Unsay makatukod og lig-on nga tukuranan?

Marso 1–7

Si Joseph Smith “gidasig [pinaagi] sa Espiritu Santo sa pagpahimutang sa tukuranan” alang sa gipahiuli nga Simbahan sa Manluluwas (Doktrina ug mga Pakigsaad 21:2). Pinaagi kaniya, ang husto nga mga doktrina ug awtoridad sa pagpakapari gipahiuli. Kini nakamugna og solido nga pundasyon alang sa pag-organisar og usab sa Simbahan niadtong Abril 1830.

Kining leksyon nga mogamit og butang nga naghulagway sa kaimportante sa pagbaton og lig-on nga pundasyon alang sa Simbahan.

Pagpangandam

Magkinahanglan ka og:

Labing minus unom ka plastik o papel nga mga baso
Usa ka sapya [flat] nga butang (sama pananglit, usa ka piraso sa karton, baking sheet, o tabla)
Daghang bug-at nga mga butang, sama sa mga libro o mga bato

Sa kada baso, isulat ang usa ka baruganan nga nakatabang sa pagtukod sa pundasyon sa Simbahan, sama sa “pagkapari” o “mga kasulatan.” Makakita ka og mga baruganan diha sa mga seksyon 20–22 sa Doktrina ug mga Pakigsaad.

Pagtukod sa Pundasyon

Sugdi pinaagi sa pagpangutana sa inyong pamilya kon unsa kaha kabug-at ang masuportahan sa usa ka baso. Unsa kaha kon daghang baso?

Ibutang ang mga baso nga magkulob diha sa salog o sa lamesa. Han-aya kini sa duha ka linya, nga magtagutlo sa matag linya. Ibutang ang sapya [flat] nga butang ibabaw sa mga baso ug sugdi sa pagbutang og bug-at nga mga butang diha sa ibabaw. Pila man ang madaug niini?

Illustrations by David Habben