Abuso
Unsa Kaha kon Ako Naghunahuna nga ang Pang-abuso Akong Sayop?

“Unsa Kaha kon Ako Naghunahuna nga ang Pang-abuso Akong Sayop?” Tabang alang sa mga Biktima (2018).

“Unsa Kaha kon Ako Naghunahuna nga ang Pang-abuso Akong Sayop?” Tabang alang sa mga Biktima.

Unsa kaha kon ako naghunahuna nga ang pang-abuso akong sayop?

Kon ikaw biktima sa pang-abuso, dili ka responsable sa unsay nahitabo kanimo. Dili igsapayan diin ikaw, unsa ang imong gisulti o gibuhat, unsa ang imong gisul-ob, o unsa ang nahitabo og una. Namulong ngadto sa mga biktima sa pang-abuso, si Elder Richard G. Scott sa Korum sa Napulog Duha ka mga Apostoles mipahayag, “Ligdong akong mopamatuod nga kon ang mga lihok sa kapintas sa uban … nakapasakit kaninyo og maayo, batok sa imong kabubut-on, dili ka responsable ug kinahanglan nga dili ka gyud mobati nga nakasala” (“Healing the Tragic Scars of Abuse,” Ensign, Mayo 1992).

Kini Dili Imong Sala

Samtang ang uban naninguha sa panghimatuod kanimo nga ang pang-abuso dili imong sala, kini sagad gihapon ang pagtuo nga ikaw ang sad-an sa unsay nahitabo.

Ang pipila sa mga katarungan nga ang biktima mobati og kasaypanan naglakip sa mosunosd:

  • Gi-akusar sila nga namakak.

  • Gisultihan sila nga ang pang-abuso ilang sayop.

  • Sila naghunahuna nga ila unta kini nga mapahunong.

  • Ang naghimo sa sala maayong mo-impluwensya.

  • Ang naghimo sa sala nagpakita nga ang pang-abuso gigustuhan o giaghat sa biktima.

  • Gibati nila nga sila mihimo og usa ka butang aron sa pag-awhag niini.

  • Gituohan nila nga ang lihok normal.

  • Wala sila magtuo nga unsa ang nahitabo pang-abuso.

  • Gipatuo sila nga kinahanglan gayud silang maghinulsol, ingon og sila ang nakasala sa pagka-naabuso.

Bisan unsa pa ang imong gibati o unsa ang gisulti nganha kanimo, dili ikaw ang mapasanginlan sa mga lihok sa uban.

Dili Ikaw Responsable

Sa mga sitwasyon sa pang-abuso, ang naghimo sa sala migamit sa iyang kabubut-on sa pagpasakit kaninyo. Dili ikaw responsable alang sa pagpili nga gihimo sa laing tawo.

Sa usa ka debosyonal nga pagpamulong sa BYU, si Propesor Benjamin M. Ogles mihatag sa mosunod nga pagkasusama:

“Ang uban naghunahuna kon nakabuhat ba sila og sayop nga angayan niini nga hitabo. Ang uban nagduhaduha sa ilang panglihok ug naghunahuna kon nakahimo ba sila og usa ka butang aron sa pag-awhag sa laing tawo sa pagbalewala sa ilang mga tinguha—ingon og sa laing paagi midani niini nga lihok. Ilabi na kon sila mihimo og lain nga desisyon sa mga oras sa hitabo nga karon ilang gitan-aw nga kaduhaduhaan, mahimo nga sila maghunahuna nga sa laing paagi sila kabahin og responsable sa unsay nahitabo. Apan dili ikaw responsable alang niana nga wala nimo tuguti! Mao kana ang baruganan sa kabubut-on.

“Tuguti ako sa paghulagway pinaagi sa usa ka personal nga kasinatian. Sa 1990 ang among pamilya mibalhin ngadto sa gamay nga komunidad sa habagatang-silangan sa Ohio nga gitawag og The Plains. Sa unang gabii, usa ka tawo misulod sa among sakyanan ug gikuha ang tanan nga ilang gusto. Sa nadiskubrehan ko ang pag-pangawat, daghang mga hunahuna ang misulod dayon sa akong ulo:”

“‘Kon gi-parking ko lamang unta ang sakyanan nga mas duol sa balay ug layo sa karsada.’

“‘Kini akong sayop; giyawehan ko unta ang mga pultahan sa sakyanan.’

“‘Unsa ko ka inosente sa pagtuo nga luwas kami tungod lamang kay kini usa ka gamay, banwahon nga lungsod.’

“‘Kon unta mas abtik ako, mapugngan ko unta kini nga panghitabo.’

“Nakita ba ninyo kon giunsa nako pagdawat ang responsibilidad sa krimen nga gihimo sa laing tawo? Bisan diin pa nako giparking, unsa ko ka inosente, o kon nayawehan ko ang mga pultahan o wala, walay usa ang may katungod sa pagkuha sa mga butang gikan sa akong sakyanan nga walay pananghid. Dila ako responsable sa pagpangawat. Apan dali kaayo akong midawat sa sala tungod kay akong nahunahuna ang mga butang nga sa akong pagtuo ako untang nabuhat sa laing paagi” (“Agency, Accountability, and the Atonement of Jesus Christ: Application to Sexual Assault” [Debosyonal sa Brigham Young University, Ene. 30, 2018], 5–6, speeches.byu.edu).

Diha sa Basahon ni Mormon atong makat-unan, “Bisan kinsa nga mohimo og dautan, magbuhat niini sa iyang kaugalingon; kay tan-awa, kamo gawasnon” (Helaman 14:30)

Kon kamo mga biktima sa pang-abuso, kini dili inyong sayop. Dili kamo ang mabasol alang sa mga lihok sa uban nga walay pagsapayan sa mga sitwasyon, ug ang pagkaayo posible pinaagi sa Manluluwas nga si Jesukristo.

Mga Kapanguhaan sa Komunidad ug sa Simbahan

(Pipila sa mga kapanguhaan nga gilista sa ubos wala gimugna, gipalambo, o gikontrolar sa Ang Simbahan ni Jesukristo sa mga Santos sa Ulahing mga Adlaw. Samtang kini nga mga materyal gituyo aron magsilbe isip dugang nga mga kapanguhaan, ang Simbahan wala magsuporta sa bisan unsa nga sulod [content] nga dili pinasubay sa mga doktrina ug mga pagtulun-an niini.) Ang uban niini nga mga kapanguhaan mahimong anaa sa Iningles lamang.

May Kalabutan nga mga Artikulo

Iprinta