Nahea ia faaohipa i te pehe i roto i te Paraimere
Te fâ o te pehe i roto i te Paraimere o te haapiiraa ïa i te evanelia a Iesu Mesia i te mau tamarii. E faariro te haapiipiiraa i te mau himene o te Paraimere ei mea anaanatae, e ani manihini i te Varua, e e faatupu i te hoê vahi faatura papû no te haapii-maitai-raa (a hi‘o Manuel 2: Administration de l’Eglise [2010], 11.2.4).
Ia faaineine oe no te haapii i te hoê himene, a ui ia oe iho: Nahea vau e nehenehe ai e faaara mai i te mata e te tari‘a o te mau tamarii ? Eaha te mau uiraa ta’u e nehenehe e ui atu no te tauturu i te mau tamarii ia maramarama i te parau poro‘i o te himene ? Eaha te rave‘a aravihi e faaohipa no te haapii i teie himene ? Teie i muri nei te tahi mau rave‘a aravihi o ta oe e nehenehe e tamata. Na te mau hi‘oraa e tauturu ia oe ia haapii i te mau himene i horo‘ahia’tu i roto i teie arata‘iraa. No te mau mana‘o hau atu, a hi‘o i te tuhaa « Primaire » no « Servir dans l’Eglise » i ni‘a i te LDS.org na reira atoa te mau tuhaa « Nahea ia faaohipa i te pehe i roto i te Paraimere » i roto i te mau arata‘iraa no 2015, no 2016 e no 2017.
A haapapû atu i te mau parau tumu o te evanelia e vai ra i roto i te himene.
A feruri i te mau mana‘o i muri nei a haapii ai oe i te himene « E Ti‘a i te Utuafare ia Ora Tahoê » (Te mau himene, 184). A ani i te mau tamarii ia faaroo i te hoê tuhaa o te opuaraa a te Metua i te Ao ra a himene ai oe i te reni matamua o te himene e ia ti‘a mai ratou i ni‘a ia itehia ia ratou eaha ra te reira (utuafare). A ani manihini i te mau tamarii ia himene i taua reni ra e oe. A faaara atu e, hoê â ta‘iraa himene no te parau « [fa]re maitai » e « te ao nei », a ani atu ai ia ratou ia himene mai te reira. A ani ia ratou ia faaroo i te tuhaa no muri iho e ia imi mai eaha te roaraa taime e nehenehe ta ratou e ora e to ratou utuafare. A himene i te reni piti, ma te haapapû i te parau « a muri noa’tu ». A ani manihini i te mau tamarii ia himene mai i teie reni na muri ia oe, e i muri iho ia himene i na e piti reni. A ani i te mau tamarii ia faaroo mai i te tahi faahou parau no te auraa e « a muri noa’tu » i roto i te faaho‘iraa. A himene, « E Ti‘a i te Utuafare ia Ora Tahoê », a ani ia ratou ia tavevo mai ia oe. A himene ai oe, e tavevo mai ratou, « Ia ora tahoê ». A ui eaha te opuaraa a te Metua i te Ao ra, ma te faahaamana‘o i te mau tamarii e, ua hinaaro Oia ia ratou ia faaipoipo i roto i te hiero e ia farii i te hoê utuafare mure ore no ratou iho. A faaoti i te haapiiraa i te faaho‘iraa na roto i te himeneraa i te mau parau e a ani i te mau tamarii ia tavevo mai i te reira.
No te tauturu i te mau tamarii ia haapii i te reo o te hoê himene, « a tuu i to oe rima i te hoê faito afaro e a himene ai i te mau paraparau, a huti i to oe rima i ni‘a no te faaite i te teitei o te faito, e a tuu i raro no te faaite i te haehaaraa o te faito ».
A faaohipa i te faahi‘oraa no te tauturu i te mau tamarii ia haapii e ia haamana‘o i te paraparau.
Te vai nei te tahi mau faahi‘oraa i ni‘a i te sharingtime.lds.org
A feruri i te mau mana‘o i muri nei no te haapii « Ahani e tei piha‘i iho te Faaora ia’u » (api 28 i roto i teie arata‘iraa):
-
A papa‘i i ni‘a i te api parau, te pereoda tata‘itahi o te himene, e a imi mai i te hoê hoho‘a no te faahoho‘a i te pereoda tata‘itahi. A tuu i te mau hoho‘a i te hoê pae o te piha e te mau api parau i papa‘ihia i te tahi pae. A aparau e te mau tamarii nahea ratou e nehenehe e taui rii mai i ta ratou huru raveraa ahani e, te ti‘a ra te Faaora i pihai iho ia ratou ; A himene i te himene, e a ani i te mau tamarii ia faatu‘ati i te mau hoho‘a e te mau api parau.
-
A ani i te mau tamarii ia himene i te himene na muri ia oe a faatoro ai oe i te mau hoho‘a.
-
A horo‘a i te piha tata‘itahi ia himene mai i te hoê pereoda ma te ti‘a mai i ni‘a, e i muri mai, a taui haere i te mau pereoda ia roaa i te piha tata‘itahi ia himene i te mau pereoda atoa.
A faaohipa i te mau rave‘a tano no te faaô mai i te mau tamarii e no te tauturu ia ratou ia haamana‘o i te himene.
A feruri i te mau mana‘o i muri nei no te haapii i te himene « Mon Père céleste m’aime » (CPE, 16–17). A ui i te mau tamarii nahea ratou i te faaiteraa atu i to ratou here i te mau melo o te utuafare. A ui i te mau tamarii nahea te Metua i te Ao ra i te faaite i To’na here no ratou. A faataa’tu e, ua hamani Oia i teie ao nehenehe no ratou no te mea ua here Oia ia ratou. A himene i te himene na te mau tamarii, te hoê pereoda i muri mai i te tahi, e a ani manihini ia ratou ia himene mai na muri ia oe e ia apa rima mai: te himeneraa o te manu (l’oiseau chanter), te hi‘oraa i te reva (le bleu du ciel), te toparaa ua i ni‘a i te mata (la pluie tomber), eaha ana‘e atu. No te piti o te irava, a ani manihini ia ratou ia apa rima ma te faatororaa i te mata (des yeux), te maurereraa mai te purehua (des papillons), e te faatororaa i te tari‘a (des oreilles). A ani manihini ia ratou ia tauahi ia ratou iho ia himene mai ratou, « Il m’offre la vie », e i muri iho ia tape‘a i to ratou upoo (« et la raison »), ia pi‘o i te upoo e ia tufene ho‘i i te rima (« Et moi je lui dis ‘merci’ »). A ani ia ratou i tuu i to ratou rima i te vahi o te mafatu ia himene ratou, « Oui je sais qu‘il m’aime et me bénit ».