Te Atua E Kona ni Buokiira n Taai ni Kangaanga

Ao ti kona ni kabonganai baike ti karekei man katakira ni buokiia tabeman.

te aine ae tekateka ni matakuakina bungin taai iaon taari

Marcela Endrek, ae bon kaain Córdoba, Argentina, e bwaka n aoraki ao n nanokawaki. E rangi ni korakora rotakina iai. Inanon namakinan ae ai bon akea te kawai ae e na rau iai, e ongo te marooro man te maungatabu iaon te tataro. E roko te iango inanona bwa E na kabanea nanona n tataro ibukin ana kangaanga.

E a moana ana tataro ni katoa tai ibukin karauan nanona. Te tataro e uota nakoina te rau ao te raunnano e ngae ngke e aki oki raoi marurungina. Ni koauana, e a rangi ni kakaiaki te bwai are e riki irouna n te aro are e a aki kona ni mwakuri. Ngkai e a manga reke riki karawawatana bwa e a aki kona ni kabwaka boon ana bwai n aoraki.

Ibukin aki konaan bitakina, e a moana ana kakae bwa e na kanga arona ni kaitaraa ana kangaanga ni marurungina n te kawai riki teuana. E karekea te kairi bwa e na waaki iaon bitakin aron amwarakena ao e miimii bwa e rangi ni buokia. Reken marurungina e rang anaa nanona ngaia are e a moana kamatebwaian kanakin amwarake aika a bongana.

N taai tabeua imwiina, e kaitibo ma te kairake n aine ae arana Evelyn ae titebo te bwai are e rinanona Marcela—te aoraki, te nanokawaki, ao te korakai ni kakaean kaekaan ana titiraki. E nora ae bon arona iroun raoraona ae boou. E tibwai tabeua bwaai ae E a tia n reiakinna iaon aekakin amwarake ao bonganaia. E tibwaia naba ma Evelyn ana kakoaua ni mwaakan te tataro. E kaoa Evelyn bwa e na tataro bwa E aonga naba n namakina ana tangira te Atua ao n ataia ae E ata te bwai are e rinanona.

Tabeua te bong imwiina, e kukurei Marcela ni manga nora Evelyn. Te bitaki e bon rangi n otara ni maiuna n rabwatana ao n tamneina. E kaongoa Evelyn bwa e a bitaki maiuna ao E kona n namakina ana tangira te Atua ibukina.

Man kataakina ao ana kakaewenako, e karekea Marcela te nano n nanoanga ao rongorongo ake E kainnanoi ni buokiia tabeman.

Kamaiuaki Bwa Ti Aonga ni Manga Kamaiu

Iotebwa ngke e tibwaua te wiita n tain te rongo i Aikubita

Karakinan Iotebwa mai Aikubita bon te katooto naba teuana n te bwai ae e kona n riki ngkana ti kamatoa n onimakina te Atua n tain katakira: E aki n ae E ti kamaiuira, ma E kona ni karikiira bwa ti na kabonganaa te bwai are ti rinanona ni buokiia tabeman (taraa Karikani Bwai 37–45).

Iotebwa e nanomwaaka n onimakina te Atua ao ni kawakina Ana tua e ngae ngke e kamwaneaki, e bua, ao e kabureaki. Ibukin ana onimaki Iotebwa iroun te Atua ao kukurein nanona n teimatoa inanon kataakina ma te taotaonakinnano ao n aki bukina temanna, “e memena Iehova iroun Iotebwa” (Karikani Bwai 39:21) ao e katukua n te tabo are e na kakabwaiaia aia aika a mwaiti (taraa Karikani Bwai 45:5–8).

Reirei aika a na Iangoaki

Ngkai ko iangoa reken am tai ni buokiia tabeman, iangoi reirei aika a kaotaki inanon karaki aikai:

Kakaewenakoara a kona ni riki bwa kakabwaia. Ngkana ti “tataro n taai nako, ao kakoauaa” ngkai ti rinanon kataakira, Tamara are i Karawa e na bitii nakon kabwaiara (taraa Reirei ao Berita aika Tabu 90:24; taraa naba I-Rom 8:28).
Kakaewenakoara a kona n riki bwa katauraoakira. Ngkana ti nanorinano inanon kataakira, e kona te Atua ni kabonganaa te taneiai anne n reireiniira ao ni bitiira iai (taraa Reirei ao Berita aika Tabu 112: 13).
Ara kakaewenako a kona n riki bwa taai ake ti na ibuobuoki iai. Ngkana ti kukurei n Onimakinna, Tamara are i Karawa E na katukuira n te tabo are ti na kabongaina iai baike ti a tia n reiakin inanon oin ara taneiai ni buokiia tabeman (taraa Motiaea 24:13–14).

Tera Ae Ti kona ni Karaoia?

Tataro n ataia bwa ko na kangaa n ataa te bwai are ko rinanona ni buokiia naake e karaoa te ibuobuoki nakoia. Ao ngkanne anga baim n Ibuobuoki.