“E Faapefea e le Mulimuli i le Faataitaiga a le Alii ona Fesoasoani ia i Tatou ia Liuaina?,” Liahona, Tes. 2023.
Sau, Mulimuli Mai ia te A’u
Kerisimasi
E Faapefea e le Mulimuli i le Faataitaiga a le Alii ona Fesoasoani ia i Tatou ia Liuaina?
A tatou suesue i le soifuaga o Iesu Keriso, tatou te maua ai se malamalama loloto atu i o tatou lava natura. O le tele o lo tatou mulimuli i Lana faataitaiga ma aoaoga, o le tele foi lena o lo tatou faapei o Ia. E ala i Lana Togiola o le a tatou maua ai le malosi, taitaiga, ma le mana e liuaina ai. A o tatou mulimuli i le faataitaiga a le Alii, o le a tatou liua i Lana talalelei.
Na aoao mai Peresitene Dallin H. Oaks, Fesoasoani Muamua i le Au Peresitene Sili, “O le taimi lenei mo i tatou taitoatasi e galulue ai agai atu i lo tatou liua faaletagata lava ia, agai atu i le avea ma tagata e finagalo lo tatou Tama Faalelagi tatou te avea ai.”1
O Le Keriso Soifua
Mafaufau e faitau le “O Le Keriso Soifua: O Le Molimau a Aposetolo” (o loo maua i le ChurchofJesusChrist.org) ma faamamafa atu mea sa Ia faia i le taimi o Lana galuega.
E mafai faapefea ona e mulimuli i le faataitaiga a le Faaola ma faia ni mea faapena?
I luga o le siata o i lalo, e mafai ona e lisi ai nisi o mea na faia e Keriso i le taimi o Lana galuega ona lisi lea o mea e mafai ona e faia e mulimuli ai i Lana faataitaiga. O faamatalaga faataitai e lua mai le “O Le Keriso Soifua” ua saunia mo oe.
|
O Mea Sa Faia e le Alii |
O Mea e Mafai Ona Ou Faia |
|
“O Ia o lē na foafoaina le lalolagi, i lalo o le taitaiga a Lona Tama.” |
E mafai ona ou fesoasoani e fausia se aiga e faatotonugalemu ia Keriso. |
|
“Na Ia faatuina le faamanatuga e avea ma faamanatu o Lana taulaga togiola sili.” |
E mafai ona ou manatua o Ia a o o’u tagofia le faamanatuga. |