Tolauapiga a Siona—Sauniuni e Auauna Atu i le Alii

Ina ua uma ona savalia e le vaega o tagata o le Ekalesia na lauiloa o le Tolauapiga a Siona le faitau selau o maila ina ia fesoasoani atu i o latou uso a Au Paia o Aso e Gata Ai, na tau atu e le Alii ia Iosefa Samita e faataape le vaega, e ui ina sa latou manatu latou te lei faataunuuina la latou sini. Ona o lenei mea, na taua ai e nisi o le Tolauapiga a Siona o se toilalo, ae o i latou na auai sa molimau mai o o latou aafiaga na saunia ai i latou mo le auaunaga i le Alii i le lumanai.

I le aluga o le savaliga umi, sa faitio ai nisi o tagata o le tolauapiga ma talanoa tetee i le Perofeta o Iosefa, ae o isi sa faamaoni ia te ia ma aoaoina ai le onosai ma le usiusitai.

Fepuari 1834:Na maua e Iosefa Samita se faaaliga e saili ia le itiiti ifo ma le 100 ni tagata e savavali atu i Misuri ma fesoasoani i le Au Paia ia toe maua lo latou laueleele i le Itumalo o Jackson.
O vaega e 2 na uia ni auala eseese na feiloai ia Iuni.
Pe a ma le 207 alii, e 25 tamaitai, ma tamaiti na auai.
Sa latou savavali i le va o le 20–40 maila (32 i le 64 km) i le aso.
O le toatele na malaga i le silia ma le 900 maila (1,450 km) e oo atu i le 4 setete.
E13 le Au Paia na maliliu mai le pepesi o le kolela i le tolauapiga.
O le toa 8 o uluai Aposetolo e 12 o aso e gata ai na auauna atu i lenei tolauapiga.
O Fitugafulu muamuauma o aso e gata ai o tagata ia o le tolauapiga.
Iuni 1834:Na maua ai e le Perofeta o Iosefa se faaaliga ua taliaina taulaga a tagata o le tolauapiga, ma na latou taape loa.

Talanoaga

O le a sou manatu i le uiga o le laveai o Siona? (tagai Mataupu Faavae ma Feagaiga 103:15).