Ekalesia Soifua, Perofeta Soifua

O Le Ekalesia a Iesu Keriso o le Au Paia o Aso e Gata Ai o se “ekalesia soifua” (Mataupu Faavae ma Feagaiga 1:30) e taitaia e se perofeta o aso nei. Na te mauaina faaaliga mai le Atua e taitai ai le Ekalesia atoa. O nisi nei o faataitaiga o taitaiga musuia na tuuina mai e Peresitene o le Ekalesia:

Iosefa Samita

1830: Ua maua e le Perofeta o Iosefa se faaaliga e tatau i le Ekalesia ona faapotopoto i konafesi. O le uluai konafesi aoao e faia ia Iuni.

Polika Iaga

1849: Ua fofogaina e Peresitene Iaga le Tupe Faaagaga mo Femalagaaiga i le taimi o le konafesi aoao. Na iu ina fesoasoani i le 30,000 o le Au Paia ia taunuu i le Vanu o Sate Leki.

Ioane Teila

1878: Ua faatulaga e Peresitene Teila le Peraimeri, lea ua fesoasoani e aoao ai tamaiti e uiga i le talalelei.

Uilifoti Uitilafi

1890: Ua tuuina mai e Peresitene Uitilafi le Manifeso i le Konafesi Aoao Faaleafatausaga Lona 9 (tagai i le Folafolaga Aloaia 1).

Lorenzo Snow

1899: Ua faasoa mai e Peresitene Snow lana faaaliga e uiga i le sefuluai i konafesi a le Ekalesia.

Iosefa F. Samita

1918: O Peresitene Samita, o le aso na sosoo ai ma le mauaina o lana faaaliga o le togiolaina o e ua maliliu, na taua i le konafesi aoao sa i ai ana “sootaga ma le Agaga o le Alii.”

Heber J. Grant

1936: Ua fofoga mai e Peresitene Grant le Fuafuaga o le Puipuiga a le Ekalesia e uunaia ai le galue ma le ola tutoatasi.

Siaosi Alapati Samita

1946: Ua valoia e Peresitene Samita e faapea, o le a le o toe mamao ona faasoa atu lea o le talalelei i tagata i eria taumamao o le lalolagi e ala i tekinolosi.

Tavita O. MaKei

1959: Ua aoao mai Peresitene MaKei “o tagata uma o le Ekalesia o se faifeautalai.”

Iosefa Filitia Samita

1970: Ua atofa e Peresitene Samita le Aso Gafua o le aso mo afiafi faaleaiga.

Harold B. Lee

1973: Ua fofoga mai e Peresitene Lee le Matagaluega o Auaunaga o le Uelefea e vaaia ia taumafaiga o galuega alofa.

Spencer W. Kimball

1978: O le faaaliga a Peresitene Kimball e uiga i le perisitua ua tuuina mai mo le taliaina e le Ekalesia i le konafesi aoao.

Ezra Taft Benson

1986: Ua faaali mai e Peresitene Benson le finagalo o le Alii e faamamafa atu le Tusi a Mamona o le totonugalemu o suesuega o le talalelei.

Howard W. Hunter

1994: Ua talosagaina e Peresitene Hunter tagata uma o le Ekalesia ina ia agavaa e umia se pepa faataga o le malumalu.

Gordon B. Hinckley

1998: Ua fofoga mai e Peresitene Hinckley o le a fausia e le Ekalesia ni malumalu laiti i ni eria e tele atu.

Thomas S. Monson

2012: Ua tuutuu i lalo e Peresitene Monson le matutua e manaomia mo faifeautalai e 18 mo alii ae 19 mo tamaitai.

Russell M. Nelson

2020: Ua fofoga mai e Peresitene Nelson le folafolaga o le Toefuataiga i le Konafesi Aoao Faaletausaga Lona 190.