Tiurai
E tuhaa te mau utuafare no te opuaraa a te Metua i te Ao ra
« Ua haamauhia te utuafare e te Atua » (« Te Utuafare : E Poro‘i i to te Ao nei », paratarafa 7).
A faananea i te mau mana‘o i horo‘ahia i ô nei ma te tuu atoa mai i to oe iho mana‘o. I te mau hepetoma atoa, a faanaho i te mau rave‘a no te (1) faaite i te haapiiraa tumu, (2) tauturu i te mau tamarii ia taa maitai i te reira, e (3) tauturu ia ratou ia faaohipa i te reira i roto i to ratou oraraa. A ui ia oe iho, « Eaha ta te mau tamarii e rave atu no te haapii mai, e nahea e nehenehe ai ia’u ia tauturu ia ratou ia farii i te Varua ? »
Hepetoma 1: Ua faanaho te Metua i te Ao ra ia haere mai au i roto i te hoê utuafare.
Faaite i te haapiiraa tumu: A faaite i te mau tamarii i « Te Utuafare : E Poro‘i i to te Ao nei », e a faataa’tu e, te haapii nei te reira e, te opuaraa a te Metua i te Ao ra ia haere mai Ta’na mau tamarii i te fenua nei i roto i te mau utuafare.
Tauturu ia taa maitai (hi‘o i te hoho‘a): A tapŭpŭ i te mau tamarii e a horo‘a i te pŭpŭ tata‘itahi i te hoê hoho‘a no te hoê utuafare (ei hi‘oraa, Adamu raua Eva e haapii ra i ta raua na tamarii [BHE, no. 5], Te faati‘araa te Mesia i te tamahine a Iaeiro [BHE, no. 41], Te tapaeraa te utuafare o Lehi i te fenua i fafauhia [BHE, no. 71], e te hoê utuafare e pure ra [BHE, no. 112]). A ani manihini i te pŭpŭ tata‘itahi ia imi mai i te mau melo o te utuafare i ni‘a i ta ratou hoho‘a. A ani i te pŭpŭ tata‘itahi ia faaite mai i ta ratou hoho‘a i te toe‘a o te mau tamarii e ia faatoro mai te metua tane, te metua vahine, e te mau tamarii. A ani i te mau tamarii ia faaite mai i ni‘a te manimani rima e hia taata i roto i to ratou iho utuafare. A parau ia ratou e, e tuhaa to ratou utuafare no te opuaraa a te Metua i te Ao ra.
Tauturu ia faaohipa: A ani i te mau tamaroa ia ti‘a mai i ni‘a. A faataa’tu e, e nehenehe ratou e riro mai i te hoê mahana ei metua tane no te hoê utuafare parau-ti‘a. A ani manihini i te tahi mau tamaroa ia parau i te tahi mea o ta ratou e ti‘a ia rave no te riro ei metua tane maitai. A ani i te mau tamahine ia ti‘a mai i ni‘a, e a faataa’tu e, e nehenehe ratou ia riro mai ei metua vahine i te hoê mahana no te hoê utuafare parau-ti‘a. A ani i te tahi pae o ratou ia parau mai i te tahi mea ta ratou e rave atu no te riro mai ei metua vahine maitai. A ani manihini i te mau tamarii atoa ia faaite mai i te tahi mea ta ratou e nehenehe e rave no te hopoi mai i te oaoa i roto i to ratou utuafare i teie nei.
E haapii maitai a‘e â te mau tamarii e e haamana‘o maoro a‘e â ratou ia faaite ana‘e oe i te mau mana‘o na roto i te faaohipraa i te mau hoho‘a e te tahi atu mau tauturu faahi‘oraa (a hi‘o
Hepetoma 2: E nehenehe i te pure utuafare, te tuatapapa-utuafare-raa i te mau papa‘iraa mo‘a, e te pureraa pô utuafare e haapuai i te utuafare.
E nehenehe i te mau haapiiraa tao‘a e faaohipahia no te faaanaanatae, no te faatumu i te ara-maitai-raa o te mau tamarii e aore râ no te faaô i te hoê parau tumu o te evanelia (a hi‘o
Faaite i te haapiiraa tumu e tauturu ia taa maitai (hi‘o i te hoê haapiiraa tao‘a): A ani i te hoê tamarii ia tape‘a i te hoê taamu raau rii. A faataa’tu e, e faahoho‘a te mau raau rii i te mau melo o te utuafare. A papa‘i « pure utuafare », « tuatapapa-utuafare-raa i te mau papa‘iraa mo‘a », e « pureraa pô utuafare » i ni‘a e toru api parau. A ani i te mau tamarii nahea teie mau ohiparaa e haapuai ai e aore râ e tauturu ai i te tape‘a-amui-raa i te mau utuafare. A ani manihini i te mau tamarii ia puohu i te taamu raau rii i te mau api parau. A faataa’tu e, e ani manihini teie mau ohiparaa i te Varua ia tae mai i roto i to tatou mau fare e ia ora e ia haafatata atu ia tatou i te Metua i te Ao ra e ia Iesu Mesia, na te reira e haapuai i to tatou mau utuafare.
Tauturu ia faaohipa (papa‘i i te hoho‘a): A horo‘a i te mau tamarii i te tahi api parau, e a ani manihini ia ratou ia papa‘i i te hoê hoho‘a no te mau ohiparaa ta ratou e rave nei e to ratou nei utuafare o tei haapuai ia ratou. A ani manihini ia ratou ia faaite mai eaha te hoho‘a ta ratou i papa‘i no ni‘a i to ratou utuafare i te fare.
Hepetoma 3: E nehenehe i te autahu‘araa e haamaitai e e haapuai i to’u utuafare.
Faaite i te haapiiraa tumu (faahiti i te hoê piri): A parau i te mau tamarii e, e horo‘a’tu oe ia ratou i te tahi faahitiraa no ni‘a i te hoê mea o te haamaitai nei e o te haapuai nei i te mau utuafare. A ani ia ratou ia afa‘i i to ratou rima i ni‘a ia ite-ana‘e-hia ia ratou te pahonoraa. A horo‘a i te tahi mau faahitiraa no ni‘a i te autahu‘araa, teie te tahi hi‘oraa, « Te haamaitai nei te mau metua tane i to’na utuafare e teie mea » e « te mau tamaroa 12 matahiti, e nehenehe ta ratou e farii i te reira ». Ia itehia teie piri e te mau tamarii, a parau amui atu, « E nehenehe i te autahu‘araa e haamaitai e e haapuai i to’u utuafare ».
Tauturu ia taa maitai (tauaparau i te autahu‘araa): A ani i te mau tamarii ia parau i te tahi mau ohipa ta te feia e mau nei i te autahu‘araa e nehenehe e rave (ei hi‘oraa, bapetizo, horo‘a i te horo‘araa o te Varua Maitai, haamaitai i te taata ma‘i, e te opereraa i te oro‘a). A faaite i te tahi mau hoho‘a no teie mau oro‘a e te mau haamaitairaa e a aparau ai oe i te reira, a tauturu i te mau tamarii ia maramarama nahea te reira e haamaitai e e haapuai i te mau utuafare. A faaite i te hoho‘a no te hoê hiero. A faataa’tu e, te hoê o te mau haamaitairaa rahi roa a‘e o te autahu‘araa oia ho‘i, e iriti te reira i te uputa no te tomo i roto i te hiero e ia taati-amui-hia ei hoê utuafare e a muri noa’tu.
Tauturu ia faaohipa (faaite i te mana‘o): A ani manihini i te tahi mau tamarii ia ti‘a mai i ni‘a e ia faaite mai hoê e aore râ e piti rave‘a ta te autahu‘araa i haamaitai e i haapuai i to ratou utuafare. A faaitoito ia ratou ia faaite i to ratou mau mana‘o i to ratou utuafare i te fare.
Hepetoma 4: Ua hinaaro te Metua i te Ao ra ia faaipoipo vau i roro i te hiero e ia farii i te hoê utuafare mure ore.
Faaite i te haapiiraa tumu (hi‘o i te hoê hoho‘a): A faaite i te hoho‘a no na taata faaipoipo i mua i te hiero i roto i to raua ahu faaipoiporaa. A ani i te mau tamarii no te aha te Metua i te Ao ra e hinaaro ai ia faaipoipo tatou i roto i te hiero. A faataa’tu e, ia faaipoipo tatou i roto i te hiero, e riro to tatou utuafare ei mea mure ore.
Tauturu ia taa maitai (faaroo i te iteraa papû): A ani manihini i te tahi mau orometua, oia ho‘i te mau taata faaipoipohia, ia faaite mai i te mau haamaitairaa ta ratou i farii no te hiero e te faaipoiporaa hiero. A ani i te mau tamarii ia apo mai i te tahi mau haamaitairaa ta te mau orometua i faaite mai. A tapura i te reira i ni‘a i te tapura ereere.
Tauturu ia faaohipa: A ani i te tahi mau tamarii ia ti‘a mai e ia faaite mai, no te aha ratou e hinaaro ai ia faaipoipo i roto i te hiero, e eaha ta ratou e nehenehe e rave no te faaineine ia ratou no taua haamaitairaa ra.