Dali, Sunod Kanako

Jarom 1; Mosiah 3

Ingon nga ang Manluluwas Nakaanhi Na

Paglantaw ngadto sa Unang Pag-anhi sa Ginoo

Si Jarom mipasabot nga ang mga Nephite gitudloan sa katuyoan sa balaod ni Moises: aron tabangan sila sa “pagpaabot ngadto sa Mesiyas, ug motuo diha kaniya nga moanhi ingon og siya mianhi na” (Jarom 1:11).

King Benjamin’s Address [Pakigpulong ni Hari Benjamin], ni Jeremy Winborg, dili mahimong pakopyahan

Mga 275 ka tuig ang milabay, si Hari Benjamin mihatag sa sama nga mensahe—nga “motuo kang Kristo nga moanhi … ingon nga siya nakaanhi na taliwala kanila” (Mosiah 3:13).

Ang pagtuo sa Ginoo nga adunay kasegurohan—ang paagi nga sila mahimong motuo kon Siya naabot na taliwala kanila—mopalambo sa ilang hugot nga pagtuo nga mangita Kaniya alang sa kapasayloan sa ilang mga sala (tan-awa sa 2 Nephi 25:24–27). Ang Nephite nga mga propeta mitudlo nga bisan og ang Manluluwas wala pa matawo sa mortalidad, ang Iyang Pag-ula mamahimong moepekto diha sa ilang mga kinabuhi.

The Second Coming [Ang Ikaduhang Pag-anhi], ni Harry Anderson

Pagpangandam alang sa Ikaduhang Pag-anhi sa Ginoo

Sama sa mga panahon sa Basahon ni Mormon, ang mga propeta nagdapit gihapon kanato sa “pagpaabot ngadto sa Mesiyas” (Jarom 1:11) ug mangandam alang sa Iyang pag-anhi:

“Kinahanglan kitang mohimo og temporal ug espirituhanong pagpangandam alang sa mga panghitabo nga gitagna sa panahon sa Ikaduhang Pag-anhi.”¹

“Usa sa inyong importante nga mga responsibilidad mao ang pagtabang sa pag-andam sa kalibotan alang sa Ikaduhang Pag-anhi sa Manluluwas.”²

“Unsay atong mahimo aron maandam karon alang nianang adlawa? Atong maandam ang atong kaugalingon isip katawhan; atong matapok ang mga tawo sa pakigsaad sa Ginoo; ug makatabang kita sa pag-angkon sa gisaad nga kaluwasan ‘nga gihimo ngadto sa mga amahan,’ ang atong mga kaliwatan. Kining tanan kinahanglan gayod mahitabo sa talagsaong pag-uswag sa dili pa mobalik ang Ginoo.”³

Ang Ginoong Dios mipadala sa iyang balaan nga mga propeta taliwala sa tanan nga mga katawhan, aron pagpadayag niini nga mga butang ngadto sa matag kaliwatan, kanasoran, ug pinulongan, nga pinaagi niana si kinsa ang motuo kang Kristo nga moanhi, ang mao mahimo nga makadawat sa kapasayloan sa ilang mga sala, ug magmaya sa tuman nga kalipay, bisan ingon nga siya nakaanhi na taliwala kanila.” —Mosiah 3:13

Panaghisgotan

Sa unsang paagi kaha kini makapalig-on sa inyong hugot nga pagtuo ug makaandam kaninyo alang sa pagbalik ni Jesukristo kon kamo mituo ni Jesukristo nga adunay sama nga kadasig ingon nga Siya nakaanhi na?

Mubo nga mga Sulat

1. Dallin H. Oaks, “Pagpangandam alang sa Ikaduhang Pag-anhi,” Liahona, Mayo 2004, 9.

2. Neil L. Andersen, “Pag-andam sa Kalibutan alang sa Ikaduhang Pag-anhi,” Liahona, Mayo 2011, 49.

3. D. Todd Christofferson, “Pagpangandam alang sa Pagbalik sa Ginoo,” Liahona, Mayo 2019, 82.