“Ta eo Jemaron̄ Kōm̧m̧ane n̄an Leļo̧k [Lo̧jiln̄id] n̄an bōk Māletlet’?,” Liaona, Jept. 2022.
Itok, Ļoor Eō
Ta eo Jemaron̄ Kōm̧m̧ane n̄an “Leļo̧k [Lo̧jiln̄id] n̄an bōk Māletlet”?
Kōn eļap tarpok ilo laļin, emaron̄ pen n̄an pukot aolepen n̄an lo m̧ool eo indeeo. Jemedwōj Ilan̄ ejeļā menin, im E ejeļā bwe elōn̄ iaan ro Nejin rej kappukot uwaak ko. Kam̧m̧oolol, elōn̄ uwaak ko n̄an kajjitōk ko repen an mour in maron̄ loi ilo jeje ko rekwojarjar, kōnono ko ilo kweilo̧k ko reļļap, ak jān revelesōn eo an juon make. Jemedwōj Ilan̄ eban tōl kōj n̄an jebwābwe.
M̧akūtkūt
Ilo Jabōn Kōnnaan Ko, emakijkij ad riit kōn māletlet. Riiti jebta ko 2 im 3 make iaam ak ilo kurup im kalikkar eoon ko rej kwaļo̧k kilen ad pukōt māletlet. N̄an waanjon̄ak, Jabōn Kōnnaan Ko 1:5 ej ba, “Bwe ri mālōtlōt eo en ron̄jake, im kaļapļo̧k an jeļā; im bwe ri jeļāļo̧kjeņ en tōpar pepe ko rem̧m̧an.”