Kam̧ool Ke Kwoj Epaake

Jān Nadezhda Karezina, Omsk, Siberia, Russia

Ikar ļōmņak Irooj ej kajjitōkin kajjitōk eo epen, ak ikar bōd.

Leļļap eo erūtto rituru im ļaddik eo nejin rej jokwe jejjo̧ em̧ jān baam̧le eo aō. Ekar lukkuun aorōk ippam̧. Ālkin an ļaddik eo nejin mej, ekar jino nan̄inmej im kar babu wōt ilo peet eo an. Kōm kar oņaake m̧ae iien ekar jako jilu allōn̄ tokālik.

Ālkin mej eo aerro, ikar kōņaan kōm̧m̧ani kain̄i ko an tampeļ n̄an baam̧le in. Ak kōnke komij jab epaake do̧o̧n, ekar jab juon kālet eo ekkar. Juon raan juon kōļmenļo̧kjeņ ealikkar ekar itok n̄an ļōmņak eo aō, “Kam̧ool ke kwoj epaake, im komaron̄ kōm̧m̧an jerbal in tampeļ n̄an er.”¹ Ikar ļōmņak Irooj ej kajjitōk kajjitōk ko me jejjab maron̄i, ak naan eo kam̧ool ekab itok wōt n̄an ļōmņak eo aō.

Ro nukun eo rituru rekar jino kōm̧akūt armej eo an abatmen eo, ak ejjeļo̧k aer rekoot n̄an kam̧ool jemdo̧o̧n eo aer, men̄e ālkin am̧ kar pukot rekoot ko jān kien.

Jetōb ekar jiron̄ eō ke elikjab jet men. Kōn mālim jān rein nukun, iaar pukot peba ko ilo abatmen eo an. Ilo kona eo ilo abatmen eo iaar lo jet pāāk eobrak kōn peba. Ikar en̄jake ke pāāk ko raorōk.

Iaar lali pāāk ko ruo im kar jino bar lale eo kein kajilu. Iaar edede laļļo̧k kabin pāāk eo im en̄jake juon bok in jeje. Ilowaan bok in jeje eo, iaar lo ļalem peba ko raorōk; peba in lo̧tak eo an eo rituru, peba in mej im m̧are eo an jinen, peba in mej eo an jibun, im peba in iien kallib eo an jemān.

Ke ro nukun eo riturum im n̄a kar etali peba kein, ruo naan raar jiktok ilo ļōmņak eo aō: “Vagaysky District,” ilo western Siberia. Āliktata, iaar en̄jake ke ij aikuj lale menmenbwij eo aō make. Ke ikar lale, ikar loe ke ewaļo̧k Vagaysky ilo jait eo an jema ilo menmenbwij eo aō. Jerbal in kappok ko rekar kwaļo̧k ke eo riturum̧ me emej im n̄an kom̧ro ej nukwi.

Irooj ekar jab kajjitōk kajjitōk epen jān n̄a ālkin wōt men kein aolep. Ijjab maron̄ kwaļo̧k aō m̧ōņōņō ke ikar jeļā ke eo rituru ej m̧ōttan baam̧le eo aō. Liin̄ in enaaj kōtļo̧k aō maron̄ lukkuun lale n̄e kain̄i ko an tam̧peļ renaaj kōm̧m̧an ilju im jekļaj.

Irooj ej iakwe ro Nejin. E ekar kōpooj karōk in lo̧mo̧o̧r n̄an aolep, ekoba eo rituru im ļaddik eo nejin.