“Kinahanglan ba Akong Mokuha og Propesyonal nga Tabang?” Tabang alang sa mga Biktima (2018).
“Kinahanglan ba Akong Mokuha og Propesyonal nga Tabang?” Tabang alang sa mga Biktima.
Kinahanglan ba akong mokuha og propesyonal nga tabang?
Ang pagkuha og tabang makapauswag sa imong kinabuhi, makadugang sa imong mga pagbati sa kaugalingong bili, ug makapalig-on sa imong mga relasyon. Dili kinahanglan nga imong pas-anon og inusara ang sakit nga nahimo sa pang-abuso, ug dili kinahanglan nga imong pas-anon kini sa hangtod.
Tungod niana nga pang-abuso nga nahitabo kanimo, mahimong ikaw adunay malisod nga panahon nga mobati og hingpit nga kalipay. Hinoon, ang Langitnong Amahan gusto nga makasinati ka og hingpit nga kalipay. Miingon si Presidente Dallin H. Oaks: “Usa sa labing importante sa tanang pagpadayag sa Dios mao ang pagtulun-an ni Amahang Lehi nga ‘ang mga tawo naingon, nga unta sila makabaton og hingpit nga kalipay.” (2 Ne. 2:25) Ang hingpit nga kalipay labaw kay sa kalipay. Ang hingpit nga kalipay mao ang kinatumyan nga pagbati sa pagkamaayong mopahiangay sa kaugalingon ngadto sa mga tawo o sa katilingban” (“Joy and Mercy,” Ensign, Nob. 1991, 73).
Ang tabang moabut sa daghang mga matang. Kini mahimong nag-apil og panalipod sa sibil nga mga awtoridad, paggiya gikan sa propesyonal nga mga tigtambag, o suporta gikan sa uban(tan-awa sa “Asa ako moduol alang sa suporta?”).
Panabang Kon Ikaw Anaa sa Krisis
Kon ikaw naabuso o giabusohan o kon ikaw mibati nga dili luwas, mahimong nanginahanglan ka og dihadiha nga tabang gikan sa sibil nga mga awtoridad, mga serbisyo sa panalipod sa bata, mga serbisyo sa panalipod sa mga hamtong o sa medikal nga mga propesyonal. Mahimo ka usab nga mangayo og tabang gikan sa usa ka abugado o tigtambag og biktima. Kini nga mga serbisyo makatabang og panalipod kanimo ug makapugong og dugang nga pang-abuso (tan-awa sa “In Crisis” alang sa diha-diha nga tabang).
Panabang nga may Kahamugaway, Suporta, ug Pagkaayo
Dili igsapayan kanus-a ikaw naabuso, ikaw makabenepisyo gikan sa suporta ug propesyonal nga tabang. Kadaghanan sa mga biktima labing mamaayo kon usa ka tawo nagtuo kanila, ilang pahatagan ang ilang mga pagbati og pagmatuod, mobati sila nga luwas ug gipanalipdan, ug ilang nasabtan kon sa unsang paagi ang pang-abuso nakaapekto kanila. Ang suporta makatabang kaninyo sa pagkaplag og kalinaw ug dili mobati nga nag-inusara samtang naninguha nga makakita og pagkaayo.
Ang pagkuha og tabang makahatag usab kanimo sa mosunod:
-
Koneksyon ngadto sa uban
-
Usa ka tawo kinsa makapaminaw nga may kalooy
-
Usa ka tawo kinsa makasuporta kanimo
-
Pagtuo nga ang pagkaayo posible
-
Mga pagbati sa gugma ug pagdawat
-
Paggiya ngadto sa proseso sa pagkaayo
-
Kaisug ug abilidad sa pag-uswag pinaagi sa proseso sa pagkaayo
-
Mas daghang maayo nga mga hunahuna
Ang pagkakaplag og suporta mahimong motabang kanimo nga mosugod pagbati og paglaum. Kini makatabang usab kanimo nga makakaplag og kalipay ug hingpit nga kalipay.
Mga Kapanguhaan sa Komunidad ug sa Simbahan
(Pipila sa mga kapanguhaan nga gilista sa ubos wala gimugna, gipalambo, o gikontrolar sa Ang Simbahan ni Jesukristo sa mga Santos sa Ulahing mga Adlaw. Samtang kini nga mga materyal gituyo aron magsilbi isip dugang nga mga kapanguhaan, ang Simbahan wala magsuporta sa bisan unsa nga sulod [content] nga dili pinasubay sa mga doktrina ug mga pagtulun-an niini.) Ang uban niini nga mga kapanguhaan mahimong anaa sa Iningles lamang.
-
“Usa ka Taytayan padulong sa Paglaom ug Pagkaayo,” Nanon Talley, Liahona, Abr. 2017
-
“Healing from Trauma and Moving On,” HelpGuide.org
-
The National Child Traumatic Stress NetworkImpormasyon kabahin sa crisis hotlines, paggiya sa mental nga kabaskog, tabang alang sa giabusohan o tabang alang sa gibiyaan nga mga bata, tabang alang sa sekswal nga giabusong mga bata, pagtubag ngadto sa mga kalisdanan, ug pagtabang sa mga biktima ug programa sa pagbayad.
-
RAINN.org (Rape, Abuse & Incest National Network): mga programa sa pagtabang nga mapugngan ang sekswal nga kabayolente, motabang sa mga naluwas [survivors], ug pagtaral sa mga nakalapas ngadto sa hustisya.