Ruwainene n̄an Bok In

Ewōr kōjatdikdik!

Jekdo̧o̧n ta apan̄ ko jej iooni, Jisōs Kraist ej ad kōjatdikdik. Elder Ronald A. Rasband jān Doulul eo an Jon̄oulruo Rijilōk ro ekar ejaake unin tōl eo an allōn̄ in ippān m̧ool eo ilo naan eo an ekāāl, “Hope and Comfort in Christ” (peij 4).

N̄an elōn̄ pāāren ro, ennaan eo kōn kōjatdikdik eļap aikuji ilo aer kōm̧m̧ane ijo em̧m̧antata n̄an kōkaajririik ro nejier ilo juon laļ epen. Būreejtōn Russell M. Nelson ekar kwaļo̧k: “Rikapo eo ej kōļapļo̧k an jodiki tōmak ko im iood im baam̧le ko ad ilo juon wāween em̧ōkajļo̧k im em̧ōkajļo̧k. N̄an jo̧o̧r ilo jetōb jān en̄taan, jej aikuj kōl ko n̄an jipan̄ jelm̧ae jodik ko an rikapo eo im karōk karōk ko n̄an jipan̄ kōj” (“Naan in Kōpelļo̧k Ko,” Liaona, Nob. 2018, 7). N̄an jipan̄ jinen im jemān ajri ro ilo jerbal in ekwojarjar, Kabun̄ in ej leļo̧k wōt menin jipan̄ ko jim̧or rekkar im wōr tokjāer.

Ilo ennaan eo an allōn̄ in, rijipan̄ rijeje eo m̧ōtta im n̄a kar kwaļo̧k juon jon̄ak n̄an pāāren ro me rej bōktok jim̧or pedped in katak ko an gospel im kamminene kōjerbal wāween ko me emaron̄ jipan̄ pāāren ro ejaake jemdo̧o̧n ko rekajoor n̄an ro nejier, kōkaajririik er ilo tōmak, im kalōk bōro kuk (lale “A Powerful Pattern for Parenting” ilo peij 10).

Jetōb Kwojarjar emaron̄ tōl kōj n̄an kōjatdikdik im jipan̄ eo jej aikuji. Elder José A. Teixeira jān Jiljilimjuonn̄oul eo ej kwaļo̧k kilen ad bōk eļapļo̧k tōl jān Jetōb Kwojarjar ilo “Choose to Be Spiritually Minded” (page 40).

Kōmij kōjatdikdik bwe ennaan in ejipan̄ kwe im baam̧le eo am̧ bōk kōjatdikdik, en̄jake eļapļo̧k iakwe, im en̄jake eļapļo̧k lan̄lōn̄.

Ilo kautiej,

Maren Daines, JD

Specialist ilo Global Family Policy im Program Development