Mosia 21–24, Pjesa 2

Kthimi te Zoti për Çlirim nga Sprovat

Si reagon kur përjeton sprova dhe vështirësi? Përse mendon se disa njerëz afrohen më shumë me Zotin ndërkohë që të tjerët largohen prej Tij? Te Mosia 21–24, ne mësojmë se populli i Limhit dhe populli i Almës u kthyen te Zoti për forcë dhe çlirim nga robëria. Ky mësim ka për qëllim të të ndihmojë të mbështetesh tek Ati Qiellor dhe Jezu Krishti për të të ndihmuar përgjatë sprovave të tua.

Ndihmojini nxënësit që ta dallojnë ndikimin e Zotit në jetën e tyre. Ndërsa nxënësit mësojnë se si Shpëtimtari i bekoi njerëzit në shkrimet e shenjta, ndihmojini ata ta dallojnë edhe rolin që Ai luan në jetën e tyre. Ftojini nxënësit të reflektojnë rreth mënyrës se si Shpëtimtari i ndihmon ata duke u ofruar shërim dhe duke u dhënë forcë.

Përgatitja e nxënësve: Nxënësit mund të flasim me një pjesëtar të familjes rreth një sprove ose pikëllimi që pjesëtari i familjes ka përjetuar dhe mënyrave se si Zoti e forcoi për ta duruar atë.

Veprimtari të Mundshme të të Mësuarit

Ky është mësimi i dytë prej dy mësimeve që trajtojnë kapitujt te Mosia 21–24. Nëse nuk e keni bërë tashmë këtë, jepeni mësim Pjesën 1 përpara këtij mësimi. Nëse koha e orës mësimore është e kufizuar dhe mund të jepet vetëm një mësim për kapitujt te Mosia 21–24, merreni parasysh se si të dy mësimet mund të ndërthuren në mënyrë të efektshme.

Reagimi ndaj sprovave

Veprimtaria vijuese ka për qëllim t’i ndihmojë nxënësit të bëjnë një farë vlerësimi të vetes për një sprovë që po përjetojnë ose që e kanë përjetuar. Nëse dëshironi, mund të përfshini disa nxitje për të shkruar ose pyetje në tabelë për t’i udhërrëfyer nxënësit teksa i mbajnë shënim mendimet e tyre. Nuk është e nevojshme që nxënësit t’i tregojnë përgjigjet e tyre në këtë pikë të mësimit.

Në mësimin e mëparshëm, të ftuan të mendoje rreth një sprove që po përjeton ose që e ke përjetuar. Ti mund të kesh mësuar disa të vërteta gjatë studimit tënd të kapitujve te Mosia 21–24 që të ndihmuan të kuptoje arsyen përse Zoti të lejon të përjetosh sprova. Sot mendo sërish rreth sprovave të tua, por kësaj here shqyrto mënyrën si ke reaguar ndaj tyre. Nëse dëshiron, mund t’i mbash shënim pengesat ose sukseset që ke përjetuar dhe mënyrat se si e ke ndier ndikimin ose bekimet e Zotit.

Fuqia çliruese e Zotit

Merreni parasysh të ftoni një ose disa nxënës ta përmbledhin atë që mbajnë mend nga mësimi i mëparshëm rreth robërisë së popullit të Limhit dhe popullit të Almës. Nëse është e nevojshme, mund të përdoret përmbledhja vijuese.

Mund të të kujtohet studimi për popullin e Limhit (në tokën e Nefit) dhe për popullin e Almës (në tokën e Helamit). Të dy përjetuan sprova të vështira ndërkohë që ishin nën robërinë e lamanitëve. Kjo figurë ilustron udhëtimet e tyre te Mosia 21–24.

Sot do të mësosh se si Zoti i nxori të dy grupet e popujve nga robëria dhe i futi në tokën e Zarahemlës. Teksa studion, mbaji sprovat e tua në mendje dhe kërko të vërteta që të ndihmojnë t’i dallosh mënyrat se si Zoti e ushtron fuqinë e Tij çliruese në jetën tënde.

Veprimtaria vijuese ka për qëllim t’i ndihmojë nxënësit të mësojnë rreth çlirimit të popullit të Limhit dhe popullit të Almës. Mund të jetë e dobishme ta ndani klasën në grupe të vogla dhe t’u caktoni këtyre grupeve që të studiojnë ose popullin e Limhit, ose popullin e Almës. Nxënësit mund t’i përmbledhin më pas tregimet e tyre dhe të tregojnë vargje ose fraza kuptimplota dhe parimet që u bënë më shumë përshtypje.

Krijoje grafikun vijues në ditarin tënd të studimit. Sigurohu që të lësh vend të mjaftueshëm për të shënuar më shumë se një përgjigje në secilën kuti.

Mosia 21–24: Forcë dhe Çlirim

Manual i Mësuesit për Librin e Mormonit (2024) – “Mosia 21–24, Pjesa 2: Kthimi te Zoti për Çlirim nga Sprovat”

	Populli i Limhit Mosia 21:13–16, 36; 22:1–13; 29:18–20	Populli i Almës Mosia 23:25–29; 24:8–25
Çfarë veprimesh ndërmori populli për të marrë ndihmën e Zotit?
Si u përfshi Zoti në çlirimin e tyre?
Cilat janë disa fraza të parapëlqyera për t’u mbajtur mend nga këto vargje?

© 2023 by Intellectual Reserve, Inc. All rights reserved.

Pasi nxënësit të kenë pasur kohë të mjaftueshme për të studiuar, ftojini ata t’i tregojnë përgjigjet e tyre për pyetjet e renditura në tabelë. Sigurohuni që të lejoni nxënës të shumtë t’i japin idetë e tyre.

• Cilat ishin disa nga veprimet që njerëzit ndërmorën për të marrë ndihmën e Zotit?

• Çfarë mësove rreth Zotit dhe fuqisë së Tij teksa i studiove këto tregime?

• Cila ishte një frazë e parapëlqyer që përcaktove nga njëri prej vargjeve që studiove?

Dallimi dhe gëzimi prej fuqisë së Zotit

Midis shumë të vërtetave që mund të mësojmë nga këto vargje, ti mund të kesh vënë re nga studimet e tua që teksa kthehemi tek Ai, Ati Qiellor do të na mbështetë gjatë sprovave tona dhe do të na çlirojë në kohën e Tij (shih te Mosia 21:14–16). Ne mësojmë gjithashtu se kur i durojmë sprovat tona me gëzim dhe durim, Zoti mund të na forcojë për t’i mbajtur barrët tona me lehtësi (shih te Mosia 24:15).

• Si mund të ndikojë njohuria për këto gjëra rreth Zotit në mënyrën si reagon ndaj sprovave të tua?

• Si të ka përkrahur dhe forcuar Zoti ty ose dikë tjetër që njeh për të duruar një sprovë ose mbajtur një barrë? Si ndikoi kjo përvojë te ndjenjat e tua për Të?

Merreni parasysh të jepni një shembull vetjak si pjesë e diskutimit të pyetjes së mëparshme.

ChurchofJesusChrist.org

Hapat e tu të radhës

Pasi t’u jepni udhëzimet vijuese, merreni parasysh të paraqitni në tabelë pyetjet që nxënësit duhet t’u përgjigjen në mënyrë që t’u referohen atyre teksa shkruajnë.

Reflekto mbi atë që ke mësuar sot që mund të të ndihmojë me sprovat me të cilat përballesh.

Shto një kolonë të re në tabelën që krijove më herët në mësim dhe emërtoje rreshtin në krye të kësaj kolone “Unë”. Më pas, plotësoje kolonën tënde të re duke u përgjigjur për pyetjet vijuese. (Nëse nuk ke hapësirë për të krijuar një kolonë të re, përgjigju për pyetjet në një hapësirë të veçantë në ditarin tënd të studimit.)

• Çfarë veprimesh mund të ndërmarrësh për të marrë më shumë nga ndihma e Zotit gjatë sprovave të tua?

• Çfarë ke mësuar rreth Zotit sot që mund të të ndihmojë të kuptosh llojin e ndihmës ose forcës që Ai mund të të sigurojë?

• Cilat fjalë ose fraza nga vargjet që studiove mendon se mund të kenë lidhje me rrethanat e tua? Përse?

Merreni parasysh t’i ftoni disa vullnetarë të japin disa nga përgjigjet e tyre për pyetjet e mëparshme. Dëshmoni për të vërtetat që keni diskutuar sot dhe për fuqinë e Zotit për të na çliruar nga vuajtjet tona.

Komente dhe Informacion për Rrethanat

Përse nuk na siguron gjithmonë Perëndia çlirim të menjëhershëm nga sprovat tona?

Plaku Ivan A. Shmuc, i Të Shtatëdhjetëve, vërejti:

“Perëndia na fton të përgjigjemi me besim ndaj vuajtjeve tona të veçanta, me qëllim që të mund të marrim bekimet e të fitojmë njohurinë që nuk fitohet ndryshe. …

Shumë nga ne i janë lutur Perëndisë që të heqë shkakun e vuajtjes sonë dhe kur lehtësimi që kërkojmë nuk vjen, ne jemi tunduar të mendojmë se Ai nuk po dëgjon. Unë dëshmoj se, edhe në ato çaste, Ai i dëgjon lutjet tona, ka një arsye për lejimin që vuajtjet tona të vazhdojnë [shih te Doktrina e Besëlidhje 121:7–8; 122], dhe do të na ndihmojë t’i durojmë ato [shih te Mosia 24:12–15].” (Ivan A. Shmuc, “Perëndia do të Fshijë të Gjithë Lotët”, Liahona, nëntor 2016, f. 116)

Nëse dëshiron, mund të shohësh materialin filmik ose të lexosh bisedën “Kujtoji Shenjtorët e Tu të Përvuajtur, O Perëndia Ynë” (10:18) nga Plaku Entoni D. Perkins, i Të Shtatëdhjetëve në ChurchofJesusChrist.org. Kur Plaku Perkins u diagnostikua me kancer dhe mësoi se jeta e tij në vdekshmëri kishte të ngjarë të ndërpritej para kohe, ai mori mësime të rëndësishme rreth sprovave dhe vuajtjes.

Në ç’mënyra mund të vijë ndihma ose çlirimi i Zotit?

Presidenti Dallin H. Ouks, i Presidencës së Parë, dha mësim:

“Bekimet shëruese vijnë në shumë mënyra, secila e përshtatur sipas nevojave tona individuale, ashtu siç di Ai i cili na do të mirën. Ndonjëherë një ‘shërim’ kuron sëmundjen tonë ose ngre barrën tonë. Por ndonjëherë ne ‘shërohemi’ duke na u dhënë forcë [ose] kuptim ose durim për të mbajtur barrët që na janë dhënë.” (Dallin H. Ouks, “Ai e Shëron të Rënduarin”, Liahona, nëntor 2006, f. 7–8)

Plaku L. Tom Peri (1922–2015), i Kuorumit të Dymbëdhjetë Apostujve, dha mësimet që mund të mësojmë nga çlirimi i popullit të Limhit dhe të Almës. Lexo bisedën “Fuqia e Çlirimit” për t’i parë këto mësime.

Si mund të më ndihmojë të kujtuarit e përvojave të kaluara që t’i duroj më mirë sprovat e mia?

ChurchofJesusChrist.org

Veprimtari Plotësuese të të Mësuarit

Mësim me sende

Ky demonstrim mund të përdoret në fillim ose në një pikë tjetër të mësimit.

Mbusheni treçerekun e një kavanozi qelqi me oriz ose grurë, vendosni një top ping‑pongu sipër dhe më pas vërini kapakun kavanozit. Shpjegojuni nxënësve se topi i ping-pongut përfaqëson ata dhe orizi ose gruri përfaqëson sprovat dhe vuajtjet me të cilat ata përballen. Ftojini nxënësit të përshkruajnë disa sprova ose vështirësi me të cilat adoleshentët përballen zakonisht. Kthejeni kavanozin përmbys në mënyrë që orizi ta mbulojë topin e ping-pongut. Më pas, tundeni kavanozin sa lart poshtë derisa topi i ping-pongut të ngrihet lart. Ftojini nxënësit të marrin parasysh se si kjo mund të krahasohet me ne kur bëjmë pjesën tonë dhe kthehemi tek Ati Qiellor për ndihmë për t’u ngritur mbi sprovat tona.

Të mësuarit rreth Zotit te Mosia 21–24

Nëse dëshironi, mund të vini në dukje se njëri nga titujt e Jezu Krishtit është Çlirimtari (shih te 2 Samuelit 22:2; Psalmeve 40:17; Romakëve 11:26). Tregimet te Mosia 21–24 përshkruajnë veprimet që Zoti ndërmori për të çliruar popullin e Limhit dhe popullin e Almës nga robëria. Merreni parasysh t’i shkruani në tabelë disa ose të gjitha referencat vijuese për shkrimet e shenjta dhe t’i ftoni nxënësit të shenjojnë atë që mësojnë rreth Zotit dhe karakterit të Tij nga këto vargje (shihni shembujt vijues për sugjerime). Nxënësit mund të diskutojnë se si këto të vërteta gjejnë zbatim për mënyrat se si Zoti mund të jetë duke i çliruar ata nga sprovat e tyre.

• Zoti qe i ngadalshëm t’i dëgjonte thirrjet e popullit të Limhit për shkak të paudhësisë, por Ai i dëgjoi ato.

• Zoti ua zbuti zemrat lamanitëve kundrejt popullit të Limhit.

• Zoti bëri që të përparonin “pjesërisht”.

Mosia 23:2

• Zoti e forcoi popullin e Almës për t’u shpëtuar ushtrive të mbretit Noe.

Mosia 23:21–22

• Zoti e qorton (pastron) popullin e Tij; Ai e vë në provë durimin dhe besimin e tyre.

• Zoti do t’i ngrejë lart ata që besojnë tek Ai në ditën e fundit.

Mosia 23:29

• Zoti ua zbuti zemrat lamanitëve kundrejt popullit të Almës.

Mosia 24:13–19

• Zëri i Zotit u erdhi në pikëllimet e tyre.

• Zoti i forcoi për t’i duruar barrët e tyre me lehtësi.

• Zoti premtoi se do t’i çlironte të nesërmen.

• Zoti bëri që mbi lamanitët të vinte një gjumë i rëndë.

Mosia 24:23

• Zoti i ndaloi lamanitët që të mos e ndiqnin popullin e Almës.