“Aibojooj eo ilo Ad Rūttoļo̧k ” Liaona, Jept. 2022.
Rūttoļo̧k ilo Tiljek
Aiboojoj Eo ilo Ad Rūttoļo̧k
Inaaj kar kālet bwe in kwaļo̧k ļain ko ilo turin meja me ej kwaļok ettōn̄dikik im dān in kōmjaļaaļ ko.
Ij keememej ke ij juon ajri im ij kalimjōk ipirtoto ko turin mejen bubu. Pidtoto in ļain ko iturin mejān, im ļain aidikdik ko ilo tien. Iaar kajjitōk ippān elmen aō kōm̧m̧ane bwe en jab waļo̧k pidtoto ko ilo turin mejān.
Ekar ba, “jab ettōn̄.” “Im jab jan̄.”
Iaar ļoor naan eo an—raan eo. Innām ikar ebweer. Elmen an juon mour n̄e eban ettōn̄ ak jan̄? Iaar kālet bwe in kwaļo̧k ļain ko imeja kōn ettōn̄dikik im kōmjaļaaļ.
Ilo Bok in Mormon, Liai eaar katakin ļeo nejin Jekab bwe jej pād ilo mour in n̄an bōk m̧ōņōņō (lale 2 Nipai 2:25). Ak ekar bar kwaļo̧k bwe n̄an jeļā m̧ōņōņō, jej aikuj en̄jake en̄taan (lale 2 Nipai 2:22–23). Ikar aikuj in lo jim̧or m̧ool eo an m̧ōņōņō im en̄taan, ilo an kar waļo̧k ilo mejān ro raar mour ilo mour in. Mejāer epād ie bwebwenatoon mour ko aer.
Ij errā ippān armej eo ekar ba, “Aibojooj eo ippān ro rerūtto rej jerbal in pija im jin̄n̄a pija.”1 Jet armej rej ejaake juon m̧wil im m̧anit em̧m̧an n̄e rerūtto im ekōm̧m̧an bwe ren jenoļo̧k kake im kabwilōn̄lōn̄. N̄an waanjon̄ak, iaar kaimjek mej ko mejān matron ro rowan, nuknuk mouj in tampeļ im kar ilbōk kōn meram eo ej romaak ekabwilōn̄lōn̄ ilo mejāer im meram eo ilo mejen ettōn̄dikdik ko aer.
Kiiō ke ij juon kōrā erūtto , ij jeļā bwe ewōr m̧ōņōņō ko rej itok ilo rūttoļo̧k. N̄an waanjon̄ak, iar jino aō m̧ōņōņō kōn ānbwinnū make. Ij kam̧m̧oolol bwe ej jerbal wōt! Emaron̄ dikļo̧k aō etetal im kōnono jān kar m̧okta. Neeō ekilepļo̧k, im peiū epidtotoļo̧k. Ak em̧m̧an ippa n̄e ij ļōmņak bwe n̄e ij jibwe eļapļo̧k an meeoeo.
Ijeļā imaron̄ wōnm̧aanļo̧k wōt im ekkatak, bwe “jabdewōt jon̄an mālōtlōt eo jej tōpare ilo mour in, enaaj wanlōn̄ļo̧k ippād ilo jerkakpeje eo” (Katak im Bujen Ko 130:18). Im kōn menin, ij reim̧aanļo̧k n̄an katak ko imaron̄ in wōt ekkatak. Ta ko jet, imaron̄ jipan̄ ro jet—āinwōt ajri ro jibū—n̄an ekkatak jān bwebwenato in mour eo aō me imaron̄ kwaļo̧ki n̄an er.
Kwaļo̧k kōn waanjon̄ak
Ļeo ippa im n̄a maron̄ in mour ippān doon im jeļā bwe kom̧ro, barāinwōt, maron̄ wōt ekkatak im eddōkļo̧k ippān do̧o̧n. M̧are eo am̧ro ekar em̧m̧anļo̧k kōnke kom̧ro kar maron̄ dipuk lan̄ ko an mour in ippān doon. Ajri ro nejūm̧ rōrūtto im rej kōm̧m̧an bwe kom̧ro en m̧ōņōņō ak kōm̧m̧an bwe kom̧ro en inepata, pedped wōt ilo raan eo. Ajri ro jibum̧ rej letok lan̄lōn̄ im m̧ōņōņō.
Im ilo ad rūttoļo̧k jej meļeļe n̄an kile bwe mour in eban aitok kitien. Kiiō ej iien n̄an kōm̧m̧ani men ko me ikar pepe n̄an kōm̧m̧ani me raorōk. N̄e ejjab kiiō, innām n̄āāt? “Aaet, lo raan eo ilo mour in ej raan eo n̄an armej bwe ren kōm̧m̧an jerbal ko aer” (Alma 34:32). Kōjatdikdik bwe, ilo ad rūttoļo̧k kōn iiō in jej kile bwe kiiō ej iien ba naan ko jab kōnono kaki, kōmour jemdo̧o̧n ko, im kadedeļo̧k kōttōbar ko rejjan̄in m̧ōj.
Ilo aō rūttoļo̧k, ij ļōmņak kōn jon̄ak eo me inaaj likūti ippān ro ineeō. Ij kōtmene bwe m̧ōttan eo an ej bwe ilo aō en̄jake m̧ōņōņō im būrom̧ōj, iaar lo māletlet. Im kōn wōt menin, ikar lo aibuijuj eo ilo rūttoļo̧k ilo iiō.
Rijeje eo ej jokwe ilo California, USA.