N̄a Wōt Ke Rūm̧man Ded Epen an Lo Jibadbad eo Aō?

Jeje jān Maryssa Dennis

Māākijiin ko an Kabun̄ in

Iaar en̄jake āinwōt em̧ōj aō kakkure karōk eo—karōk eo aō make, im karōk eo an Anij n̄an eō.

Ilo raan eo aō me ejejjet 25 aō iiō, ikar karreoiki ruum̧ eo aō. Ruum̧ eo aō ekar jab koņ, im iaar ļōmņake kōn an mour eo aō jab bar koņ. Ikar jab juon eo iaar ļōmņak ke in kar tōpar 25 iiō. Ikar jab pād ijo kar kōtmene.

Ikar ļōmņak elmen aō kar en̄jake āinwōt juon rūm̧m̧an ded ke iar bōk kōjeraam̧m̧an in petriak eo aō. N̄e ij riiti kōn ilju im jekļaj eo aō, ij pijaikļo̧k juon eo enan̄in wōt wāppen. Ak iaar kile ke ijjab kekemooj n̄an āinwōt armej eo. Im ikar ļōmņak, n̄e aō make en kar lo eō kiiō, en kar ke inepata?

Innām iaar make jan̄. Iaar en̄jake āinwōt em̧ōj aō kakkure karōk in mour eo aō. Iaar jab kōm̧m̧ani bōd ko reļļap, ak iaar bar en̄jake ejjeļo̧k tokjen mour eo aō. Ejjeļo̧k aō jibadbad. Em̧ōj an aolep kar ioone, im n̄a in, ij jan̄ ioon ilo laļ ilo ruum̧ eo aō, āinwōt ejjeļo̧k tokjen aō mour.

Iaar en̄jake ajimakeke ilo aō pok im ebbweer. Ak ilo iien eo, ikar jeļā bwe ejjab n̄a wōt rūm̧man ded eo epen an pukot mejļan. Ilo aō kar kōnono ippān ro jet, iaar lo bwe jejjo̧ wōt armej ro rekar eļļā ioon karōk eo aer. Im bwe ekar jipan̄ eō jab en̄jake ajimakeke.

Ebar jipan̄ n̄an kakeememej eō bwe Jemedwōj Ilan̄ ejjab kōņaan bwe in likjab. Ej kōņaan bwe in “bun̄ m̧aanļo̧k kōn dim ilo Kraist, kōn juon kōjatdikdik emeram” (2 Nipai 31:20). Ej tōmak ilo kajoor eo aō n̄an oktak im eddōkļo̧k kōn kajoor in Pinmuur eo an Rilo̧mo̧o̧r. Setan wōt ekōņaan bwe in ba n̄an eō make ke ejjeļo̧k aō iien n̄an erom̧ armej eo Jemedwōj Ilan̄ ekōņaan bwe in maron̄ erom̧.

Meļeļe Karōk in Mōņōņō eo

Elōn̄ iaad jej en̄jake ejjeļo̧k kōjatdikdik kōn ilju im jekļaj. Im bwe emaron̄ kōnke jejjab meļeļe karōk in m̧ōņōņō eo an Anij. Bōlen jej ļōmņak mour in ad ej āinwōt juon video game—ippān juon bwebwenato eo jej aikuj ļoore n̄an anjo̧. Ak eban āindein an jerbal. Aolep raan jej kōm̧m̧ani kālet ko, oktak ko, im eddōkļo̧k. Ejjeļo̧k juon men me jeban ukōte ak em̧ōj karōk e im jeban ukōte. Kālet ko ad reban kāāl n̄an Jemedwōj Ilan̄, ak kālet ko ad wōt. Jej make je bwebwenato eo ad, Ippān, ilo ad etal.

Im n̄e jej “kōtļo̧k Kraist bwe en rijeje im rikadedeļo̧k bwebwenato in [ad],”¹ jemaron̄ iien otemjej lo lōke elem̧ōņōņō indeeo ejjeļo̧k jem̧ļo̧kin.

Jet iien jej kōm̧m̧an bōd ak peļļo̧k jān iaļ eo, kōbōjrak kōj make n̄an illo̧k ilo ejjeļo̧k kōttōbar n̄an indeeo .

Ak en̄in ej juon gospel in kōjatdikdik. Men ko raar jako em̧ōj loi. Ej juon gospel in ekkatak. N̄an jeo̧rļo̧k bōd. N̄an bar kajjieon̄. Āinwōt an Elder Neil L. Andersen jen Doulul eo an Jon̄oulruo Rijilōk ro kar kwaļo̧k, “Ukweļo̧k ejjab bajjōk karōk; ej karōk eo em̧ool.”²

Iakwe eo an Jemedwōj Ilan̄ n̄an kōj ewāppen, im An karōk n̄an kōj ebar wāppen. Ej juon karōk ewāppen n̄an armej ro rejjab wāppen, kar āje kōn kea n̄an meļeļe aikuj im aorōk eo ad. Ewōr ruum̧ ilo karōk eo An kōn likjab ko ad—bōd ko ad im jerawiwi ko ad im jebwābwe ko ad ilo ānejem̧aden. Im ewōr ruum̧ ilo karōk eo An n̄an ad anjo̧, eo jej kōjparoke kajjojo iien jej reilo̧k n̄an E im bar kajjieon̄.

Kappukot Jibadbad eo Am̧

Iaar joļo̧k eļap iiō ālkin birthday eo aō ļōmņak n̄an kōn jibadbad eo aō. Ijjan̄in lo aolepen tarlepin . Ak ikar jab bar inepata. Ijeļā bwe Anij ejeļā kajjieō im bwe n̄e inaaj oktakļo̧k n̄an E, E enaaj jipan̄ eō kōkmanm̧anļo̧k mour eo aō ij pād ie kiiō.

Bōlen juon iien armej enaaj lo uno n̄an kāānjōr ak jako kwole ak aenōm̧m̧an eo an laļin. Ak ro jet rainin renaaj kaenōm̧m̧an eo m̧ōttaer ebūrom̧ōj im jipan̄ juon ruwamājet ak jar kein kajuon ium̧win elōn̄ iiō. Im ij ļōmņak kōn men otemjeļo̧k—em̧ool aolep men im aorōk.

M̧ool eo in, elōn̄ iaad reban kōm̧m̧an men kein rekabwilōn̄lōn̄, menin bwilōn̄ ko an laļ ilo mour in. Ak ejjab meļeļein ke ejjeļo̧k ad jibadbad. Jibadbad eo ad eļaptata āinwōt ajri ro nejin Anij ej n̄an erom̧ āinwōt E. Ilo ad rūttoļo̧k ilo jibadbad in ilo ad kōm̧m̧ani men ko reddik kajjojo raan n̄an ļoor Jisōs Kraist.

Ij m̧ōņōņō kōn katak eo an gospel in bwe “jān men ko reddik im reļam waan men ko reļļap rej kūrm̧ool” (Alma 37:6). N̄e ij reilikļo̧k kōn mour eo aō, ijjab lo jabdewōt men eļap ko kar bōk jikier. Ak ij lo elōn̄ “men ko reddik im relem waan” me rekar kōm̧m̧an eļap oktak. Ijeļā jān jouj an Rilo̧mo̧o̧r, aō tōmak, ej kōkm̧anm̧an kijejeto ko aō n̄an erom̧ āinwōt E.

Ejjeļo̧k an bar juon iaļ enaaj einwōt eo am̧. Ak n̄e kwoj kajjieon̄e ijo em̧m̧antata n̄an bun̄m̧aanļo̧k ilo Kraist, iaļ eo am̧ em̧m̧an. Rikōm̧anm̧an Ekajoor Bōtata ej tōmak ilo kwe, kōn menin pād wōt im tōmak ilo kwe make. Anij ekar kōpooj men ko rekabwilōn̄lōn̄ n̄an eok, im men̄e kwoj en̄jake ke ejabwe im reļam waan, E “enaaj jipan kom̧.erom juon eo eļaaj jān am maron̄ ļōmņake.”³