Itok, Ļoor Eō

Aiseia 13–14; 24–30; 35

Ta eo Jeje ko an Aiseia rej Katakin Eō kōn Jisōs Kraist?

Kar je 2,700 iiō ko remootļo̧k, naan ko an Aiseia remaron̄ jet iien pen ak kapok kōj. Im aaet, riit jān bok in Aiseia ej juon iaan wāween ko rem̧m̧an jemaron̄ jeļā eļapļo̧k kōn Jisōs Kraist. Nipai eaar kouti naan ko an Aiseia bwe en “maron̄ļo̧k kareel [riNipai ro] n̄an tōmak ilo Irooj aer Ripinmuur” (1 Nipai 19:23). N̄an meļeļe ļo̧k naan ko an Aiseia, kajjieon̄ mije am̧ ekkatak katak ko an Aiseia kōn Rilo̧mo̧o̧r.

Pukōt uwaak ko n̄an kajjitōk kein ilo am̧ ekkatak jebta kein:

• Elmen an Eliakim jutak kōn Jisōs Kraist? (Lale Aiseia 22:20–25.)

• Ta eo Kraist enaaj kōm̧m̧ane n̄an kōj ilo iien Jerkakpeje? (Lale Aisea 25:8.)

• Elmen an Kraist katakin armej ro An? (Lale Aiseia 28:10.)

• Elmen an Aiseia kōmeļeļeiki Jepļaaktok eo an gospel eo an Jisōs Kraist ilo raan kein āliktata? (Lale Aiseia 29:14.)

• Ta eo enaaj waļo̧k n̄e Kraist enaaj bar itok? (Lale Aiseia 35:10.)

“Aiseia ekar āliji an kōnono kōn kōmour, im kaem̧ōm̧m̧an an Irooj. … An Jetōb ej kōmour; kōkm̧anm̧anļo̧k; kaenōm̧m̧an; ej leļo̧k mour ekāāl n̄an bōro ko ejjeļo̧k kōjatdikdik ie. Ewōr ie kajoor in ukōt aolep nana ko im kauwōtata im en̄jake in jej tokjen ilo mour in n̄an juon men ekajoor im eutiej aiboojoj. Ewōr An kajoor n̄an ukōt ubaaj an mour in n̄an aiboojoj eo an indeeo” (Ted R. Callister, Binmour eo Ejelok Jemlokin [2000], 206–7).