“Juon Raan ilo Juon Iien,” Liaona, Jept. 2022.
Ainikien Armej ro Rekwojarjar ilo Raan Ko Āliktata
Juon Inlo̧k Juon Raan
Kōmij kam̧m̧oolol kōn membōr in ward eo am̧ rem̧m̧an, ro rekar jipan̄ kōm kōn ļaddik eo nejim.
Josh ilo juon kar tūreep ļo̧k n̄an tampeļ eo.
Pijain Joshua courtesy rijeje eo
Ke ļaddik eo nejim̧ etan Joshua ekar 18 allōn̄ rūttoon, kōm kar kile m̧wil ko m̧wilin. Josh emaron̄ kwaļo̧k aolep naan ko ilo juon al ilo pija ko ilo tipi eo me ekar alooje, ak ejjab juon eo em̧ōkaj an jeļā kōnnaan. Juon raan kōrā eo nej jinō ekar ba ewōr an Josh nan̄inmej in autism. Rijipan̄ ro rekar bar ba n̄an kōm ejja men eo wōt.
Kōrā eo ippa, Elizabeth, ekar leļo̧k an n̄an ekkatak kōn autism. Ekar barāinwōt kōdeļo̧n̄ Josh ilo būrookram̧ ko n̄an jipan̄ e. Ekar ļōmņak bwe ewōr ippān ijjino eo em̧m̧antata ilo mour eo remaron̄ leļo̧k.
Jet raan ikar inepata kōn ilju im jekļaj, Elizabeth ekar kaenōm̧m̧an eō. Ekar ba n̄an eō ke kom̧ro ej aikuj kōm̧m̧ani men ko juon raan ilo juon iien jidik kōn jidik.
“Jej aikuj m̧ōņōņō kōn aolep men ko rekāāl Josh ej ekkatak ijeļo̧kin lale aolep men ko ejjab jeļā kaki ilju im jekļaj,” ekar ba.
Ke ej rūttotak, Josh ekar jino bōt ilo m̧ōnjar eo. N̄an dāpij e jān an kakkure Būraimere im kōmetak ajri ro, iaar dāpiji wōt im kajijete ippa. Ekar m̧akoko, ekar rakutak eō, im ekar eotaak ippa ilo aolepen awa ko jilu in am kar jar . Ekkā aō ro̧o̧ltok n̄an m̧weeo kōn mao im m̧ōk.
“Etke jejjab likut wōt e mwiin im jen kajjojo pād ippān?” Ikar ba.
“N̄e jeban bōk e wōt,” Elizabeth ekar ba, “enaaj jeļā bwe n̄e ekōm̧m̧an kilen, enaaj diwōj jen m̧ōnjar eo.” Iaar jeļā bwe ejim̧we men eo ej ba.
Juon raan jinen bar juon baam̧le me ebar wōr nejin ej autism ak wōtame ekar ba n̄an eō, “N̄e Josh enaaj ralitōk an iiō im bōk Jetōb Kwojarjar, enaaj em̧m̧an m̧wilin!”
Ikar pere naan ko an, ak ke ekar ralitōk an iiō, ekar bōk Jetōb Kwojarjar, im ekar jino em̧m̧anļo̧k m̧wilin—jidik.
Ke Josh ekar rūttolo̧k, ekar bōk priesthood. Ekar leto-letak kwojkwoj eo, im eaar jeļā aorōk eo an jerbal in jipan̄. Ro uwaan doulul eo an priesthood rekar ekkatak juon eeb im al ko jān 80 ko ippān Josh im kar kōm̧m̧ani ilo juon an ward iien bade.
Ward eo am ekar jouj n̄an Josh. Membōr ro rekar ettōn̄dikdik ke ej leto-letak kwojkwoj eo ilo an kilen an eeb.
Kiiō 17 an Josh iiō. Ej juon rial im rijeje al. Em̧m̧an ippān jipan̄ im pād ilo jikuuļ im jikin tieata ko an jukjukin pād.
Kōmij m̧ōņōņō bwe kōm̧ij ro jinen im jemān Josh n̄an kwaļo̧k kōttōbar in an. Kōm̧ij kar jab jeļā ta eo enaaj waļo̧k ilju im jekļaj, ak kōm eaar wujlepļo̧k n̄an mour kajjojo raan ippān.