Faafou le Toeiloiloga o le Tusipese

Ia Iuni 2018, sa faasilasila mai ai se toeiloiloga o le tusipese a le Ekalesia ma le tusipese a tamaiti faatasi ai ma se talosaga mo manatu faaalia a tagata o le au paia e uiga i musika paia ma se valaau mo le au paia e auina mai uluai viiga, pese, ma ‘anopese. E toetoe a 50,000 tagata o le Ekalesia na tali mai i se sailiiliga o manatu faaalia e faatatau i a tatou musika paia o i ai nei. Na faasoa mai ai foi e e na tali mai o latou lagona e uiga i ni mea na fautuaina mai i isi faatuatuaga ia na fuafuaina e faaaofia ai.

E silia ma le 16,000 musika na maua mai tagata o le au paia i atunuu e 66. O nei uluai viiga ma pese o loo toe iloiloina tauto’ai i le tele o taamilosaga e se vaega faavaomalo o tagata talenia o le au paia ma komiti o le toeiloiloga i le laumua o le Ekalesia.

E faafetai atu ia komiti i tagata o le au paia i le lalolagi atoa mo le ofoina atu o o latou taimi ma taleni e fesoasoani ai i isi ia latalata atili atu ai i le Faaola e ala i musika paia. A o iloiloina ma le faaeteete ia tusiga ma fautuaga uma, ua faamoemoe o le a maua le aofaga fou i ni tausaga.