Mei he Kau Palesitenisī ʻUluakí
Ngaahi Meʻaʻofa ʻo e ʻOfá maʻa Sīsū
Toʻo mei he “Ngaahi Meʻaʻofa ʻo e ʻOfá,” fakataha lotu ʻa e ʻUnivēsiti Pilikihami ʻIongí, Tīs. 1980.
Naʻe foaki mai ʻe he Tamai Hēvaní Hono ʻAlo ko Sīsū Kalaisí maʻatautolu. Pea foaki ʻe Sīsū ʻEne moʻuí maʻatautolu koeʻuhí ke tau lava ʻo toe nofo mo Ia. Ko e ngaahi meʻaʻofa lelei taha ʻeni ʻi he ngaahi meʻaʻofa kotoa pē. Ne foaki taʻetotongi mai ʻe Sīsū ʻa e meʻaʻofa ko ʻení.
Mahalo te ke fie foaki ha meʻaʻofa maʻa Sīsū. Ko e hā ha ngaahi meʻaʻofa te ke lava ʻo foaki Maʻana?
Te ke lava ʻo lotu.
Te ke lava ʻo lau ha potufolofola.
Te ke lava ʻo tauhi e ngaahi fekaú.
Pea ʻoku kei ʻi ai pē ha meʻa lahi ange te ke lava ʻo foaki Maʻana. ʻOkú ke feohi mo ha kakai ʻokú Ne ʻofa ai, ʻa ia te ke lava ʻo tokoniʻi.
ʻOku ou lotua te tau foaki taʻetotongi ʻo hangē ko ia ne fai ʻe Sīsuú.
Sinou Ngāue Tokoní
Te tau lava ʻo foaki ha meʻaʻofa maʻa Sīsū ʻaki hano tokoniʻi e niʻihi kehé. Faʻu ha foʻi sinou ngāue tokoni ke fakamanatu atu ʻa e tokotaha te ke lava ʻo tokoniʻí.
-
Kosi ʻo toʻo ʻa e foʻi siakalé.
-
Peluki vaeua ʻa e foʻi siakalé ʻi he taha ʻo e ngaahi lainé. Hili iá toe peluki vaeua ia, pea toe peluki vaeua pē ia.
-
Kosi fakatatau ki he ʻū laine motumotu ʻokú ne fakaʻilongaʻi mai e tokotahá. ʻOua ʻe kosi e ngaahi tafaʻaki ʻo e vaʻé mo e nimá.
-
Tatala hake e laʻipepá pea tohi ʻi he fakatātā ʻo e tokotaha takitaha ha hingoa ʻo ha tokotaha te ke lava ʻo tokoniʻi.