Jakobi [LiM] 2:22–35

Ligji i Dëlirësisë

Bota po i braktis standardet e pastërtisë seksuale, por standardi i Zotit për pastërtinë seksuale mbetet i pandryshueshëm. Pasi mori detyrën e vet nga Zoti, Jakobi i dha mësim popullit të tij rreth ligjit të dëlirësisë. Mësimet e Jakobit gjejnë zbatim ende sot. Ky mësim mund të të ndihmojë të kënaqesh në dëlirësi siç kënaqet Zoti.

Lutuni për t’i kuptuar nevojat e nxënësve. Gjatë përpjekjeve tuaja për t’u përqendruar te nxënës të veçantë, lutuni për ta me emër. Kërkojini Atit Qiellor t’ju ndihmojë t’i kuptoni nevojat e tyre dhe mënyrat se si mund të jepni mësim që do t’i plotësojnë ato nevoja. Mbani vesh për nxitjet që merrni me ide për mënyrën se si mund ta ndihmoni secilin nxënës.

Përgatitja e nxënësve: Mund t’i ftoni nxënësit t’i pyesin prindërit e tyre ose një udhëheqës të Kishës për bekimet që vijnë nga bindja ndaj ligjit të dëlirësisë. Nëse dëshironi mund të viheni në kontakt me prindërit për t’i informuar se nxënësit do të mësojnë rreth ligjit të dëlirësisë në mënyrë që prindërit të mund ta vazhdojnë diskutimin në shtëpi nëse dëshirojnë.

Veprimtari të Mundshme të të Mësuarit

Paralajmërimi i Jakobit

Merreni parasysh të vizatoni një diagram të ngjashëm me shembullin më poshtë në tabelë. Më pas hapni një diskutim duke përdorur pyetje si ato që vijojnë në diagram.

Nëse dëshironi mund të shpërndani edhe bisedën “Qëndroni të Paepur në Vende të Shenjta” në , ku Plaku Robert D. Hejls (1932–2017) përshkruan mënyrën se si standardet e botës po largohen gjithnjë e më shumë nga standardet e Zotit. Kjo bisedë është në dispozicion në ChurchofJesusChrist.org, https://www.churchofjesuschrist.org/study/general-conference/2013/04/stand-strong-in-holy-places?lang=alb.

Qëndroni të Paepur në Vende të Shenjta

Duke qëndruar të bindur dhe të paepur në doktrinën e Perëndisë tonë, ne qëndrojmë në vende të shenjta, pasi doktrina e Tij është e shenjtë dhe nuk do të ndryshojë.

• Si do ta përshkruaje atë që tregon ky diagram rreth standardeve të Zotit dhe standardeve të botës?

• Në çfarë mënyrash i sheh standardet e botës të lëvizin larg nga standardet e Zotit?

Presidenti Rasëll M. Nelson tregoi një mënyrë se si bota po endet larg nga standardi i Zotit:

“Duhet besim që të jetoni një jetë të dëlirë kur bota bërtet që ligji i Perëndisë për dëlirësinë tani është i dalë nga moda.” (Rasëll M. Nelson, “Krishti u Ringjall; Besimi tek Ai do të Zhvendosë Malet”, Liahona, maj 2021, f. 104)

• Çfarë shembujsh të kësaj sheh ti?

Nëse nxënësit kanë pyetje rreth sjelljeve specifike në lidhje me ligjin e dëlirësisë, nxitini ata të kërkojnë përgjigje duke folur me prindërit e tyre ose udhëheqësit e kishës dhe duke studiuar shkrimet e shenjta dhe mësimet e profetëve të gjallë. Jini i ndjeshëm ndaj nxënësve që mund ta kenë shkelur ligjin e dëlirësisë. Kujtojuni atyre fuqinë e Shpëtimtarit për të falur dhe inkurajojini ata të flasin me peshkopin e tyre.

Jini i ndjeshëm ndaj nxënësve që mund të jenë viktima të keqtrajtimit. Nëse duket se një nxënës mund t’ju flasë rreth përfshirjes vetjake ose familjare me keqtrajtimin, shpjegoni se ju kërkohet ta raportoni çfarëdolloj akuze. Jini i duruar, mirëkuptues dhe sigurues, dhe inkurajojeni atë të flasë me peshkopin e vet. Nëse një nxënës raporton keqtrajtim, vihuni në kontakt me shërbimin telefonik të ndihmës të Kishës ose këshilluesin ligjor në zonën tuaj.

Ligji i Zotit për dëlirësinë është i qartë dhe i pandryshueshëm. “Dëlirësia është pastërtia seksuale. Ata që janë të dëlirë janë moralisht të pastër në mendimet, fjalët dhe veprimet e tyre. Dëlirësi do të thotë mospasje e marrëdhënieve seksuale para martese. Ajo do të thotë edhe besnikëri të plotë ndaj bashkëshortit ose bashkëshortes gjatë martesës” (Gospel Topics [Tema të Ungjillit], “Chastity” [“Dëlirësi”]).

Ndërsa studion kapitullin te Jakobi [LiM] 2, kërko se si ndihet Shpëtimtari rreth dëlirësisë.

Jakobi e donte popullin e tij. Nëpërmjet fuqisë së Zotit, Jakobi i njihte mendimet e popullit dhe ligësinë e zemrave të tyre (shih te Jakobi [LiM] 1:15; 2:5–6). Ai e dinte se ata “po filloni[n] të jetoni[n] në mëkat, mëkat i cili … duket shumë i neveritshëm … ndaj Perëndisë” (Jakobi [LiM] 2:5). Pas paralajmërimit të nefitëve rreth mëkatit të kryelartësisë (shih te Jakobi [LiM] 2:12–21), Jakobi i paralajmëroi nefitët për një “krim më të rëndë [ose më serioz]” (Jakobi [LiM] 2:22) që populli i tij po e mendonte.

Lexo te Jakobi [LiM] 2:22–24, duke kërkuar se si e përshkroi Jakobi këtë mëkat më serioz. (Lavirësi është kur dikush kryen marrëdhënie seksuale me dikë që nuk e ka bashkëshort ose bashkëshorte.)

ChurchofJesusChrist.org

Jacob Teaches about Chastity | Jacob 2:23–35; 3:1–11

Jacob 2:23–35; 3:1–11 | The Book of Mormon prophet Jacob teaches the importance of chastity and fidelity to one’s spouse.

• Çfarë roli kanë mendimet tona në bindjen tonë ndaj ligjit të dëlirësisë (shih te Mateu 5:28)?

Zoti kënaqet në dëlirësi

Disa nga burrat nefitë po e shkelnin ligjin e dëlirësisë duke marrë më shumë se një grua, kur kjo praktikë qe dënuar nga Zoti përpara se Lehi të largohej nga Jerusalemi (Jakobi [LiM] 2:34). Reflekto për atë që po bën në jetën tënde për t’u rezistuar tundimeve që kanë të bëjnë me ligjin e dëlirësisë.

Lexo te Jakobi [LiM] 2:25–28, duke kërkuar atë që Jakobi u dha mësim nefitëve për t’i ndihmuar ata t’i rezistonin tundimit për të kryer mëkat seksual.

• Cili është këndvështrimi i Zotit për dëlirësinë?

Ndihmojini nxënësit të përcaktojnë të vërtetën se Zoti kënaqet në dëlirësi. Nxënësit mund të marrin dobi nga shenjimi i së vërtetës te vargu 28.

Jakobi po u fliste burrave, shumë prej të cilëve po i bindnin gratë që ta shkelnin ligjin e dëlirësisë. Si rrjedhim, ai foli për Zotin që kënaqet në dëlirësinë e grave. Zoti kënaqet në dëlirësinë e të gjithë fëmijëve të Tij – edhe të burrave dhe të grave.

Sigurojini një kopje të materialit Për Forcën e Rinisë (broshurë, 2022) secilit nxënës ose ndihmojini ata ta gjejnë atë në rrugë elektronike. Vërini të lexojnë pjesën “Trupi juaj është i shenjtë” në mënyrë të pavarur në heshtje, duke kërkuar pse të jetuarit e ligjit të dëlirësisë është diçka me të cilën të kënaqen.

Për të parë shembuj të mënyrës se si disa të rinj kënaqen në dëlirësi, nëse dëshiron, mund të shikosh materialin filmik “I Choose to Be Pure” [“Zgjedh të Jem i/e Dëlirë”] (04:19) në ChurchofJesusChrist.org.

I Choose to be Pure

Six interfaith youth speak candidly on why they have chosen to be sexually pure.

• Pse mendon se Zoti kënaqet në dëlirësi?

• Çfarë mund të jetë provë në jetën e dikujt që ai ose ajo kënaqet në dëlirësi?

• Cilat cilësi si të Krishtit na ndihmojnë të zhvillojmë të jetuarit e ligjit të dëlirësisë?

Lexo te Jakobi [LiM] 2:31–35, duke kërkuar se si zgjedhjet e pamoralshme të burrave nefitë ndikuan te familjet e tyre.

• Çfarë problemesh krijohen kur nuk ia dalim ta shohim dëlirësinë siç e sheh Zoti?

• Si do të ishte e ndryshme bota nëse gjithkush do ta shihte dëlirësinë siç e sheh Zoti?

• Si mendon se mund të ndikojë kënaqësia në dëlirësi te marrëdhënia jote me Zotin dhe të tjerët?

Një nga pyetjet në intervistën për rekomandim tempulli është “A i bindeni ligjit të dëlirësisë?”

Ftojini nxënësit të reflektojnë në heshtje për pyetjet vijuese:

• Çfarë mendimesh dhe ndjenjash ke kur mendon për t’i dhënë përgjigje kësaj pyetjeje të peshkopit tënd?

• Çfarë mund të bësh që Zoti të mund të kënaqet në dëlirësinë tënde?

Reflekto për atë që po bën për ta jetuar ligjin e dëlirësisë dhe mënyrën se si ai po ndikon pozitivisht në jetën tënde. Nëse e ke shkelur ligjin e dëlirësisë, bisedo me peshkopin tënd. Ai mund të të ndihmojë të pendohesh. Shpëtimtari dëshiron të të falë. Tek Ai mund të gjesh falje, paqe, shërim dhe forcë për ta jetuar ligjin e dëlirësisë.

Pjesa tjetër e mësimit ka për qëllim t’i ndihmojë nxënësit t’i kuptojnë mësimet e Jakobit për martesën me shumë bashkëshorte. Nëse nxënësit kanë pyetje rreth praktikës së martesës me shumë bashkëshorte në historinë e Kishës, ata mund të kërkojnë përgjigje në esenë mbi Temat e Ungjillit “Martesa me Shumë Bashkëshorte në Kishën e Jezu Krishtit të Shenjtorëve të Ditëve të Mëvonshme”.

Mësimet e Jakobit rreth martesës me shumë bashkëshorte

Pasi Jakobi i dha mësim popullit të tij që të mos kishin më tepër se një bashkëshorte njëherësh (shih te Jakobi [LiM] 2:27), ai i shpjegoi kushtet kur Zoti mund ta autorizojë martesën me shumë bashkëshorte (shih te Jakobi [LiM] 2:30).

• Çfarë dha mësim Jakobi rreth martesës me shumë bashkëshorte te vargu 30?

Martesa me shumë bashkëshorte autorizohet vetëm kur Zoti e urdhëron atë nëpërmjet profetit të Tij – Presidentit të Kishës – dhe nëpërmjet askujt tjetër (shih te Doktrina e Besëlidhje 132:45–48). Në kohë dhe vende të caktuara të historisë së botës, Zoti i ka urdhëruar njerëzit e Tij të ushtrojnë martesën me shumë bashkëshorte. Për shembull, martesa me shumë bashkëshorte u ushtrua nga Abrahami, Sara dhe Agari (shih te Zanafilla 16:1–3; Doktrina e Besëlidhje 132:34–35). Stërnipi i Abrahamit, Jakobi, e ushtroi gjithashtu martesën me shumë bashkëshorte (shih te Zanafilla 29–30; Doktrina e Besëlidhje 132:37). Ajo u ushtrua për një periudhë kohore gjatë ditëve të hershme të Kishës së rivendosur, duke filluar me Profetin Jozef Smith. Martesa me shumë bashkëshorte nuk ushtrohet më nga anëtarët e Kishës (shih te Deklarata Zyrtare 1).

Komente dhe Informacion për Rrethanat

Cili është roli i marrëdhënieve seksuale në planin e Atit Qiellor?

Plaku Dejvid A. Bednar, i Kuorumit të Dymbëdhjetë Apostujve, udhëzoi:

“Fuqia e krijimit është domethënëse nga ana shpirtërore. Keqpërdorimi i kësaj fuqie i shkatërron qëllimet e planit të Atit dhe të ekzistencës sonë në vdekshmëri. Ati ynë Qiellor dhe Biri i Tij i Dashur janë krijues dhe i kanë besuar secilit prej nesh një pjesë të fuqisë së Tyre krijuese. Porositë e posaçme për përdorimin e duhur të aftësisë për të krijuar jetë janë elemente jetike në planin e Atit. Mënyra si ndihemi rreth asaj fuqie hyjnore dhe mënyra si e përdorim atë, do të përcaktojnë në shkallë të gjerë lumturinë tonë në vdekshmëri dhe fatin tonë në përjetësi. …

Kisha e Jezu Krishtit e Shenjtorëve të Ditëve të Mëvonshme ka një standard të vetëm, të pandryshueshëm të moralshmërisë seksuale: marrëdhëniet intime janë me vend vetëm mes një burri dhe një gruaje në marrëdhënien martesore të paracaktuar në planin e Perëndisë. Marrëdhënie të tilla nuk janë thjesht një kuriozitet për t’u zbuluar, një dëshirë për t’u kënaqur, ose një lloj kalimi kohe apo argëtimi për t’u ndjekur me egoizëm. Ato nuk janë një trofe për t’u arritur apo thjesht një veprim për t’u kryer. Përkundrazi, në vdekshmëri ato janë një prej shprehjeve bazë të natyrës e potencialit tonë hyjnor dhe një mënyrë për të forcuar lidhjet emocionale dhe shpirtërore midis bashkëshortit dhe bashkëshortes. Ne jemi veprues, të bekuar me liri morale të zgjedhjes dhe karakterizohemi nga trashëgimia jonë hyjnore si fëmijë të Perëndisë – dhe jo nga sjelljet seksuale, qëndrimet ose ligjet bashkëkohore.” (Dejvid A. Bednar, “Ne Besojmë në Qenien të Dëlirë”, Liahona, maj 2013, f. 42)

A mund të falem për mëkatet seksuale?

Duke u folur atyre që e kanë shkelur ligjin e dëlirësisë, Plaku Xhefri R. Holland, i Kuorumit të Dymbëdhjetë Apostujve, dëshmoi:

“Juve ju ofrohet paqja dhe përtëritja e pendimit që vihet në dispozicion nëpërmjet flijimit shlyes të Zotit Jezu Krisht. Në çështje të tilla serioze, shtegu i pendimit nuk fillohet me lehtësi dhe as përshkohet pa dhembje. Por Shpëtimtari i botës do të ecë në atë udhëtim thelbësor me ju. Ai do t’ju forcojë kur të lëkundeni. Ai do të jetë drita juaj kur t’ju duket se ka shumë errësirë. Ai do t’ju marrë për dore dhe do të jetë shpresa juaj kur shpresa të duket se është gjithçka që ju ka mbetur. Dhembshuria dhe mëshira e Tij, me gjithë fuqinë e tyre pastruese dhe shëruese, u jepen lirisht të gjithë atyre që dëshirojnë vërtet falje të plotë dhe do t’i hedhin hapat që të çojnë tek ajo.” (Jeffrey R. Holland, “Personal Purity”, Liahona, nëntor 1998, f. 78)

Ku mund të gjej ndihmë për ta mposhtur problemin e pornografisë?

• Dallin H. Ouks, “Shpëtimi nga Kurthi i Pornografisë”, Liahona, tetor 2015, f. 50–55

• AddressingPornography.ChurchofJesusChrist.org

A ushtrohet ende martesa me shumë bashkëshorte në Kishë sot?

Në vitin 1890 Presidenti Uillford Udraf u frymëzua të nxirrte një manifest në të cilën ai deklaroi se shenjtorët e ditëve të mëvonshme do të përmbaheshin për të mos kryer martesa me shumë bashkëshorte (shih te Deklarata Zyrtare 1). Një numër i vogël martesash me shumë bashkëshorte u kryen me miratimin e disa udhëheqësve të Kishës deri në një manifest të dytë, me autorësinë e Presidentit Jozef F. Smith, iu dha fund ushtrimit të saj në mbarë botën në vitin 1904. Nga ajo kohë, cilido shenjtor i ditëve të mëvonshme që e përvetëson këtë praktikë, i nënshtrohet humbjes së anëtarësisë së tij apo të saj në Kishë (shih te Manuali i Përgjithshëm, 32.6.2.5).

Shiko materialin filmik “Do Not Practice Polygamy” [“Mos e Ushtroni Poligaminë”] (01:12), në dispozicion në ChurchofJesusChrist.org.

Do Not Practice Polygamy

(Jacob 2:27–30) President Gordon B. Hinckley renounces the practice of polygamy.

Mund të lexosh edhe esenë mbi Temat e Ungjillit “Martesa me Shumë Bashkëshorte në Kishën e Jezu Krishtit të Shenjtorëve të Ditëve të Mëvonshme”.

Veprimtari Plotësuese të të Mësuarit

Arratia nga Tundimi

Merreni parasysh të lexoni dhe diskutoni tregimin për Jozefin në Egjipt si një shembull i rezistencës ndaj tundimit seksual. Shih te Zanafilla 39:1–12.

Nxënësit gjithashtu mund të këndojnë ose diskutojnë për strofën e dytë të himnit “Çdo Or’ më Duhesh Ti” (Himne, nr. 51).

Zotërimi Doktrinor. Alma 39:9; Zanafilla 39:9; 1 Korintasve 6:19–20

Nxënësit mund të lexojnë dhe diskutojnë se si parimet e dhëna mësim në një ose më shumë nga fragmentet e zotërimit doktrinor mund t’i ndihmojnë ata t’i binden ligjit të dëlirësisë.