Marso 24–30: “Ang Tanan nga mga Butang Kinahanglan Gayod nga Himoon sa Kahusay”

Doktrina ug mga Pakigsaad 27–28

Ang pagpadayag bag-o pa gihapon nga konsepto alang sa mga Santos samtang padayon nga gipahibalo ang Pagpahiuli. Ang nahaunang mga miyembro sa Simbahan nasayod nga si Propeta Joseph Smith makadawat og pagpadayag alang sa Simbahan. Apan makadawat ba usab ang uban? Ang mga pangutana sama niini nahimong kritikal sa dihang si Hiram Page, usa sa Walo ka mga Saksi sa bulawan nga mga palid, mituo nga siya nakadawat og mga pagpadayag alang sa Simbahan. Daghang mga matinud-anon nga mga Santos ang mituo nga kini nga mga pagpadayag naggikan sa Dios. Ang Ginoo mitubag pinaagi sa pagtudlo nga diha sa Iyang Simbahan “ang tanan nga mga butang kinahanglan gayod nga himoon sa kahusay” (Doktrina ug mga Pakigsaad 28:13). Kini nagpasabot nga usa lamang ka tawo ang “gitudlo sa pagdawat sa mga sugo ug mga pagpadayag” alang sa tibuok Simbahan (Doktrina ug mga Pakigsaad 28:2). Ang uban, hinuon, makadawat og personal nga pagpadayag alang sa ilang bahin sa buhat sa Ginoo. Sa pagkatinuod, ang mga pulong sa Ginoo ngadto ni Oliver Cowdery usa ka pahinumdom ngari kanatong tanan: “Kini ihatag nganha kanimo … unsa ang imong buhaton” (Doktrina ug mga Pakigsaad 28:15).

Mga Ideya alang sa Pagkat-on diha sa Panimalay ug sa Simbahan

Doktrina ug mga Pakigsaad 27:1–4

Ako moambit sa sakramento agi og paghinumdom ni Jesukristo.

Si Sally Knight ug si Emma Smith nabunyagan niadtong Hunyo 1830, apan ang ilang kompirmasyon gibalda sa manggugubot nga panon. Paglabay sa duha ka bulan, si Sally ug ang iyang bana, si Newel, mibisita ni Emma ug ni Joseph, ug nadesisyonan nga karon kompirmahan na sila ug ang grupo magdungan nga moambit sa sakramento. Samtang padulong nga magkuha og bino alang sa sakramento, si Joseph gipugngan sa usa ka anghel.

Basaha ang Doktrina ug mga Pakigsaad 27:1–4 aron mahibaloan kon unsay gitudlo sa anghel kaniya mahitungod sa sakramento. Unsa ang gisugyot niini nga mga bersikulo mahitungod kon unsa ang gusto sa Ginoo nga imong buhaton sa pagpahigayon sa sakramento? Sa imong hunahuna unsa ang ipasabot nga moaambit niini “uban sa bug-os nga tinguha ngadto sa [Iyang] himaya”? Pamalandongi kini—ug pangitaa ang uban nga mga ideya mahitungod sa sakramento—samtang magbasa ka sa Lucas 22:19–20 ug 3 Nephi 18:1–11. (Tan-awa usab sa mga bidyo nga “The Last Supper,” “Jesus Christ Blesses Bread in Remembrance of Him,” ug “Jesus Christ Blesses Wine in Remembrance of Him,” Gospel Library).

The Last Supper

Meeting in an upper room with His disciples, Jesus washes their feet, institutes the sacrament, and commands them to love one another. John 13:1–35

Si Jesukristo Mipanalangin sa Pan agig Paghinumdom Kaniya | 3 Nephi 18:1-7

Si Jesus mipikaspikas sa pan ug mipanalangin niini ug misugo sa Iyang mga disipulo ug sa katawhan sa pagkaon niini agi’g paghinumdom sa Iyang lawas. Siya mitudlo nila sa kanunay nga paghimo niini.

Si Jesukristo Mipanalangin sa Bino agig Paghinumdom Kaniya | 3 Nephi 18:8-11

Si Jesus mipanalangin sa bino ug misugo sa Iyang mga disipulo ug sa katawhan sa pagkaon niini agi’g paghinumdom sa Iyang dugo. Siya misugo kanila sa kanunay nga paghinumdom Kaniya aron sila makabaton sa Iyang Espiritu.

Sa pagkat-on mahitungod sa paghimo sa sakramento nga usa ka masimbahon nga kasinatian, ikonsiderar ang pagtuon sa mensahe ni Elder D. Todd Christofferson “Ang Buhing Tinapay nga Nanaog Gikan sa Langit” (Liahona, Nob. 2017, 36–39). Unsa ang gitudlo ni Elder Christofferson nga makatabang nimo nga mobati og mas dakong koneksiyon ngadto sa Manluluwas pinaagi sa sakramento? Pamalandongi kon unsay imong mahimo aron mas maandam sa pag-ambit sa mga simbolo sa Pag-ula sa Manluluwas ug sa pagtratar niini inubanan sa mas labaw nga balaang pagtahod o katuyoan.

Ikonsiderar ang pagkanta, pagpaminaw, o pagbasa sa usa ka himno sa sakramento, sama sa “Karon sa Atong Pag-ambit sa Sakramento” (Mga Himno, nu. 98), ug sa pagrekord sa imong mga pagbati mahitungod sa pag-apil niining sagrado nga ordinansa.

Paggamit og musika. Ang sagrado nga musika makadapit sa Espiriu sa pagpamatuod sa mga kamatuoran sa ebanghelyo. Kini makatabang nimo nga masabtan ug mabati kini nga mga kamatuoran sa halandomon nga paagi. Ang musika makatabang usab sa pagkat-on nga mas makapaapil.

Tan-awa usab sa Doktrina ug mga Pakigsaad 20:77, 79; 59:9–13; Topics and Questions [Mga Hilisgotan ug mga Pangutana], “Sacrament [Sakramento],” Gospel Library; “Pag-angkon ug Pagbaton og Kapasayloan sa mga Sala pinaagi sa mga Ordinansa,” diha sa David A. Bednar, “Kanunay nga Magbaton og Kapasayloan sa Inyong mga Sala,” Liahona, Mayo 2016, 60–62.

Kanunay nga Magbaton og Kapasayloan sa Inyong mga Sala

Elder Bednar teaches about how priesthood ordinances help us retain a remission of our sins.

Doktrina ug mga Pakigsaad 27:5–14

Ang Ginoo naghatag sa Iyang mga sulugoon og mga yawe sa pagkapari sa pagdumala sa Iyang buhat.

Unsay imong nasayran mahitungod sa mga propeta nga gihisgotan niini nga mga bersikulo? Mahimo ka nga mangita og impormasyon mahitungod niini diha sa Giya ngadto sa mga Kasulatan. Unsa nga mga panalangin ang maablihan alang nimo pinaagi sa mga yawe nga gihuptan niini nga mga propeta?

Doktrina ug mga Pakigsaad 27:15–18

Ang taming sa Dios motabang nako nga makasugakod batok sa daotan.

Si Presidente M. Russell Ballard miingon: “Walay bisan usa nga labing talagsaon ug kinadak-ang butang nga atong mahimo aron mapalig-on ang atong kaugalingon sa espirituhanong paagi. Ang tinuod nga espirituhanong gahom anaa sa daghang ginagmay nga mga buhat nga gihiusa nga makamugna og espirituhanong kalig-on nga mopanalipod ug mosanta sa tanang daotan” (“Be Strong in the Lord,” Ensign, Hulyo 2004, 8).

Samtang magkat-on ka mahitungod sa taming sa Dios diha sa Doktrina ug mga Pakigsaad 27:15–18, makahimo ka og tsart nga sama niini. Unsa ang imong gibuhat aron makabutang og matag piraso sa taming sa Dios?

Piraso sa taming	Parte sa lawas nga gipanalipdan	Unsa ang girepresentar niana nga parte sa lawas
Piraso sa taming Taming sa katarong	Parte sa lawas nga gipanalipdan Kasingkasing	Unsa ang girepresentar niana nga parte sa lawas Akong mga tinguha ug mga pagbati
Piraso sa taming Kalo nga puthaw sa kaluwasan	Parte sa lawas nga gipanalipdan Ulo o hunahuna	Unsa ang girepresentar niana nga parte sa lawas
Piraso sa taming	Parte sa lawas nga gipanalipdan	Unsa ang girepresentar niana nga parte sa lawas
Piraso sa taming	Parte sa lawas nga gipanalipdan	Unsa ang girepresentar niana nga parte sa lawas

Tan-awa usab sa Mga Taga-Efeso 6:11–18; Jorge F. Zeballos, “Pagpalambo og Kinabuhi nga Dili Matarog sa Kaaway,” Liahona, Nob. 2022, 50–52.

Doktrina ug mga Pakigsaad 28

Si Jesukristo midumala sa Iyang Simbahan pinaagi sa Iyang buhi nga propeta.

Hunahunaa unsa kaha kon si bisan kinsa nga tawo ang makadawat sa mga sugo ug pagpadayag alang sa tibuok Simbahan. Sa dihang si Hiram Page miangkon nga nakadawat og ingon niana nga pagpadayag, daghang miyembro sa Simbahan ang naglibog. Sa Doktrina ug mga Pakigsaad 28, ang Ginoo mipadayag og usa ka mando alang sa pagpadayag sa Iyang Simbahan. Unsay imong nakat-onan gikan niini nga seksiyon mahitungod sa piho nga tahas sa Presidente sa Simbahan? Unsay imong nakat-onan mahitungod kon sa unsang paagi ang Dios makagiya nimo?

Tan-awa usab sa Dale G. Renlund, “Usa ka Sistema sa mga Lagda alang sa Personal nga Pagpadayag,” Liahona, Nob. 2022, 16–19.

Doktrina ug mga Pakigsaad 28:8–9

Ngano nga ang misyon ngadto sa mga Lamanite mahinungdanon man?

Usa ka katuyoan sa Basahon ni Mormon mao “nga ang mga Lamanite unta moabot ngadto sa kasayoran sa ilang mga amahan, ug nga sila unta mahibalo sa mga saad sa Ginoo” (Doktrina ug mga Pakigsaad 3:20). Kini nahiuyon sa mga saad nga gihimo sa Ginoo ngadto sa daghang propeta sa Basahon ni Mormon (pananglitan, tan-awa sa, 1 Nephi 13:34–41; Enos 1:11–18; Helaman 15:12–13). Ang nahaunang mga miyembro sa Simbahan gikonsiderar ang mga American Indian nga mga kaliwatan sa mga katawhan sa Basahon ni Mormon. (Ang opisyal nga posisyon sa Simbahan karon mao nga ang mga Lamanite “nahilakip sa mga katigulangan sa mga American Indian” [pasiuna ngadto sa Basahon ni Mormon].)

Alang sa dugang nga pagbasa mahitungod sa misyon ni Oliver ngadto sa duol nga mga tribo sa American Indian, tan-awa sa, “A Mission to the Lamanites,” Konteksto sa mga Pagpadayag [Revelations in Context], 45–49. Unsa ang gitudlo niini nga misyon nganha nimo mahitungod sa Ginoo ug sa Iyang buhat?

Alang sa dugang nga mga ideya, tan-awa ang mga isyu karong bulana sa Liahona ug sa Alang sa Kalig-on sa mga Kabatan-onan nga mga magasin.

Mga Tawo, Mga Dapit, Mga Panghitabo

• Mga Kapanguhaan sa Kasaysayan sa Doktrina ug mga Pakigsaad: Hiram Page

• Mga Bato sa Manalagna

• Mga Miting sa Sakrament

Iklik dinhi aron makakita pa og dugang

Mga Ideya sa Pagtudlo sa mga Bata

Doktrina ug mga Pakigsaad 27:1–2

Ang sakramento nagtabang kanako sa paghinumdom ni Jesukristo.

• Ang mga bata tingali matingala kon nganong naggamit kita og tubig nga si Jesus bino man ang gigamit (tan-awa sa Lucas 22:19–20; 3 Nephi 18:1–11). Mahimo ninyong basahon og dungan ang Doktrina ug mga Pakigsaad 27:1–2 ug hisgotan kon unsay ipasabot sa pag-ambit sa sakramento “uban sa bug-os nga tinguha ngadto sa himaya sa [Dios]” (bersikulo 2). Unsa ang atong mahimo aron makatutok ngadto sa Manluluwas samtang nag-ambit kita sa sakramento?

• Tingali ang pagbaton og mga hulagway, mga bersikulo sa kasulatan, o mga pulong sa awit mahitungod sa Manluluwas makatabang sa imong mga bata sa paghinumdom Kaniya sa higayon nga moambit sa sakramento. Tingali malingaw sila sa paghimo og usa ka booklet nga aduna niining pipila ka hulagway, mga bersikulo, ug mga awit. Mahimo sila nga magdrowing og ilang kaugalingong mga hulagway o mangita og pipila niini diha sa Higala nga magasin.

Detalye gikan sa The Last Supper [Ang Kataposang Panihapon], ni Simon Dewey

Doktrina ug mga Pakigsaad 27:15–18

Ang taming sa Dios nagpanalipod kanako.

• Mahimo nimong ipakita sa imong mga anak ang usa ka hulagway sa taming sama niining usa nga anaa niini nga latid o diha sa pahina sa kalihokan diha sa latid sa Mga Taga-Efeso diha sa Dali, Sunod Kanako—Alang sa Primary: Bag-ong Tugon 2023. Samtang magbasa ka sa Doktrina ug mga Pakigsaad 27:15–18, tabangi sila sa pagpangita sa mga piraso sa taming diha sa hulagway. Sa unsang paagi nga ang taming sa Dios makatabang nato nga “makasugakod sa daotan nga adlaw”? (bersikulo 15).

Doktrina ug mga Pakigsaad 28:2, 6–7

Ang propeta makadawat og pagpadayag alang sa Simbahan; ako makadawat og pagpadayag alang sa akong kinabuhi.

• Kon ikaw adunay pipila ka mga bata, mahimo nimo silang dapiton sa pagdula og “sunda ang lider,” apan mohangyo og usa o mas daghan nga mga bata nga mahimong lider sa samang higayon. Unsay mahitabo kon dunay mas daghan kaysa usa ka lider? Mahimo dayon kamo nga magkat-on mahitungod ni Hiram Page (tan-awa sa “Kapitulo 14: Ang Propeta ug mga Pagpadayag alang sa Simbahan,” diha sa Mga Istorya sa Doktrina ug mga Pakigsaad, 56–57, o sa katugma nga bidyo diha sa Gospel Library; o sa ulohan sa seksiyon alang sa Doktrina ug mga Pakigsaad 28). Giunsa sa Langitnong Amahan sa pagkorehir ang kalibog sa nahaunang mga miyembro sa Simbahan? Giunsa Niya pagdumala ang Simbahan karon? (tan-awa sa Doktrina ug mga Pakigsaad 28:2). Ipakigbahin ang imong pagpamatuod nga ang kasamtangang propeta gitawag sa Ginoo aron mangulo sa Iyang Simbahan sa atong panahon karon.

  Chapter 14: The Prophet and Revelations for the Church: September 1830

• Samtang ang pagpadayag alang sa Simbahan sa kanunay ihatag pinaagi sa propeta, kitang tanan mahimong magiyahan sa Espiritu Santo. Mahimo nimong tabangan ang imong mga bata sa pagpangita sa pipila sa mosunod nga mga kasulatan ug sa paglista sa mga paagi nga ang Espiritu makagiya kanato: Doktrina ug mga Pakigsaad 28:1, 4, 15; Juan 14:26; Moroni 8:26; 10:4–5. Mopakigbahin sa usag usa kon sa unsang paagi nga kamo nagiyahan sa Espiritu Santo.

Alang sa dugang nga mga ideya, tan-awa ang isyu karong bulana sa Higala nga magasin.