E Faafeiloai atu i Lenei Lomiga

Faaaloalogia o Fanau Uma a le Atua

Ua uunaia i tatou e Peresitene Russell M. Nelson e “faalautele lo tatou li’o o le alofa e opo mai ai le aiga atoa o tagata” (Aoaoga a Russell M. Nelson [2018], 83). Faatasi ai ma le tele naua o le eseesega i fanau a le Atua, e mafai faapefea ona tatou fausia se nuu e nonofo uma ai tagata i le lotogatasi?

I lana tusiga o le “Aumai i Luma Siona” (itulau 6), ua valaaulia ai i tatou e Elder Gerrit W. Gong o le Korama a Aposetolo e Toasefululua ia tuufaatasia o tatou loto ma mafaufau a o tatou valaaulia tagata uma ia o mai ia Keriso. “Faatoilaloina o le Faailoga Lanu ma le Faailoga Tagata: E mafai ona tatou Fausia ni Alalaupapa” (itulau 38) e mafai ona fesoasoani ia i tatou i la tatou taumafaiga ina ia tasi. E mautinoa lava, o le avea ia tasi e amata i le osia ma le tausia o feagaiga ma lo tatou Tama Faalelagi. A’oa’o atili i le “Feagaiga, Sauniga, ma Faamanuiaga” saunia e Elder Randy D. Funk o le Fitugafulu (itulau 30).

E le gata i le fausia o le lotogatasi i o tatou eseesega o se poloaiga (tagai i le Ioane 17:21; Mataupu Faavae ma Feagaiga 38:27), ae o se avanoa foi mo i tatou e a’oa’o ai ma faamanuiaina e o tatou uso ma tuafafine o isi aganuu, ituaiga, ma aafiaga. Matou te faamoemoe o le lomiga o lenei masina o le a fesoasoani ia i tatou uma ia atili ola lotogatasi ai ia Keriso.

Ma le faamaoni lava,

Elder Walter F. González

O Le Fitugafulu

Faufautua i le Liahona