Fakatuʻamelie ki ha ʻŪ Makasini Foʻou ʻe Tolu
ʻOku fakaʻilongaʻi ʻe he ngaahi liliu ʻi he ʻū makasini ʻa e Siasí ʻa e tupulaki fakaemāmani lahi ʻa e Siasí.
Hangē ko e kāpasa fakalangi ʻoku fakahingoa ki aí (vakai ki he ʻAlamā 37:38–45), ʻoku fakataumuʻa ʻa e makasini Liahoná ke tākiekina hono kau laukongá ki hotau Fakamoʻui ko Sīsū Kalaisí. Ko e kamataʻanga ʻeni ʻo ha konga foʻou ko ha konga ʻo e ngaahi liliu fakafiefia ki he ngaahi pulusinga ʻo e Siasí.
ʻE kamata ʻi he māhina katuʻú, ʻe pulusi ʻe he Siasí ʻa e ngaahi makasini foʻou fakaemāmani lahi ʻe tolu: ko e Liahoná maʻá e kakai lalahí, Ki Hono Fakamālohia ʻo e Toʻu Tupú ko e makasini maʻá e toʻu tupú, pea mo e Kaumeʻá ko e makasini maʻá e fānaú. ʻE maʻu atu ʻa e ngaahi makasiní ʻi he māhina kotoa pē pe ko e fakahili māhina makatuʻunga ʻi he ngaahi lea fakafonuá.
Kapau ko ha tokotaha koe ʻokú ke lolotonga lesisita Liahona, ʻe kei hoko atu pe hoʻo lesisitá ki he taʻu hoko maí pe ko e fē pe toenga taimi ʻi hoʻo totongi lesisitá. Kapau ʻoku fie maʻu ʻe hoʻo fāmilí ke maʻu ʻa e makasini Kaumeʻá pe Ki Hono Fakamālohia ʻo e Toʻu Tupú, te ke lava ʻo lesisita ʻi ha senitā tufakiʻanga naunau fakalotofonua pe ʻi he store.ChurchofJesusChrist.org.
ʻE poupouʻi e ngaahi uōtí mo e koló ke nau fakahoko ʻa e ngaahi totongi lesisita maʻá e kāingalotu kuo nau papitaiso foʻoú ʻo tatau ki he fānau mo e toʻu tupu ʻoku nau maʻu lotu kae ʻikai hanau mātuʻá. Vakaiʻi e ʻū meʻa ko ʻeni ʻi he makasiní, pea fakakaukau ki he founga te ne faitāpuekina ai koe, ko ho fāmilí mo e ngaahi kaungāmeʻá.
Ko e Liahoná: Maʻá e Kakai Lalahí
Ngaahi pōpoaki mei he kau taki ʻo e Siasí
Ngaahi aʻusia mei he kāingalotu faivelengá
Ko e ngaahi fakamatala ke tokoni ʻi hono ako ʻo e Haʻu, ʻo Muimui ʻIate Aú
Ngaahi meʻa mahuʻinga ʻo e ongoongoleleí maʻá e kāingalotu foʻoú
Ngaahi meʻa ʻe fakahū ʻoku kau ai e ongoongo mo e ngaahi meʻa foʻou mei homou feituʻú
Makasini Ki Hono Fakamālohia ʻo e Toʻu Tupú: Maʻá e Toʻu Tupú
Ngaahi pōpoaki mei he kau taki ʻo e Siasí
Ngaahi lēsoni ʻoku fakataumuʻa ki he efiafi fakafāmilí
Ngaahi tali ki he ngaahi fehuʻi mei he toʻu tupú
Ngaahi fakamatala fekauʻaki mo e mītiá, ngaahi tuʻunga moʻuí, kaungāmeʻá mo e ngaahi tefito mahuʻinga kehe pē.
Ko e Kaumeʻá: Maʻá e Fānaú
Ngaahi pōpoaki mei he kau taki ʻo e Siasí
Ngaahi ʻekitivitī maʻá e fānau iiki angé
Ngaahi talanoa ne faʻu ʻe he fānaú
Ngaahi fakamatala ʻokú ne langaki e mahino ki he ongoongoleleí
Ngāue fakaʻāti ʻa e fānaú