino atu. O lenei mea e mafai ai ona e talanoaina le tulaga ma manaoga o lau uo o loo faasino atu, i faifeautalai. E mafai ona e talanoa ia i latou e uiga i le auala e fesoasoani ai i lau uo ia maua se aafiaga maoae. Ua ia te oe foi le filifiliga e faaaofia ai oe i lesona a faifeautalai i le tele e te manao ai.

“Ua aoaoina faifeautalai e faapea o tagata uma e faasino atu mai se tagata o le au paia, e ao ona taulimaina o se mea taua tele,” o le saunoaga lea a Elder Marcus B. Nash o le Fitugafulu. “Pe a maua e faifeautalai se igoa e faasino atu, ua aoaoina i latou e fesili atu ia te oe pe mafai faapefea ona sili atu ona latou fesoasoani i lau uo. A o galulue faatasi ia tagata o le au paia ma faifeautalai, o le a musuia i latou e le Alii i le fatuina o se aafiaga anoa e fesoasoani ai i au uo ia faalatalata atili atu ia Iesu Keriso.”

O lenei meafaigaluega fesootai fou ua ofoina atu i le taimi nei i gagana e 33.