Sāvali o le Kerisimasi a le Au Peresitene Sili

O le vaitau o le Kerisimasi e masani ona fesootai ma meaalofa. O meaalofa e sili ona manaomia o meaalofa ia ua ofoina mai ia i tatou e lo tatou Tama Faalelagi alofa ma lo tatou Faaola, o Iesu Keriso. Ua mafai ona maua nei meaalofa ona ua faamaulalo Ieova e afio mai i le lalolagi o le pepe o Iesu. Na soifua mai o Ia i se Tamā tino ola pea ma se tinā faalelalolagi. Na soifua mai o Ia i Peteleema i lalo o tulaga e sili ona faatauvaa. O Lona soifua mai o se soifua mai e paia e pei ona muai vaaia e perofeta talu mai aso o Atamu. O Iesu Keriso o le meaalofa lē mafaatusalia lea a le Atua—o le meaalofa a le Tama i Ana fanau uma (tagai Ioane 3:16). O lena soifua mai tatou te faamanatuina ma le olioli i vaitau taitasi o le Kerisimasi.

O le alofa e lē iu ma atoatoa o le Faaola na uunaia ai o Ia e togiola mo fanau uma a le Atua. O lena meaalofa—o le Togiola a Iesu Keriso—ua mafai ai ona avea isi Ana meaalofa uma ma a tatou meaalofa.

Matou te molimau atu o loo soifua le Atua! O Iesu o le Keriso—le Mesia. O Le Ekalesia a Iesu Keriso o le Au Paia o Aso e Gata Ai o Lana Ekalesia, lea na Te taitaia.

O Le Au Peresitene Sili