Ni Mormon nga agsursurat kadagiti balitok a pinanid

Enero 1–7: Mainayon a Pammaneknek ken ni Jesucristo

Dagiti Pakauna a Panid ti Libro ni Mormon

Sakbay a madanonyo ti 1 Nephi kapitulo 1, madlawyo a saan a gagangay a libro ti Libro ni Mormon. Iladawan dagiti pakauna a panid ti pakasaritaan ti napalabas daytoy nga awan kapadana—pakairamanan dagiti panagbisita dagiti anghel, maysa a kadaanan a kasuratan dagiti naikali iti adu a siglo iti igid ti turod, ken maysa nga agtutubo a lalaki ti agipatpatarus iti kasuratan babaen iti bileg ti Dios. Ti Libro ni Mormon ket saan laeng a pakasaritaan dagiti nagkauna a sibilisasion ti America. Kalikagumanna a mangkumbinsi iti amin “a ni Jesus ti Cristo” (panid ti paulo ti Libro ni Mormon), ket ti Dios a Mismo ti nangiturong no kasano a naisurat, nataginayon, ken naaramid daytoy a sidadaan a magun-odtayo. Iti daytoy a tawen, bayat ti panangbasayo iti Libro ni Mormon, panangikararaganyo iti daytoy, ken panangyaplikaryo kadagiti pannursurona, awisenyonto ti bileg ti Mangisalakan iti biagyo. Ket mabalin a mariknayo a matignaykayo a mangibaga, kas iti inaramid ti Tallo a Saksi iti pammaneknekda, “Nakaskasdaaw dayta kadagiti matak.”

Dagiti Kapanunotan para iti Panagsursuro iti Pagtaengan ken iti Simbaan

Panid ti paulo ti Libro ni Mormon

Mabalin a patibkeren ti panagadalko iti Libro ni Mormon ti pammatik ken ni Jesucristo.

Mangipaay ti panid ti paulo ti Libro ni Mormon iti ad-adu pay ngem iti paulo laeng. Malaksid kadagiti dadduma pay a bambanag, ilistana dagiti sumagmamano a panggep iti daytoy sagrado a kasuratan. Sapulenyo dagitoy a panggep iti panid ti paulo. Makatulong kadakayo dagiti saludsod a kas kadagitoy bayat ti panangutobyo: Apay nga adda kadatayo ti Libro ni Mormon? Kasano a naiduma ti Libro ni Mormon kadagiti dadduma pay a libro?

Mabalin nga ita ti nasayaat a panawen tapno agaramid iti bukod wenno sangapamiliaan a plano iti panagbasa iti Libro ni Mormon iti daytoy a tawen. Kaano ken sadino ti pagbasaanyonto? Kasano a maawisyonto ti Espiritu iti panagadalyo? Adda kadi ania man a banag a nalawag a sapulenyonto bayat ti panagadalyo? Kas pagarigan, mabalinyo ti agsapul kadagiti binatog a mangipatungpal kadagiti panggep a nasarakanyo iti panid ti paulo. Mabalinyo ti mangidulin iti listaan dagiti bersikulo a mangbukel iti pammatiyo ken ni Jesucristo.

Kitaen met iti 2 Nephi 25:26; Mosiah 3:5–8; Alma 5:48; 7:10–13; Helaman 5:12; 3 Nephi 9:13–18; 11:6–14; Moroni 10:32–33.

Maysa a naipadto a kari. Kinuna ni Presidente Russell M. Nelson, “Ikarik a bayat ti panangutobyo iti no ania ti maadalyo [iti Libro ni Mormon], maluktanto dagiti tawa ti langit, ket maawatyonto dagiti sungbat kadagiti saludsodyo ken pannakaiwanwan ti bukodyo a biag” (“The Book of Mormon: What Would Your Life Be Like without It?” Liahona, Nob. 2017, 62–63).

icon iti seminary

Pakauna iti Libro ni Mormon; “Ti Pammaneknek dagiti Tallo a Saksi”; “Ti Pammaneknek dagiti Walo a Saksi”

Makapagbalinak a maysa a saksi ti Libro ni Mormon.

Maipaneknek kadakayo ti Espiritu Santo a pudno ti Libro ni Mormon, uray no saanyo pay a nakita dagiti balitok a pinanid kas iti pannakakita dagiti Tallo a Saksi ken Walo a Saksi. Bayat ti panangbasayo kadagiti balikasda, panunotenyo no kasano a mangpapigsa dagiti pammaneknekda iti pammaneknekyo.

Ania ti mangparegta kadakayo maipapan iti wagas a panangibinglay dagitoy a saksi iti pammaneknekda iti Libro ni Mormon? Utobenyo no kasano a maibinglayyo ti pammaneknekyo iti Libro ni Mormon—ken ti saksina ken ni Jesucristo. Kas pagarigan, ipapanyo a kasarsaritayo ti maysa a gayyem a saanna pay pulos nangngegan idi ti maipapan iti Libro ni Mormon. Ania koma ti ibagayo kenkuana maipapan iti daytoy? Kasano a padasenyo ti mangparegta iti gayyemyo a mangbasa iti daytoy? Ibilangyo ti panagrebyu iti Pakauna iti Libro ni Mormon. Mabalin a makasarakkayo kadagiti detalye sadiay a makatulong nga ibinglay iti gayyemyo. Mabalin met a mangted kadakayo kadagiti kapanunotan dagiti sumaganad a video:

• “Pakauna iti Libro ni Mormon”

• “Ania ti Libro ni Mormon? Maysa a 60-Segundo a Pakagupgopan”

• “Maysa nga Estoria ti Libro ni Mormon”

Ibilangyo ti panangilista kadagiti banag nga ibinglayyonto iti maysa a gayyem maipapan iti Libro ni Mormon. Padasen ti panangibinglay iti Libro ni Mormon nga us-usarenyo ti Libro ni Mormon app.

Kitaen met iti Ronald A. Rasband, “This Day,” Liahona, Nob. 2022, 25–28; Gospel Topics, “Book of Mormon,” Gospel Library; “An Angel from on High,” Hymns, no. 13.

Ni Joseph Smith ken dagiti Tallo a Saksi nga agkarkararag a sangkamaysa

Nagpaneknek dagiti Tallo a Saksi maipapan iti Libro ni Mormon.

“Ti Pammaneknek ni Propeta Joseph Smith”

Maysa a milagro ti idadateng ti Libro ni Mormon.

No adda maysa nga agdamag kadakayo no sadino ti naggapuan ti Libro ni Mormon, ania ti makunayo? Kasano nga iladawanyo ti pannakiraman ti Dios iti panangtedna kadatayo iti Libro ni Mormon? Bayat ti panangbasayo iti pammaneknek ni Joseph Smith, ikasoyo no kasano nga inladawanna daytoy. Maibatay iti nabasayo, kasano iti panagkunayo a marikna ti Dios maipapan iti kinapateg ti Libro ni Mormon?

Kitaen met iti Ulisses Soares, “The Coming Forth of the Book of Mormon,” Liahona, May 2020, 32–35; Saints, vol. 1, The Standard of Truth, 21–30; Gospel Topics Essays, “Book of Mormon Translation,” Gospel Library.

Para iti ad-adu pay a kapanunotan, kitaen dagiti isyu ti Liahona ken Para iti Pigsa dagiti Agtutubo a magasin iti daytoy a bulan.

Dagiti Kapanunotan para iti Panangisuro kadagiti Ubbing

Panid ti paulo ti Libro ni Mormon

Tulongannak ti panagbasa iti Libro ni Mormon a maaddaan iti pammati ken ni Jesucristo.

• Pakita ken paiggamanyo kadagiti annakyo ti maysa a kopia ti Libro ni Mormon. Tulonganyo ida a mangitudo iti subtitulo, “Mainayon a Pammaneknek ken ni Jesucristo.. Mabalinyo pay a tulongan ida a mangbirok, iti panid ti paulo, ti ragup ti balikas a “Ni Jesus isu ti Cristo, ti Agnanayon a Dios, a mangiparangarang iti bagina kadagiti amin a nasion.” Tulonganyo ida a makaawat a kaipapanan daytoy nga isuronatayo ti Libro ni Mormon maipapan ken ni Jesucristo. Isaritayo biit kadakuada no kasano a pinapigsa ti Libro ni Mormon ti pammatiyo ken ni Jesucristo. Mabalinyo pay a saludsoden kadakuada maipapan kadagiti paggugustoda nga estoria iti Libro ni Mormon. Ti panangkanta iti “Book of Mormon Stories” (Children’s Songbook, 118–19) ti makatulong a mangipalagip kadakuada iti sumagmamano kadagitoy nga estoria.

Pakauna iti Libro ni Mormon

Ti Libro ni Mormon ti pagbatayan a bato [keystone] ti relihiontayo.

• Ti panid ti aktibidad ita a lawas ken ti ladawan iti baba ket makatulong kadagiti annakyo a makaawat kadagitoy a balikas ni Joseph Smith iti pakauna iti Libro ni Mormon: “Ti Libro ni Mormon [isu] ti pagbatayan a bato [keystone] ti relihiontayo.” Mabalin met a makaparagsak ti agaramid wenno agdrowing iti arko nga addaan iti pagbatayan a bato iti ngato. Ania ti mabalin a mapasamak no maikkat ti pagbatayan a bato? Ania ti mapasamak no awan kadatayo ti Libro ni Mormon? Mabalinyo nga aggigiddan a basaen ti maudi a parapo ti pakauna tapno ammuen no ania pay ti masursurotayo no awatentayo ti kinapudno ti Libro ni Mormon. Kasano a mapagbalintayo ti Libro ni Mormon a pagbatayan a bato ti pammatitayo ken ni Jesucristo?

maysa a bato nga arko nga addaan iti pagbatayan a bato a mangtengtengngel a nasayaat daytoy

Ti Libro ni Mormon ti pagbatayan a bato ti relihiontayo.

“Ti Pammaneknek dagiti Tallo a Saksi”; “Ti Pammaneknek dagiti Walo a Saksi”

Makapagbalinak a maysa a saksi ti Libro ni Mormon.

• Tapno matulonganyo dagiti annakyo a makaawat no ania ti kaipapanan ti panagbalin a saksi, mabalinyo nga iladawan kadakuada ti banag a nakitayo a dida pay nakita. Kalpasanna bay-an nga aramidenda met ti kasta. Mabalin daytoy ti mangiturong iti saritaan maipapan iti 11 a tattao a nakakita kadagiti balitok a pinanid a nakaipatarusan ti Libro ni Mormon. Bayat ti aggigiddan a panagbasayo kadagiti pammaneknek, mabalinyo ti agsarita maipapan no apay a kayat dagitoy a saksi a maammuan dagiti dadduma a tao ti maipapan kadagiti pammaneknekda. Asino ti pangisaritaantayo maipapan Iti Libro ni Mormon?

“Ti Pammaneknek ni Propeta Joseph Smith”

Naited kadatayo ti Libro ni Mormon babaen iti bileg ti Dios.

• Tapno matulongan dagiti annakyo a makasursuro no kasano nga inted ti Dios kadatayo ti Libro ni Mormon, mabalinyo a basaen dagiti paset ti “Ti Pammaneknek ni Propeta Joseph Smith” kadakuada. Mabalinyo pay nga usaren ti “Kapitulo 1: No Kasano a Naalatayo ti Libro ni Mormon” (iti Dagiti Estoria iti Libro ni Mormon, 2–4). Mabalin a magustuan dagiti annakyo ti mangyakem iti estoria iti sumagmamano a gundaway.

Para iti ad-adu pay a kapanunotan, kitaen iti isyu ti Friend a magasin iti daytoy a bulan.

Ni Joseph nga umaw-awat kadagiti balitok a pinanid manipud ken ni Moroni

Yawat ni Moroni dagiti Balitok a Pinanid, ni Gary L. Kapp

panid ti aktibidad: Ti Libro ni Mormon ti pagbatayan a bato ti relihiontayo