Ania Dinhi ang Simbahan

Hong Kong, People’s Republic of China

Mga Litrato pinaagi ni Cody Bell

Kadaghanan sa mga tawo naghunahuna sa Hong Kong isip usa ka busy ug alegre nga siyudad nga gitukod palibot sa usa ka pantalan nga adunay daghang tawo. Apan sa gawas sa siyudad dili na kaayo kini daghan og tawo. Samtang nagtan-aw ang usa ka silingan, usa ka tulo ka henerasyon nga pamilya nga mga miyembro sa Simbahan magkaubang naglingaw-lingaw sa usa ka parke duol sa ilang apartment.

Ang gidaghanon sa mga miyembro midoble sulod sa miaging 10 ka tuig

6 ka stake, 1 ka misyon, 1 ka templo

1949: Giestablisar ang punoang buhatan sa misyon

Pagpakita og Tinud-anay nga Pag-atiman sa Uban

Gilitratohan diha sa tren sa Hong Kong mao ang inahan ug anak nga babaye nga si Carrie Shuk-fan Leung ug Shayla Suet-yee Leung. Sa dihang gipangutana mahitungod sa pagpangalagad, si Sister Carrie Leung miingon, “Kon kita magpakita og tinud-anay nga pag-atiman niadtong naglibot kanato, kita nangalagad.”