Ko e Ongoongoleleí: Ko ha Taula ʻi ha Taimi ʻo e Liliú

Kuo tau kātekina ʻi he taʻu 2020 ha ngaahi fakatamaki fakaenatula mo ha mahaki fakaʻauha fakaemāmani lahi. Kuo tau ako ʻa e Tohi ʻa Molomoná ʻi he Haʻu, ʻo Muimui ʻIate Aú fakataha mo hotau kāinga ʻi he feituʻu kotoa pē. Kuo tau faaitaha ʻi he funga ʻo e māmaní ʻi he ʻaukai mo e tui foki.

ʻI ha māmani feliliuaki, ʻe lava ke fakamakatuʻu hotau ngaahi laumālié ki hotau Fakamoʻui ko Sīsū Kalaisí mo ʻEne ongoongolelei kuo fakafoki maí. ʻOku mau fakatauange ʻe tokoniʻi koe ʻe he ngaahi fakamatala ko ʻení mo ha ngaahi fakamatala kehe ʻi he pulusinga ko ʻení ke ke ongoʻi e laumālie ʻo e Kilisimasí, ko e Laumālie ʻo e ʻEikí:

ʻOku akoʻi mai ʻe ʻEletā D. Toti Kulisitofasoni ʻa e ʻuhinga ʻoku tau fie maʻu ai ha Fakamoʻuí (vakai ki he peesi 12).
ʻI he “Ko Hono Vahevahe e Maama ʻo e Fakamoʻuí ʻi he Kilisimasí,” ʻoku mau fokotuʻu atu ai ha ngaahi fakakaukau ki he ngāue fakaetauhi ʻi he taimi Kilisimasí (vakai ki he peesi 8).
ʻOku tohi ʻa Jakob Jones fekauʻaki mo e ʻū meʻaʻofa ʻe fā ʻe lava ke tau foaki maʻá e ʻOtuá kae lava ke fakaafeʻi mai e meʻafoaki ʻo e Laumālie Māʻoniʻoní ki heʻetau moʻuí (vakai ki he peesi 28).
ʻI he konga ki muʻa ʻo e taʻu ní, ne fakangofua ai ʻe he Kau Palesitenisī ʻUluakí ʻa hono pulusi ʻo e ngaahi makasini foʻou ʻe tolu ʻa e Siasí, ʻo kamata ʻi he māhina katuʻú: ko e taha maʻá e kakai lalahí, ko e taha maʻá e toʻu tupú, pea taha maʻá e fānaú. ʻE lava ke maʻu e ngaahi makasini ko ʻení ʻi ha ngaahi lea fakafonua kehekehe, ʻo tufaki ai ʻa e ongoongoleleí ki he Kāingalotu ʻo e Siasí ʻi he funga ʻo e māmaní. ʻI he ngaahi makasini foʻou ko ʻení, ʻe lava ke hokohoko atu ʻetau fanongo ki he leʻo ʻo e ʻEikí mei Heʻene kau tamaioʻeikí pea fakafehokotaki mo e niʻihi kehé ʻi heʻetau hoko ko e kāingalotu ʻo ha Siasi fakaemāmani lahi. (Ako lahi ange ʻi he peesi 6.)

Ke mou maʻu ha Kilisimasi Fiefia mei he kau ngāue ʻa e Liahoná