Te ke Lava ʻo Fakamaama e Māmaní

qo ha fanga kiʻi fakakaukau ʻeni te ne tokoniʻi koe ke ke tokoniʻi e niʻihi kehé pea vahevahe e maama ʻokú Ne ʻoatu ki hoʻo moʻuí, ʻi hoʻo fakamanatua e ʻaloʻi mo e moʻui ʻa Sīsū Kalaisí ʻi he māhina ní.

Fakaafeʻi e Kakaí ki he Lotú

• Lotu ke ʻiloʻi pe ko hai ʻe fakaafeʻí.

• Fakaafeʻi e niʻihi kehé ki he lotu Kilisimasi makehe ʻi he ʻaho 20 ʻo Tīsemá.

• Fakaafeʻi fakahangatonu pea fakaafeʻi ʻi he mītia fakasōsialé.

• Fakaafeʻi e ngaahi kaungāmeʻá ki he ngaahi ʻekitivitī Kilisimasí.

Laʻitā ʻo e kakai ʻoku nau tufa ha meʻakai mei he Getty Images

Fafanga ʻa e Fiekaiá

• Ngāue tokoni ʻi ha feituʻu ʻoku tufa taʻetotongi ai ha meʻakai [ki he paeá mo e masivá].

• Kau atu ki ha uki ʻo ha tānaki meʻakai [ke foaki maʻá e paeá mo e masivá].

• ʻAve ha meʻatokoni ki ha taha.

• Fakaafeʻi ha taha ki he maʻu meʻatokoni ʻi he efiafi Kilisimasí.

ʻAʻahi ki he Mahakí mo e Faingataʻaʻiá

• Tānaki ha fanga kiʻi naunau fakahaisini.

• Feohi mo kinautolu ʻoku puké.

• ʻEke ange ʻa e founga te ke lava ʻo tokoni aí.

• Foaki ki ha kautaha tokoni.

Fakafiemālieʻi ʻa e Tukuhausiá

• Tangutu mo ha taha ʻoku liʻekina.

• ʻAʻahi ki ha taha ʻoku nofo toko taha.

• Fakaafeʻi ʻa kinautolu ʻoku liʻekiná ki ho ʻapí.

• Fakafeohi ki ha kaungāmeʻa foʻou.

Vahevahe ʻa e Vitiō The Christ Child

• Vahevahe ʻa e vitioó ʻi he mītia fakasōsialé.

• Mamataʻi ia ʻi ho ʻapí mo ho ngaahi kaungāmeʻa mei he ngaahi tui fakalotu kehé.

• Vahevahe ia mo ha sola ʻi he pasí.

• Fakaʻaongaʻi ia ʻi ha lēsoni efiafi fakafāmili ʻi ʻapi.