Ang Simbahan Ania Dinhi

Orléans, France

Ang mga misyonaryo unang miabot sa France niadtong 1849. Kini nga misyon nasira niadtong 1864 ug giablihan pag-usab niadtong 1908, apan ang mga gubat sa kalibotan naglimit sa presensiya sa Simbahan hangtod pagkahuman sa Ikaduhang Gubat sa Kalibotan. Ang unang stake naorganisar sa Paris niadtong 1975. Niadtong 2011, si Presidente Thomas S. Monson mipahibalo sa Paris France Temple, nga sa kataposan napahinungod niadtong Mayo 2017. Karon, Ang Simbahan ni Jesukristo sa mga Santos sa Ulahing mga Adlaw sa France adunay:

• 38,600 ka miyembro (bana-bana)

• 10 ka stake, 108 ka ward ug mga branch, 2 ka misyon

• 1 ka templo (Paris)

Ang Gahom sa Basahon ni Mormon

Si Lucie Lee sa Lyon France Stake mipamatuod: “Sukad kami nagtuon sa Basahon ni Mormon niining tuiga uban sa Dali, Sunod Kanako, naghimo kami og tumong isip usa ka pamilya sa pagbasa niini sulod sa upat ka bulan, ug kami nakabaton og espirituwal kaayo nga mga higayon samtang naghimo sa ingon. Ang mga bata ganahan nga makat-on mahitungod sa tanang istorya ug kon unsaon namo nga magamit kini sa atong panahon.”