Mensahe sa Unang Kapangulohan alang sa Pasko

Detalye gikan sa Kahayag sa Kalibotan, ni Michael Malm, dili mahimong pakopyahan

Niining panahon sa tuig sa kamaya, mapasalamaton kami nga makasaulog uban ninyo sa pagkatawo sa atong Manluluwas nga si Jesukristo.

Bisan og natawo Siya sa ubos nga mga kahimtang, Siya ang sentro nga hulagway sa tanang tawhanong kasaysayan. Ang Iyang misyon nakaapekto sa tanan nga dinhi nagpakabuhi ug sa mga magpakabuhi. Pinaagi sa Iyang Pag-ula ug Pagkabanhaw, gibuhat Niya ang dili nato mahimo sa atong kaugalingon: mibuntog sa kamatayon ug makig-uli sa Langitnong Amahan.

Mopamatuod kami nga Siya ang Anak sa Mahangtoron nga Amahan, kinsa nahigugma gayod sa kalibotan, nga gihatag niya ang iyang bugtong Anak, aron ang tanan nga mosalig kaniya dili malaglag, kondili may kinabuhing dayon” (Juan 3:16). Gipakigbahin namo ang among pagsaksi ug kahibalo bahin niining labing importante nga gasa ug modapit kaninyo sa paghimo usab sa ingon niining panahon sa Pasko.

Ang Unang Kapangulohan