“Isip mga Babaye, Ania Kita sa Wala Hisgoti Kanunay sa Tibuok Kalibotan nga Panag-inigsoonay sa Kababayen-an,” Liahona, Dis. 2024.
Isip mga Babaye, Ania Kita sa Wala Hisgoti Kanunay sa Tibuok Kalibotan nga Panag-inigsoonay sa Kababayen-an
Ang Relief Society naghatag og praktikal nga mga paagi sa pagtuman sa sugo ni Jesukristo sa paghigugma sa atong mga silingan sama sa atong mga kaugalingon.
Tulo ka Igsoong Babaye, ni Kathleen Peterson
Si Presidente Russell M. Nelson mitudlo nga “ang mga babaye gipanalanginan og talagsaong moral nga giya” ug nga ang mga babaye adunay “espesyal nga espirituwal nga mga gasa ug natural nga kinaiyahan” sa pag-ila sa tawhanong mga panginahanglan, sa paghupay, sa pagtudlo, ug sa paglig-on. Ang atong mga komunidad nagdepende sa mga babaye nga mohimo sa ilang talagsaong mga tahas isip mga lider, mga magtutudlo, mga tig-amuma, mga tig-ayo, ug mga tigpasiugda sa kalinaw.
Isip mga babaye, ania kita sa wala hisgoti kanunay sa tibuok kalibotan nga panag-inigsoonay sa kababayen-an. Ang kanunay nga mga kausaban sa mga lawas sa mga babaye ug ang atong managsamang katungdanan sa kinatibuk-an sa pagpanganak ug pagpadako sa mga bata nagkonektar kanato sa bisan walay isulti latas sa babag tungod sa mga kalainan sa kultura ug pinulongan.
Nakita nako unsay buhaton sa mga babaye kon sila mokonektar sa ubang babaye pinaagi sa atong panag-inigsoonay. Nakita nako ang mga babaye nga mituboy sa usag usa taliwala sa kakabos. Nakita nako ang mga babaye nga miatiman, mipakaon, ug mialima sa mga bata nga dili nila mga anak. Nakita nako ang mga babaye nga mibarog sa pagpanalipod sa uban gikan sa kadaot sa gubat. Kon sundon niini ang taas nga mga sumbanan, ang Relief Society maghatag sa praktikal nga mga paagi sa pagtuman sa sugo ni Jesukristo sa paghigugma sa atong mga isigkatawo sama sa atong mga kaugalingon.
Pananglitan, sa kataposan nga dekada, atol sa krisis sa mga mibakwit sa Europe, ang mga miyembro sa Simbahan mihiusa sa ilang panahon, talento, ug kwarta aron sa pagtabang sa daghan nga nagpanon nga mga tawo nga mipaingon ngadto sa Europe. Ang ilang mga paningkamot nakatabang nga mahupay ang desperado nga mga kahimtang sa milalin nga mga tawo.
Sa Pilipinas, ang Santos nga mga Babaye sa Ulahing mga Adlaw nabalaka mahitungod sa daghan kaayo nga malnutrisyon sa ilang mga komunidad ug sa unsang paagi kini nakaapekto sa ilang kaugalingong mga pamilya. Nakat-on pa sila mahitungod sa labing komon nga mga hinungdan sa malnutrisyon ug sa grabeng mga epekto sa tibuok kinabuhi. Ang mga Relief Society sa ward ug stake mihimo og mga screening sa nutrisyon diha sa mga bilding sa Simbahan alang sa mga sakop sa pamilya ug sa ilang mga silingan ug dayon mitudlo sa mga ginikanan mahitungod sa maayong nutrisyon. Ilang giduso kadtong nanginahanglan ngadto sa lokal nga medikal ug komunidad nga mga serbisyo nga mohatag og pagtambal.
Ang impluwensiya niini nga mga babaye miabot samtang sila nagtrabaho alang sa kaayohan sa mga pamilya sa ilang mga komunidad. Ang labing importante ug maimpluwensiyahong gimbuhaton sa mga babaye nagpadayon nga gihimo duol kanato: kon kita moatiman sa atong kaugalingong mga anak, motudlo sa usa ka higala sa pagbasa, mapailobong motubag sa mga panginahanglan sa tigulang nga silingan, moandam og pagkaon alang sa masakiton, o moduyog sa usa ka sister nga nagbangotan.
Naningkamot ko nga mahimong usa ka disipulo ni Jesukristo ug mosunod sa Iyang ehemplo sa pagserbisyo sa uban. Ang Iyang inadlaw nga disiplina mao ang pagtabang niadtong anaa sa kasakit sa tinagsa-tagsa: pinaagi sa pribado nga panagsultihanay uban sa sinalikway sa sosyal nga paagi nga babaye nga taga-Samaria diha sa atabay (tan-awa sa Juan 4); paghunong aron sa paghupay sa babaye nga nag-antos sa pagsigi og dugo taliwala sa daghang katawhan (tan-awa sa Lucas 8:43–48); pribado nga miayo sa batan-ong anak nga babaye ni Jairo (tan-awa sa Lucas 8:51–55).
Samtang ang akong kasamtangan nga trabaho naglakip sa pagpalambo sa mga kondisyon alang sa mga babaye ug sa mga bata sa tibuok kalibotan, nakaamgo ko nga ang labing importante nga kinahanglanon ni Kristo kanako isip Iyang disipulo mao ang pagmatikod sa indibidwal nga mga panginahanglan sa naglibot kanako ug ang pagtubag uban ang pailob ug gugma.
Ang mga organisasyon dili makatabang sa matag tawo sa kalibotan, bisan unsa pa ka maayo pagkapundo og kwarta ang ilang mga programa, maayong pagkasulat sa ilang mga palisiya,o maayo pagkahimo ang ilang internasyonal nga relasyon. Apan pinaagi sa atong tibuok kalibotan nga panag-inigsoonay sa kababayen-an, kita makatabang sa matag usa ka tawo.
Kinsang kinabuhi nga makahuloganon ninyong mapalambo karon inubanan sa buhat sa kaluoy? Awhagon ko kamo sa paghunong sa makadiyot ug sa pakigsulti sa atong Langitnong Amahan, ang labing dako nga tinubdan sa inspirasyon, ug dayon paghulat og kadiyot alang sa giya gikan sa Espiritu Santo. Dapiton ko kamo sa pagsulat niini ug sa pagbuhat niini. Manghinaot ko nga kanang yanong ehersisyo makatabang ninyo nga makasabot nga ang atong labing dakong kalamposan mao ang dili pagpugong sa gahom sa atong tibuok kalibotang panag-inigsoonay sa mga kababayen-an.